متنسوش النجمة فضلا
(نبدأ فصلنا بالصلاة والسلام على شفيعنا محمد عليه افضل الصلاه والسلام)
في الشركه
كان سالم يخرج من الشركه سريعاً وراءه وائل
سالم وهو يتجه الي السياره:روح بسرعه يا وائل هات اهل البنت دي لحد منشوف اخرتها ايه ..
وائل بايماء وهو يتجه الي سيارته حتي يتجه الي منزل تقي بعدما علم انها تسكن بجانب منزل امنيه
بعد نص ساعه تقريبا وصل وائل الي منزل امنيه،ترجل من السياره وخلع النظارة الشمسية واتجه الي سيده تقف وسألها
: السلام عليكم
السيده وهي تتفحصه: وعليكم السلام ورحمه الله وبركاته
:انا كنت بسال عن بيت تقي محمد ..فين ..؟!!
السيده وهي تلوي فمها بضيق:وانت بقي من معجبينها ولا ايه..؟!
وائل بغضب:انتي ازاي تتكلمي معايا بالطريقة دي ..انتي متعرفيش انا مين ولا ايه
ردت السيدة التي كانت تقف بجانبها بسرعه
:بيتها اللي هناك ده يا باشا اللي جمب السوبر ماركت تاني دور
وائل أتجه الي المنزل بعدما رمي عليهم نظره حاده وصعد إلي الدور الثاني وخبط
بعد عده ثوان اتفتح الباب ولم تكن سوي امنيه التي حينما رأته شهقت بعنف
:انت ايه اللي جابك هنا يخربيتك..أمشي بسرعه امي هنا
قالتها امنيه وهي تكاد تغلق الباب في وجهه
وائل بضحك وهو يزيح يدها من علي الباب
:انتي عبيطه يبت أنتي..انتي محسساني اني جاي اعمل غلط
هاله وهي تتجه اليها حينما تاخرت
:مين يا امنيه اللي جه ؟!
هاله وهي تتفحصه:ايوه يا استاذ عاوز مين ؟!
وائل بتنحنح:احم ..انا جاي بخصوص تقي ..هي وصلت هي وأمجد وهما دلوقتي في الفيلا مستنياكم
هاله بشهقه وصوت عالي : نعم نعم !!! ويا تري بتعمل ايه المحروصه عنده هناك.. وايه مستنيانا دي هي جايه من الحج ولا ايه..اش حال دي كانت ماشيه علي حل شعرها
صفاء خرجت علي الصوت العالي بسرعه
:في ايه ..ايه اللي حصل ؟!
هاله بسخرية:قال ايه تقي رجعت هي وأمجد
صفاء بسرعه :تقي ..تقي بنتي فين
وائل :هي مستنياكم ياريت تيجوا معايا دلوقتي وتفهموا كل حاجه هناك
صفاء بدموع:طب يالا والنبي بسرعه وديني لبنتي
هاله بغضب:طب خشي الاول ياختي البسي عشان نروح ونشوف الحكايه الجديدة بتاع ست تقي..
صفاء دخلت بسرعه وارتدت العبائه ودخلت عند محمد وايقظته واخبرته ما حصل ،هب واقفاً وخرجوا جميعهم ونزلوا وسط بكاء صفاء وامنيه ،
جلس محمد في الامام بجانب وائل وصفاء وهاله وأمنية في الخلف ..
....................
