(نبدأ فصلنا بالصلاة والسلام علي شفيعنا محمد عليه افضل الصلاه والسلام)
خرج امجد من الفيلا وركب سيارته واتصل بصديق طفولته وائل
امجد : ايه يابني انت فين
وائل :انا في البيت باكل
امجد : يابني بطل الفاظك دي شويه
وائل بضحك :مالها ملافظي يا دكتور مش عجباك
امجد بضحك:طب اخلص بقي انا جايلك اهو
وائل :اشطاا يا كبير
امجد بضحك : اشطا !!! طب سلام
بعد ربع ساعه وصل امجد ل فيلا وائل وجده منتظره في الجنينه سلم عليه وقعدوا يتكلموا
امجد :ايه يابني مالك مبوز كده ليه
وائل بضحك : مبوز !!! طب والله انت اتعديت مني يابني
امجد بضحك :اه طب خلاص يعم هحسن انا ملافظي المهم مالك كده
وائل بضيق :هيكون مالي يعم ست يمني مش طايقاها مش حاسسها شبهي ولا ليا
امجد :طب متسيبها هي اصلا مش شكلك وانا بصراحه مش مرتاحلها
وائل:اعمل ايه يعني مانت عارف امي هي اللي غصباني عليها عشان بنت اختها وانا معرفش ازعلها
امجد :ربنا معاك والله
وائل :يارب مش ناوي انت بقي تخطب ونخلص منك
امجد بضحك:لا يعم نخلص منك انت وست يمني
وائل :يعم افتكرنا حاجه حلوه
امجد بضحك :علي رايك هقوم انا اروح بقي اشوفك بعدين
وائل :ماشي يا صحبي سلام
في منزل تقي
بعد مخلصت تقي الغسيل فتحت تليفونها وحطت السماعه وفضلت تسمع اغاني كالعاده
الام بصوت عالي : بت يا تقي انتي يبت يالا عشان نلف المحشي ابوكي هيجي تعبان وعاوز ياكل لقمه
تقي وهي بتقلع السماعه :نعم يا ماما بتقولي ايه
الام : بقولك قومي يا موكوسه لفي المحشي
تقي :طيب طيب جايه اهو
الام :اخلصي يبت قومي
تقي :يادي النيله عليا وعلي سنيني
الام : بتقولي ايه يا زفته سمعيني كده
تقي :بقول يالا نلف المحشي عشان بابا حبيبي زمانه جاي
الام وهي تحرك فمها بحركه شعبيه:يالا ياختي يالا
(نسيبهم بقا يلفو المحشي )
نرجع لبطلنا
دخل امجد الفيلا لقي امه وأبوه في الصالون راح قبل رأس امه وايد أبوه
الام : يالا يا حبيبي عشان تتغدي
امجد :حاضر يا امي هطلع اغير هدومي وانزل
الام :ماشي يا حبيبي
طلع امجد يغير هدومه بترنج اسود وصفف شعره الطويل ونزل عشان يتغدي لقي داده سعاد بتحط الاكل علي السفره
امجد :ازيك يا داده سعاد
داده سعاد: الله يسلمك يا دكتور امجد
امجد بضحك:دكتور امجد ايه يا داده انا زي ابنك
داده سعاد:العين متعلاش عن الحاجب بردو يا دكتور
أمجد بضحك :ماشي يا داده
وقعدوا يأكلوا هو وأبوه وأمه
الام :هتروح الجامعة بكره
امجد:ايوه يا امي
الام:ربنا يحفظك يا احلي دكتور
أمجد: ويخليكي ليا يا ست الكل
(نسيبهم يكملوا غدا)
في فيلا جميله اصغر من فيلا امجد بعض الشيء
يجلس وائل مع امه وأبوه واخته ملك التي تصغره ٦سنين
الام :مالك يا وائل مش طايق نفسك كده
وائل :هكون مش طايق نفسي ليه طول منا خاطب ست يمني
الام :ومالها يمني بنت اختي ياسي وائل
وائل :لا ملهاش بنت محترمه وغير لبسها ماشاءالله غايه في الادب والاحترام
الام بغضب :ولد احترم نفسك وانت بتكلمني وبعدين يمني بنت محترمه ولبسها شيك جدا واستايل
ملك :شيك ايه واستايل ايه يا ماما دي عامله زي الاراجوز
وائل :أنتي بتقولي فيها دي عامله زي عروسه المولد
ملك بضحك :اي والله وغير شعرها اللي كانت عملاه كنيش امبارح بصراحة شكلها كان اوفر اووي
الام وهي قايمه:انا هقوم واسيبكم احسن
ملك :ليه يا ماما بس تعالي اقعدي معانا
صدع تليفون وائل فتحه لقي يمني بتتصل قفل السكه بغضب
ملك :مترد عليها لأحسن شويه ونلقيها ناطه هنا وانا مش بطيقها اصلا
وائل :مش لوحدك والله
ملك بضحك :هقوم اجهز حاجتي انا بقي بكره اول يوم في الكليه
وائل :يالا غوري
ملك :طب عشان كده بقي مش هقوم وادي قعدت اهو
وائل : خليكي ياختي هغور انا
ملك بضحك :باي يا لولو يا حبيبي وابقي هاتلي حاجه حلوه معاك
(وائل صديق امجد من الطفوله طويل القامه مفتول العضلات ٢٧سنه ظابط في الشرطه )
(الام سندس ٤٩ سنه بتحب الشكليات والموضه ولكن طيبه القلب )
(ملك بنت جميله جدا محجبه ٢١ سنه تدرس في كليه الهندسه)
في اليوم التالي صباحا في منزل تقي
الام وهي بتصحي تقي
الام :قومي يبت عشان تفطري وتروحي الكليه ده اول يوم ليكي قومي يبت
تقي وهي بتتنفض من علي السرير :يالهووي من اول يوم وهتاخر هي الساعه كام يا ماما
الام :لسه الساعه ٧قومي يالا عشان تفطري الاول
تقي :طيب طيب روحي حضري الفطار بقي يا صفصف
الام وهي خارجه من الاوضه:كتك نيله في خلفتك السوده
خرجت تقي عشان تفطر مع امها وأبوها
تقي : صباح الخير يا بابا يا حبيبي
الاب :صباح النور يا قلب بابا يالا عشان تفطري
تقي وهي بتقعد جمب ابوها :حاضر يا بابا
فطروا وخلصوا وقامت تقي تلبس عشان تروح الكليه
خرجت بعد نص ساعه تقريبا لابسه دريس نبيتي وعليه طرحه بيچ وصندل عالي قليلا لأنها متوسطة الطول
تقي :ايه رايك يا ماما شكلي حلو
الام :اه يا حبيبتي شكلك قمر
تقي وهي بتبوس ايد امها :ربنا يخليكي ليا يا ماما
الام : يالا خدي مصروفك علي التلفزيون وهاتي اكل وعصير وكلي
تقي :حاضر يا ماما
وخدت مصروفها وخرجت من البيت
وعلي الناحية التانية خرج امجد من البيت بعد ملبس قميص ابيض من غير كرافته وبنطلون اسود مع جاكيد اسود وصفف شعره الطويل وركب عربيته وراح الكليه.
ف ماذا سيحصل يا تري!!!!!
ازيكم يا حلوين يارب تكونوا بخير
ده تاني فصل يارب يعجبكم وهنزل أن شاء الله فصل كمان بكره او بعده بالكتير
بقلمي
الفاطمة هاشم
دمتم سالمين ❤️
