نجمتي انا فقط ❤

١٠ ( امنيات ) ❤

ذهبن الفتيات و بقي كيرلس مع فادي ليجلس فادي علي مقعده و يسأل كيرلس بجديه
- طب يا كيرلس تخيل معايا كده ان انتو خدتوا المركز الاول و بقي معاك ٢ مليون دولار و تذاكر سفر لبلاد بره فيها اقامه لو حبيبت ....هتعمل ايه بالفلوس ؟ و هتعمل ايه في بلاد بره ؟
كيرلس بعمليه : اولا هشتري فيله صغيره و اتجوز روز ، ثانيا هعمل مشروع في انا و روز بفلوسنا و اذا كان هنا او بره مصر و هنسعا ان مشروعنا يكبر و ننجح بس كده
- اممم طب و الشركه ؟
+ اظن ان دي حياتي انا ، و حياتي ملكي انا و ربنا مش ملك بني ادم
- متحاولش تستفزني يا كوكو ها علشان انا فاهم دماغك كويس اوي ، اه حياتك مش في ايدي بس انت موظف عندي و ماضي علي عقد عمل اقدر العب فيه و اخلي العشرين الف ضمان عدم استقالتك اخليهم عشرين مليون عادي جدا ....بس انا مش بتاع الحركات دي و انت عارف كده كويس
كيرلس بحذر : و انا هعرف ازاي ؟
فادي بأبتسامه خبيثه : لاتكون فاكر انك الوحيد اللي من اذكياء العالم ..لا يا كوكو انا عارف كويس انك بحثت عني و عن اخلاقي علشان توصل كل كبيره و صغيره لمدحت بيه والد نجوم ( ثم اكمل بجديه ) و انا مبخفش من حد روح قول للباشا اني هاجي اطلب ايد بنته في اسرع وقت
كيرلس بدهشه : بس انت عرفت ازاي ؟؟
فادي بضحك : مش بقولك فاكر نفسك اذكي حد في الدنيا ...روح يا كوكو ...روح و ابعتلي روز
ليؤمئ له و قبل ان يخرج نظر كيرلس لفادي ليقول فادي بجديه
- سرك في بير و انا مقدر الي مدحت بيه بيعملوا بسبب خوفه علي بنته
تنهد كيرلس براحه و ذهب للمكتب و بعت روز ، سألها فادي نفس الاسأله فأجابت بنفس إيجابات كيرلس و كانهم متفقين علي احلامهم سويا ، خرجت روز و جائت اسيا ليسألها فادي بأول سؤال لتجيب بابتسامه و هي تتخيل
- لسه مش عارفه يعني لو ربنا رزقنا و كسبنا المركز الاول هفتح مستشفي كبيره اوي و خطيبي يبقي هو المدير
+ هو دكتور ؟
- اه دكتور نسا و توليد
+ تمام يا اسيا اتفضلي انتي و ابعتيلي نجوم
( اسيا بأحراج ) ممكن اقول حاجه لحضرتك انا اسفه يعني
+ اسفه علي ايه اتفضلي !
- هو ...هو ..
+ قولي يا اسيا انتي زي اختي متتكسفيش !