في فيلا امجد
كانت تجلس تقي خافضه نظرها أرضا ،وهناء تجلس بجانبها ومن الناحية الاخري امجد
وسالم يجلس بحده وهو ينظر لهم
:طب هنعمل ايه دلوقتي في المصيبه اللي حطت علي دماغنا دي
تفوه بها سالم وهو ينظر لهم بضيق
امجد بضيق هو الآخر :مش عارف اللي تشوفوه صح اعملوه
سالم بحده: يعني بعد سمعتنا بقت علي كل لسان جاي تقولي اللي تشوفوه اعملوه..يا بجاحتك
امجد وقف بغضب:لو سمحت يا بابا ..انا مكنتش اعرف ان ده هيحصل ومليش ذنب في الحوار ده
هناء وقفت بسرعه: خلاص بقي يا سالم نبقي نتكلم في الموضوع ده بعدين
سالم وقف بغضب:مفيش زفت وقت عشان حضرتك تقولي بعدين مهو ياما مكنوش مخطوفين وجابوا الحوار من ده دماغهم ..ياما فعلا والمصيبه هتحط علينا كلنا
امجد وجه نظره ل تقي التي تبكي بصمت وزفر بعنف
سالم بقوة:يبقي مفيش حل غير أن نجوزهم مؤقتا لحد م الدنيا تهدي ونقول إن دي حقيقه وكانوا في شهر العسل وماعلناش في الوقت ده عشان زي مبيقولوا دي طالبه عنده والكل كان هيتكلم عنهم
امجد بلع ريقه بصدمة ونظر الي تقي التي تبكي بعنف وخصوصا حينما عرفت من والده بخصوص الصور
تقي هبت واقفه ببكاء:أنا ماشيه
هناء:يا حبيبتي وائل كلمني وقال إنهم جايين دلوقتي
تقي بتلعثم:لو سمحتي.. انا عاوزه أمشي مش عاوزه اقعد هنا
امجد قلبه وجعه عليها نظر إلي والدته التي فهمته فورا:طيب تعالي معايا نقعد فوق لوحدنا
فجأة دخل وائل وخلفه محمد وصفاء وهاله وأمنية،
صفاء اول م شافت تقي جريت عليها تحضنها بقوة وامنيه أيضا وقفت تبكي علي صديقتها وهاله كانت تقف تنظر إلي الفيلا بانبهار..
ومحمد ظل واقف ينظر لها بكسره
صفاء وهي تمسك وجه تقي بيدها:كده يا بنتي توجعي قلبي عليكي
امنيه حضنت تقي ببكاء: وحشتيني اوي يا تقي
تقي ببكاء اتجهت الي والدها ووقفت امامه كالمذنبه،
محمد نظر لها عده ثوان وفجاه رفع يده وصفعها بقوه وقعت أرضا تبكي وهي تمسك وجهها
امجد بغضب اتجه له ومسكه من تلاليب ثيابه
:انت اجننت ازاي تمد ايدك عليها ...وربي مهرحمك
وائل وسالم جريوا عليه ومسكوه ورجعوه لورا
سالم بغضب: انت اجننت خلاص
أمجد وهو يبعدهم عنه بجنون:اه اجننت ..واللي هيمد ايده عليها هقتله ..انتوو فاهمين ..!!!
كلهم نظروا له بصدمة وتقي أيضا
امنيه اتجهت وساعدت تقي في الوقوف
امجد بغضب: ويكون في علمكم انا هكتب عليها النهارده ودلوقتي كمان
ووجه نظره الي وائل
:هاتلي ماذون دلوقتي يا وائل ..
وائل بهدوء:اهدي بس كده وهنعمل اللي تعوزه
محمد بهدوء رغم العاصفة التي بداخله وهو ينظر الي تقي بكسره :يالا يا صفاء خلينا نمشي من هنا ..من النهارده تنسي أن ليكي بنت اسمها تقي خالص
تقي انفجرت في البكاء:لا والنبي يا بابا متقولش كده ..انا بنتك تقي
محمد بوجع: بنتي ماتت خلاص... يالا يا صفاء
صفاء وهي تحضن بنتها وتبكي: لا بنتي هتيجي معايا
سالم أتدخل: ممكن يا استاذ محمد تتفضل معايا في المكتب وافهمك كل حاجه
بعد رجاء منهم اتجه معه الي الداخل
وظلت تقي تبكي في حضن والدتها وأخذت هناء تقص عليهم ما حصل
امنيه ببكاء:يا حبيبتي يا تقي يعني انتي فعلا مظلومه..شوفتي يا ماما أن كلامي كان صح ازاي
هاله بعدم اقتناع:ده ولا كانه فيلم في سيما..
