( ان المصائب لا تأتي فردا كالجواسيس بس سرايا كالجيوش )(شكسبير )
&&&&&&&&&&&&&&&&&&&&&&&
( وضع يده القذره علي يدها فوق الكوع ليقول بثماله قليله ) : و انا بقي بحب التحدي
لتنظر ليده الموضوعه عليها و ترفع حاجبها الايمن و تلوي يده بقوه و اصبحت يده واء ظهره و هو متني يكاد رأسه يلامس الارض ليصرخ عندما ضغطت عليها و تقول
- دي علشان بتوقفني في نص الطريق
لتضغط عليها مره اخري ليصرخ بصوت اعلي
- و دي علشان بتعاكس و بتتحداني
ثم ضغطت بقوه حتي انكسرت يده و قالت
- و دي بقي علشان اتجرات و لمست ايدي
و تذهب ناحيه الشركه و كأن شئ لم يحدث لتسمعه من خلفها يقول و الدموع في عينيه من الالم
+ مش هسيبك علي فكره انتي حكمتي علي نفسك بالموت
لتنظر هي له و تقول بحده
- شكلك متعلمش
ليجري هو من امامها لتضحك بشده و تدخل الشركه ، و بعدما دخلت المكتب حكت لاصدقائها ما حدث لينظروا لها بدهشه لتكمل هي بهدوء
- اولا انا مش غلطانه طبعا ثانيا بابا ظابط فدربني علي الالعاب القتاليه و ازاي اتعامل مع الاشكال دي
روز : واو باباكي ظابط ! ظابط ايه و رتبته ايه ؟
- بابا ظابط في قسم مكافحه المخدرات و رتبته لواء و ماما كمان كانت ظابطه بس استقالت علشان تربينا و تفضي لينا
كيرلس بغموض : و اخوكي
- و انت عرفت منين اني ليا اخ ؟
كيرلس : من الملف بتاعك طبعا
- اممم بيشتغل مهندس مدني
روز بضحك : هههههه اخوكي من الاعداء هههه
لتضحك نجوم : هههههه ليه بس
اسيا بابتسامه : مهندسين المدني مش بيطيقونا بمعني اصح
كيرلس بثقه : علشان احنا احسن منهم طبعا
نجوم : لا يا فالح ده علشان بنجننهم بالرسم بتاعنا هههههههه
ليضحك الجميع و فجأه يدخل المدير بغضب ....صمت رهيب في المكان قبل ان ينفجر فيهم قائلا : ماشاء الله حضراتكوا اعدين تضحكوا و متعرفوش المصيبه الي زميلتوا عملتها مش كده
لينظر الي نجوم بغضب و يقول بعتاب
- هو علشان ابوكي ظابط تفتري علي خلق الله في الشارع و تكسريهم ! اهو الي انتي ضربتيه انهارده ده ابن سعد العربي صاحب شركه معمار اتصل بيا و قالي انك ضربتي ابنوا علشان زعقلك و اختلفتوا علي حاجه ( نعم كان يشعر بالغضب و لكن ليس لانها ضربت الرجل بل لانها تعرف رجل )
لتقول نجوم بمنتهي الهدوء ( و هو ما قبل العاصفه )
- اولا ده كلام ميدخلش عقل عيل صغير عنده ٣ سنين و الشحط الي انا كسرت ايده انهارده كان سكران يعني واحد جاي عليا وواقف في طريقي ( ثم اكملت بصوت عالي ) اسيبوا انا بقي يحط ايده علي كتفي علشان يكمل استهبال و يتعدي عليا علشان حضرتك تتبسط انت و ابوه عن ابو شكله لابو شكل ابوه و الحيوان ده انا لو ايده جابته تاني انا مش هكتفي بكسر ايده لا دا انا مش هيكفيني روحه فاهم يا سياده المدير
و خرجت من المكتب و خبطت في كتفه عمدا لغيظها منه فهي تكره الزعيق و كرامتها فوق الجميع
لم تأخذ في بالها انه يستمع لكل كلمه قالتها لتحمر عيناه غضبا من ذالك الذي يسمي سعد هو و ابنه ليتصل بشخص فورا و هو يخرج من المكتب و يقول
- جاك تعالالي علي المكتب حالا
كيرلس بهمس للبنات : مادام اتصل بجاك يبقي سعد و ابنو ليله ابوهم سوده
روز بهمس : احسن يستاهلوا جتهم الارف
اسيا بقلق : انا هروح اشوف نجوم
ذهبت اسيا الي كافيتريا فلم تجدها لتتصل بالسكيرتاريا في الدور الارضي و تسأل اذا كانت نجوم خرجت لترد عليها بلا ، لتبحث اسيا في الدور كله علي نجوم فلم تجدها لتدخل الي الاسانسيل قاصده اخر امل لها و هو السطح ، و بعدما وصلت اسيا للسطح وجدت نجوم تجلس علي الارض ضامه قدمها الي صدرها و تبكي بصوت عالي لتركض لها اسيا و تضمها و ليعلوا صوت نجوم في البكاء ، و بعد فتره هدأت نجوم و ظلت في حضن اسيا كطفل صغير خائف من عقاب ، نظرت نجوم الي اسيا لتسالها