- ربنا يخليك ، بس نجوم انا بحبها اوي و هي عمرها ما عرفت رجاله في حياتها غير اهلها فانا ملاحظه انها معجبه بحضرتك فا ياريت لو سمحت عقلها بس متجرحهاش لان انا و بقيه المكتب لما اتكلمنا معاها  اتضيقت مننا اوي
+ اسيا
- نعم يا فندم ؟
+ انا بحبك زي اختي يا اسيا فا متزعلنيش منك متخافيش علي نجوم تمام
- تمام
+ اتفضلي
خرجت اسيا و هي لا تفهم اي شئ ، حضرت نجوم للمكتب و بعدما جلست قال فادي بضيق
- انتي عايزه تسافري يا نجوم صح ؟
+ اه صح
- عايزه تسافري ليه ؟
+ عادي نفسي اشوف الدنيا و اعتمد علي نفسي بدل ما بابا هو الي بيصرف عليا لحد دلوقتي انا لحد دلوقتي مش بمسك مبلغ كبير في ايدي حتي مرتبي و المكافأه بابا حطهم بأسمي في البنك ، عمري ما خرجت ولا اتفست دايما بقول حاضر و نعم و طيب ، نفسي اعيش شويه حياة طبيعيه ، نفسي اكون انا القائد مش التابع ، تعرف اني كان حلمي ادخل قسم مدني بس بابا خاف عليا و قالي دول بيسافروا و يفقوا في الشمس و اعد يخوفني منها فدخلت عماره ، تعرف انا كان نفسي ليه ادخل مدني ....علشان اكون انا القائد انا الي اقول نعمل ايه و منعملش ايه
- طب ما تعملي كده في مصر و هو انتي لازم تسافري علشان تحققي كل ده
+ في مصر كل الناس الي حوليا هتخاف عليا لو تهت في الشارع و انا اصلا بحب المغامره ، اما بره مصر انا اقدر اعمل ايه انا عايزاه اقدر اغامر بمعني اصح
- و ياتري ايه مفهوم المغامره عندك ؟
+ ههههههه اني انزل من البيت الساعه ٢ بليل مثلا و امشي في الشارع او اني اروح اروح اي مكان و اطلب اتصور مع حد في الشارع هههههه امنيات مجنونه متخدش في بالك هههههه
كانت تحكي و تقص احلامها و هو منصت لها بشده و منتبه لكل كلمه كانت تقولها ليقول فاجأه
- يعني انتي نفسك تسافري علشان تعملي كده بس يعني مش عايزه تقيمي هناك مثلا ؟
+ لا طبعا انا مجنونه اه بس مش للدرجادي انا بحب البلد دي اوي و ملحوظه بسيطه بس انا نفسي اسافر اي حته حتي لو جوه مصر الفكره في السفر مش في اني اسافر بلد تانيه فاهمني ؟!
- اه اه فهمتك
+ هههههه اهي احلام
- ممكن تتحقق
+ مستحيل
- ليه ؟
( لتقول بخيبه امل ) : ولا بابا و لا ماما يرضوا !
- طب و الي يخليهم يوافقوا !
لتقول بتلقائيه فرحه : ليه عندي بوسه هههههه
و فهمت ما قالته لتضع يدها علي وجهها بخجل فهي كل حديثها تلقائي و يفضحها دائما
ضحك فادي بشده و قال
- و انا قد التحدي يلا
و قام ووقف لتقول هي بذهول
+ يلا فين ؟
( لينظر لعينيها بحب ) : يلا نحقق احلامنا ..قصدي احلامك
لتقول هي بخجل و خزي : بس بابا لايمكن يوافق
- متشليلش هم يلا نروح نقابله و هو هيوافق
+ يعني انت هتيجي معايا البيت ؟
- اه
( لتضحك هي بشده )
- ايه بتضحكي علي ايه ؟
+اصل مش متخيله انك هتركب معايا الاتوبيس
- لا احنا هنروح بعربيتي
+ مستحيل بابا قالي مينفعش اركب مع حد عربيته يا تيجي معايا مواصلات يا لا
( ليبتسم حتي بانت اسنانه ) : طيب يا ستي يلا
و ذهبوا من الشركه بعدما انتهي وقت العمل بدقيقه و ذهبوا ناحين موقف الاتوبيسات ركبو بواحد منهم و بعد عناء تحرك السائق في معاده بعدما ركب الكثيرون ليقول هو بتعجب و هو يهمس في اذن نجوم
- هي الناس زادت و لا انا بتهيألي ؟
+ ههههه لا الناس زادت هههههه
و ظل يتحدث معها و هي تضحك بخفه و تحاول ان لا يعلي صوتها لان المكان عام
&&&&&&&&&&&&&&&&&&&&&&&
و بعد نصف ساعه وصلوا امام منزل نجوم لتري شمس راجع الي البيت و رأها تقف مع فادي ليسرع إليها و يقول بجديه
- مين الاستاذ ؟
+ دا دا فادي قصدي البشمنهدس فادي المدير بتاعي في الشركه
- طيب اطلعي انتي ...اسبقينا علي فوق في ايه مالك واقفه ليه ؟!
