Unicode
(August 13, 6:15pm )
ရှောင်းကျန့်ရဲ့တိုက်ခန်းလေးက တိုက်ခန်းလို့သာခေါ်ရတယ်။ ဟောင်းနွမ်းအိုမင်းလှပြီ။ လခတလချင်း ပေးလို့ရတာကြောင့် သူဒီနေရာမှာဆက်နေဖြစ်သေးတာ။ ခပ်ကျဉ်းကျဉ်းလမ်းကြားကိုလျောက်လာရင်း တစ်ယောက်ယောက်လိုက်ကြည့်နေသလို ခံစားရပြန်ပြီ။ အနောက်ကိုလှည့်ကြည့်လိုက်တော့ မြင်ကွင်းကအရှင်း ...၊ ကိုယ့်ရဲ့အခန်းရှေ့ရောက်တာနဲ့ သော့ကိုဖွင့်လို့အမြန်ဝင်လိုက်တယ်။ တံခါးကို lock ချပြီး ချောင်းကြည့်ပေါက်အသေးလေးကနေ အပြင်ကိုကြည့်တယ်။ ဘာအရိပ်အယောင်မှ့မတွေ့ ။ သူစိုးရိမ်လွန်နေမိတာပဲ။
ရှောင်းကျန့်က ပေါ့ပါးစွာ ရယ်လိုက်တယ်။ သူ့ရဲ့ကျောပိုးအိတ်လေးကို စာကြည့်စားပွဲဘေးချတယ်။ ပါဝါမပါတဲ့ မျက်မှန်ပုံတုံးတုံးကိုလဲဆွဲချွတ်တယ်။ ရေချိုးအဝတ်အစားလဲလိုက်တယ်။ ညစာအတွက်က မနက်ကကြော်ထားတဲ့ ထမင်းကြော် လက်ကျန်ရှိတယ် ။ကျောက်ခဲအလားမာနေလောက်ပြီဆိုပေမဲ့ သူ့ရဲ့ညစာကဒါပဲ။
ဒေါက် ~ဒေါက် ...
ထမင်းပန်းကန်ကိုကိုင်ထားတဲ့ လက်တွေကတုံ့ခနဲရပ်သွားတယ်။
"ဘယ်သူ ...ဘယ်သူလဲ ? "
ဒေါက် ~ဒေါက်
ကျွီ~~~~
"ထင်သားပဲ ထမင်းအကျန်တွေပဲပြန်စားနေမယ်ဆိုတာ"
မုန့်ဇီရီက အိမ်ထဲဝင်လာပြီး ထမင်းစားပွဲကိုအကဲခပ်လို့ပြောတယ်။ ရှောင်းကျန့်က အခန်းတံခါးကိုပြန်ပိတ်လိုက်ပြီး ...
"ငါက ရပါတယ် "
"ပြောလိုက်ရင်အဲ့လိုပဲ။ ရပါတယ်။ အဆင်ပြေပါတယ်
ဒါပဲပြောတတ်တယ်..."
မုန့်ဇီရီက ပွစိပွစိပြောလိုက်ပြီး ယူလာတဲ့ ထမင်း၊ဟင်း ဘူးတွေကို စားပွဲမှာနေရာချနေတယ်။
"အတူစားမယ် .."
"အွန်း.."
"အလုပ်ကဘယ်လိုလဲ ဒီနေ့ အတန်းကြီးကိုအစားထိုးဝင်ပေးရတယ်ဆို "
"အင်း အဆင်ပြေတယ်။ စာသင်ရတာလဲအခက်အခဲမရှိဘူး။ ကလေးတွေလဲစကားနားထောင်တယ် "
BẠN ĐANG ĐỌC
Devil Wings (Completed)
Fanfictionနတ်ဆိုးရဲ့တောင်ပံတွေအောက်က ဘယ်တော့မှ့ လွတ်မြောက်ခွင့်ရမှာလဲ ...... နတ္ဆိုးရဲ႕ေတာင္ပံေတြေအာက္က ဘယ္ေတာ့မွ႕ လြတ္ေျမာက္ခြင့္ရမွာလဲ ...... Start Date -3.9.2021 End Date - 30.9.2021 #yizhan