- هو غلط يا اسيا ؟
+ لا طبعا يا روح اسيا انتي صح و صح الصح كمان انا اه لو كنت مكانت كنت ممكن اعيط هههههه بس انتي شجاعه و ضربتيه و ده اصل الصح الشباب الايام دي مش بتيجي غير بالشرشحه و ضرب الجذم
- تفتكري لو كنت سكتلوا كان عمل ايه
+ مش عايزه اتخيل اصلا بس اكيد كان هيتمادا
- طب يلا ننزل المكتب
+ يلا يا حبيبتي يلا صحيح بصي جبتلك ايه ( و اخرجت من حقيبتها شيكولاته من نوع تحبه نجوم )
- الله شكرا اوي يا اسيا انتي احلي اخت في الدنيا دي كلها
+ هههههه و احلي كمان احلي اخت يلا بقي لحسن روز و كيرلس يتجننوا عليكي
و نزلوا هما الاثنتان في المصعد لتفتح نجوم الشيكولاته و تأكلها كطفل صغير اخذ هديه من والدته و بعدما دخلوا المكتب اخبرت روز نجوم بان المدير يريدها في مكتبه لترفض نجوم التوجه إليه و بعد زن روز ذهبت بعدما انهت الشيكولاته الخاصه بها
، توجهت نجوم الي غرفه المدير لاتطرق الباب ليفتح لها فادي بنفسه و تدخل المكتب و هي واجمه الوجه ليتنهد و يقول لها معتذرا
- انا اسف مكنتش اعرف كل ده الراجل كلمني و عامل نفسه بيعيط و بيقولي كده
لتقول بمقاطعه : و ايه الي اكدلك ان كلامي صح ؟
ليقول بأبتسامه : حسيت ان كلامك صح فصدقتك
+ يا سلااام ما كنت تكدب كلامه هو من الاول !
- معلش سامحيني ، ممكن !
لتقول ببعض الضيق : ممكن
- ده منظر واحده بعتذر منها و قبله اعتذاري ! هههههه طب يا ستي ولا تزعلي انا حطتلك مكفأه قيمتها خمس الاف جنيه علي مرتبك كهديه مصالحه تمام ( و ذهب الي التلاجه الصغيره التي في مكتبه ليفتحها و يخرج منها علبه عصير تفاح و يعطيها لها و يكمل ) اعتبريها هديه مصالحه من صديق ، لما بتضايق بحب اشرب عصاير عموما
لتؤمي هي برأسها و تأخذ العصير منه بأبتسامه صغيره لم تصل لعينيها حتي و شكرته و خرجت لتذهب الي المكتب و تشرب العصير و تبتسم لنظرات اصدقائها لها
كيرلس بدهشه : هو الي اداكي العصير ؟
لتؤمي هي برأسها بمعني نعم
روز بدهشه لا تقل عن كيرلس : هي القيامه قامت ولا ايه
اسيا بضيق : ليه يا فقريه هانم و في ايه يعني لما يصالحها !
روز و كيرلس بذات الوقت : يعني بيحبها
لتشرق نجوم و تسعل بشده و بعدما هدأت
- يخرب عقلك منك ليها هو علشان اعتذر علي اهانته ليا بالشكل ده يبقي بيحبني
ليفتح كيرلس و روز فمهم يكاد يصل للارض لتقول اسيا بهمس لنجوم : تقريبا كده العيال دي واخده فكره عنو انو زومبي ولا حاجه
لتهمس نجوم ايضا : اه بامانه باين كده
لتنظر روز الي كيرلس في حيره و ما انقذ نجوم و اسيا هو صوت جرس الراحه لتفر نجوم من امامهم هي و اسيا و يذهبوا للكافيتريا و هم يضحكون بشده علي منظر الثنائي
&&&&&&&&&&&&&&&&&&&&&&&&
في مكان اخر ، مرمي علي الرصيف باهمال مكسور يده اليمني و قدمه اليسري ، لينظر له جاك و يذهب و يتصل ب فادي و يقول بعمليه
- حصل يا باشا و صورته و بعت لحضرتك الصوره و بعت لسعد بيه الرساله بالنص ( المرادي جت علي ايد و رجل و المره الجايه فيها روحكوا )
+ برافو يا جاك ...برافو
&&&&&&&&&&&&&&&&&&&&&&&&
سعد العربي بغضب : اه يا فادي الكلب اما قتلته مبقاش انا سعد العربي
ابراهيم بغيظ : استني يا بابا فادي كده كده مش هنعرف نطوله إلا بطريقه واحده بس
- ايه هي
ابراهيم بخبث : هقولك و اسمعني كويس ...