لتصعد نجوم بسرعه و ينظر شمس الي فادي بترحاب بسيط
- اتفضل !
اومئ فادي له و دخل و صعدا للشقه ، و بعدما دخل فادي رحب به مدحت و قمر و كانت نجوم بالمطبخ تحضر الضيافه ليدخل لها شمس و يقول بتعجب
- جاي ليه الراجل ده ؟
+ مالك يا شمس هو انت ليك عندو طار ولا ايه قالي انو عايز يقابل بابا فا قولتلو ماشي و جه معايا
- و مجيتوش ليه بعربيته
لترد هي بحده و صوت واطي
+ و انا من امتي بركب عربيات حد ، انا قولتوا يا تيجي معايا مواصلات يا لا قالي ماشي و ركب معايا الاتوبيس
- اتوبيس ههههههههههه ( و انفجر شمس في الضحك) بقي فادي العامري بيه صاحب الشركات دي كلها ركب معاكي الاتوبيس !
+ و فيها ايه يا شمس بيه ...
و هنا توقف شمس عن الضحك و فكر ان كان كشف امره لتكمل نجوم
+ مشبهش ولا مشبهش هو ركب الاتوبيس علشاني و فيها ايه ليه محسسني اني قليله اوي كده
ليتنهد شمس و يقول بأبتسامه : قليله ايه اهبل خلق الله يا بنت دا اقطع لسان اي حد يقول عليكي كلمه وحشه او حتي يفكر بكده ، و بعدين لا يا ستي انتي مش قليله انتي ست البنات و جميله الجميلات و نجمه النجوم كمان متزعليش و ادي راسك ابوسها اهي
و قبل جبينها و ضمها ليصالحها لتضمه هي الاخري فهو اخيها الوحيد ، لتأتي الام فاجأه و تقول بسعاده لنجوم
- يلا يا نجمه يلا انزلي مع فادي يلا
+ يلا ايه يا ماما و انزل فين مش فاهمه ؟!
- هو هيفهمك يلا بس
خرجت نجوم بحيره من المطبخ و قابلت والدها ليقول لفادي بعقل
- خلي بالك منها ، لو اتخدشت هزعل منك
+ هههههه متخفش يا باشا هتكون امانه معايا
تنظر نجوم لهم و هي في تخبط لا تفهم شئ ياخذها فادي و يرحل امام والديها و شمس الذي سألهم عن ما يحدث و الي اين فادي ياخذ نجوم
&&&&&&&&&&&&&&&&&&&&&&&
في سياره فادي ، يقول لنجوم بمرح غير معتاد
- غمضي عينك
لتنهال عليه بالاسأله
+ ليه ؟ و واخدني علي فين ؟ و ازاي بابا وافق اننا نخرج اصلا ؟ و ازا...
ليقاطعها فادي بدهشه
- اااااايه براحه يا ماما لاتبلعي لسانك هههههه ايه كل الاسأله دي غمضي عينك و هجاوبك علي كل حاجه واحده واحده
لتغمض عينيها بأبتسامه طفوليه و كأنها طفله تنتظر مفجأءه جميله و هي كذالك
ليسألها بهدوء
+ نجوم انتي مش خايفه ؟
لترد عليه بعدما افتحت عينيها
- اخاف من ايه ؟
+ مني مثلا !
- لا
+ لا !