&&&&&&&&&&&&&&&&&&&&&&&&
انتهي وقت العمل فذهبت الي بيتها تري والدها ينتظرها بقلق
- ايه يا نجوم ايه الي حصل
+ في ايه بابا مفيش حاجه حصلت يعني مشكله بسيطه و غير كده انة نفسي افهم حضرتك بتعرف عني طل ده ازاي قبل حتي ما اول البيت
لتضحك قمر و تقول : مش ظابط بقي
نجوم بمشاكسه : اوعي تكون معين حد يراقبني يا بابي ازعل منك
شمس بدخول البيت : عيب عليكي عم دوحه ميعملش كده متقلقيش ههههه
ليضحك الجميع و بعد مده قليله يقول شمس بتوتر
- بصوا يا جماعه بصراحه كده و علي بلاطه انا هسافر
لتشهق نجوم : ايه لا هتروح فين و تسبني ؟
شمس بحب : متخافيش يا حبيبتي انا هروح شغل كام يوم كده و راجع
نجوم بحزن : لا يا شمس علشان خاطري متروحش ارفض الشغل ده
مدحت : يرفض ايه يا بنتي هو لعب عيال لا طبعا روح يا ابني شوف مصلحتك
شمس بحنيه : كام يوم و راجع يا نجمتي مش هتأخر
نجوم بطفوله : وعد ؟
شمس : مش هقدر اوعدك بس اوعدك اني اتصل بيكي كل ما تجيلي فرصه تمام
لتحزن نجوم و تؤمي برأسها و تقول : جت الحزينه تفرح ملقتلهاش مطرح هو يوم كله نكد من اوله لاخره
ليسأل شمس بحيره : ليه ؟
لتحكي لهم ما حدث معها طوال اليوم
&&&&&&&&&&&&&&&&&&&&&&&&
و بعدما انهو حديثهم دخلت نجوم غرفتها لتستريح لتجد ليزا تتصل بيها و تبدأء المحادثه
ليزا : اهلا بالي نسياني ليل و نهار لا لا انا زعلانه منك جدا
+ انا اسفه جدا جدا بس صدقيني انا مش لقيه وقت اتنفس اصلا بس اوعدك مش هتتكرر بامانه
- امممم لما نشوف ، ها قوليلي ايه الي حصل في الايام الي فاتت دي بقي ؟
+ لا استني بس انتي هتخديني في دوكه احكيلي انتي ، كنتي مختفيه فين مش دي ليزا الي كانت بتتصل بيا كل خمس دقايق
- اه اسكتي يا اختي لقيتلك كده خير اللهم اجعلوا خير اليوم الي انتي اشتغلتي فيه لقيت بابا بيفاجأنا و بيقولنا يلا نسافر البلد
+ البلد ؟ ليزا انتي عمرك ما سافرتي اصلا !
- بابا قال اني لازم بقي اروح اشوف البلد هناك و تاتي و جدو بدل ما هما يجوا هنا و يتعبوا نفسهم فملحقتش اكلمك و هناك الشبكه وحشه اوي كمان
+ امممم و انا بقول بردو حاولت اتصل بيكي قبل كده اداني غير متاح انا اه خوفت عليكي بس كنت مهمده اوي ساعتها فمعرفتش افكر سامحيني
- ولا يهمك يا حبيبتي ها احكيلي انتي بقي ايه الي حصل ؟
+ هقولك يا ستي اول يوم .......
و بدأت نجوم تروي ما حدث معها بتلك الايام و عن اسيا و جمالها و عصافير الحب و عن فادي حتي انتهت المكالمه و خلدوا للنوم
# يتبع😊
أنت تقرأ
نجمتي انا فقط ❤
Lãng mạnعندما يرفض الاهل هذا الحب 💔 ، فتلجأ النجوم لسمائها و هو الجد الذي يرفض بعدها عنه 😶 فيشاء القدر ان اجتماع الاحبه صعب جدا يكاد يكون مستحيل فماذا سيفعل العشاق ؟ ايتمسكوا بالسماء البعيده ...ام يستسلموا لارض الواقع ؟ 💔❤، الروايه رومانسيه ، كوميديه ،...