لتنظر هي بعينيه مع ابتسامه
- انا واثقه في بابا و كونه انو وثق فيك فا ده يؤكد اني مينفعش اخاف منك
+ بس في اي وقت و كل وقت لازم تاخدي حذرك مش كل الناس ملايكه زيك
- انا عارفه ده و مين قالك اني مش باخد حظري
و تخرج من جيب بنطالها سكين رفين و صغير و هي تبتسم و تقول
+ باخده معايا في اي مكان بروحه علشان محدش يقرب مني
- مش خايفه ليعورك ؟!
+ لا جيباله جراب بيحميني منه ، علشان اوقات الحاجه الي بنحتمي بيها ممكن تأذينا زي السكينه دي
- صح ..غمضي عنيكي تاني بقي
لتضحك و تضع السكين بمكانها و تغلق عينيها
و بعد مده قليله خرج من السياره و فتح لها الباب و مازالت تغلق عينيها فهمس في اذنها ان تفتح عينيها، رأت نفسها تقف امام مول كبير جدا لتنظر له بدهشه ليقول لها بأبتسامه
- اول محطه اتفضلي
لتصرخ في حماس : يااااي يلا بسرعه يلا
و امسكت بيده و دخلا بسرعه ليضحك هو لاول مره بهذه الفرحه و كانه رجع طفلا صغيرا معها طفل حر يفعل ما يريد و يجرب ما يريد دون ان يعترض اباه او امه ، وقفت نجوم فاجأه بتذكر لتقول بأسي
+ اه صح دا احنا ممعناش فلوس
ليرد هو بتلقائيه : لا ما انا عامل حسابي
+ عامل حسابك في ايه ؟
- امم اقصد معايا فلوس
+ طب و انا هشتري حاجات ليا بفلوسك ليه ؟
- يا ستي اعتبريهم من مرتبك كأنهم سلفه يلا بقي بلاش رغي
ليضحكا معا و يدخلها بحماس و بعد ساعتين من البحث و الشراء تعبت نجوم فركبا السياره مره اخري لتقول له بتحذير
+ لو متخصموش من المرتب هاجي اديهملك كاش يا فادي دول تمنهم كبير اوي اتفقنا !
ليقول و هو يفكر ثم ينظر لها بحنان : اتفقنا ، جاهزه للمحطه التانيه ؟
- هييييااااا يلا جاهزه هههههه
+ علي بركه الله
و ساق السياره الي مكان اخر ، و بعد مده صغيره اوقفها امام ملاهي كبيره جدا بتقول هي بدهشه
- يا نهار ابيض دي ملاهي !
+ اه
لتنظر له بعينين بريئتين لترمش له مرتين ليقول
- مش بتحبي الملاهي ؟ مش فاهم ؟
+ لا بحبها طبعا بس ...بس بخاف اركب الحاجات دي
- متخافيش ما انا هكون معاكي
لتبتسم نجوم و يدخلا مع بعضهما لتنظر هي للالعاب بخوف و تقول
- هو احنا هنركب الحاجات دي ؟
+ قولنا ايه متخافيش انا معاكي
- طيب ربنا يستر
+ هههههه متخافيش هيستر
ضحكا ليبدأا اللعب معنا في الالعاب و جائو بلعبه كبيره جدا تسمي ( بالسجاده ) ترتفع لاقصي الاعلي و تنزل بسرعه رهيبه و كأنها تخطف الارواح كانت نجوم متردده بشده و كانت تخاف ان تركبها ليشجعها فادي علي الركوب و بعدما ركبوا بدأت اللعبه بهدوء تتحرك للخلف و للامام و كانت نجوم تمسك بالحديد بشده بيديها الاثنتان ، بدأت الارجوحه تعلو للاعلي و تنزل للاسفل اول مره كانت نجوم تصرخ و تضحك بذات الوقت في المره الثانيه بدأت الحديده ان تتلخلخ في يدها فلم تلاحظ نجوم او فادي و في المره الثالثه فكت الحديده و كانت اللعبه في اقصي علووها .......

#يتبع😱