هناء وهي تكمل حديثها: ف عشان كده بقي اتكلمنا وقولنا نجوزهم ونقول إن دي مجرد إشاعات طلعت عليهم وهما كانوا في شهر العسل وكده لحد م الناس تنسي
صفاء: يعني قصدك أننا نجوزهم فتره ويطلقوا بعدها
عند هذه النقطة ورفع امجد نظره علي تقي
هناء بسرعه:لا طبعا أنا مقولتش كده ..لو هما عاوزين يكملوا يبقي ربنا يهدي سرهم مع اني شايفه أنهم لايقين علي بعض اوي ولا ايه رايك يا امجد
قالت اخر جملتها بخبث وهي تنظر ل امجد
امجد نظر الي تقي بابتسامة قابلته بتوتر
هناء ضحكت عليهم
صفاء نوعا ما ارتاحت ليهم ونظرت الي ابنتها بحب
:انتي ايه رايك يا تقي ؟!
تقي نظرت أرضا بارتباك،ظن امجد أنها لا تريده ازاح وجهه عنها فورا ،بينما وائل كان ينظر إلي امنيه ببلاهه لاحظها الجالسين
هناء بابتسامة:مالك سرحان في ايه يا وائل..؟!
وائل بسرحان:في القمر
امنيه نظرت أرضا بخجل لاحظته هاله
هاله بتنحنح:طب نستاذن احنا بقي يا جماعه وهبقي اطمن عليكي بعدين يا صفاء...يالا يا امنيه
هناء وهي تقف : والله ميحصل..اقعدي مكانك يام امنيه
الباب اتفتح فجأة وخرج محمد وسالم
محمد وهو ينظر ل تقي بقوة
: النهارده بليل كتب كتابك علي امجد ...
..........................
عند امام كان نازل من السياره ولكن قبل أن يفتح خبط علي وجهه بغضب
:نسيت اديها الفون
ادار السياره مره ثانيه واتجه الي منزل داليا
بعد ربع ساعة تقريبا
وصل امام الي منزل داليا ترجل من السياره وصعد إلي منزلها كان الباب مفتوح وداليا واقفه تكنس ارضيه المنزل بعبائه منزليه بنص كوم وترتدي طرحه قطن خفيفه وترجعها إلي الوراء باهمال
ظل يدقق النظر فيها بصدمة وفجاه احمرت عينه بغضب ونادي باعلي صوته
:دالياااااا
داليا كانت ما زالت تكنس سمعت صوته اتنفضت
تقدم الي الداخل بغضب ومسك المكنسه ورماها أرضا ونظر لها بحده:انتي ازاي تقفي كده ..افرضي حد شافك وانتي واقفه كده ..يقولوا علي جوزك ايه طرطور
داليا تحاول أن تجمع كلامه وفجاه:جوززززي!!!!
امام وهي يقترب منها ببطئ : اه جوزك عندك مانع ؟!
داليا وهي تبعد عنه :امام ..احترم نفسك
امام بتوهان:قلبه وروحه
داليا وهي تزقه بعيد عنها :ابعد بقي واحترم نفسك
امام برفع حاجب: والله!!!
داليا بغضب مصطنع:لو سمحت متقربش مني تاني
امام بوقاحة:ليه.. مانتي هتبقي مراتي
داليا بغضب حقيقي :اخرج برا دلوقتي حالا ..ابويا مش هنا
امام وهو يبتسم بخبث ويتجه الي الباب يقفله ويتجه علي الكنبه يجلس عليها باريحيه
:اقعدي بس عاوزك في حاجه
داليا وهي تدخل اللي الداخل وخرجت بعد دقائق وهي ترتدي عبائه محتشمه وفتحت الباب وجلست امامه:خير
امام وهو يقف ويجلس بجانبها:بتكلمي كده ليه !!
داليا وهي تربع يدها :مهو لو حضرتك محترم مكنتش هتكلم معاك بالطريقة دي
امام وهو يشد يدها ويجذبها عليه : لما تكوني بتكلميني تتكلمي عدل وبلاش طريقتك دي معايا
داليا وهي تزيح يده :اومال لما جنابك تدخل عليا بالطريقة دي وحركاتك عاوزني اعمل ايه !!
امام وهو يجذبها بعنف وشر :احترمي نفسك يا حلوه متخلنيش اقلب عليكي واتظبطي هاا اتظبطي
داليا نظرت له بدموع:عاوز ايه ؟!
امام ترك يدها وتكلم بحنيه: وحشتيني
داليا مسحت دموعها وظلت ساكته
امام أخرج الهاتف من جيبه واعطاه لها
:خدي ده نسيت اديهولك رجعت عشان كده
داليا بلا مبالاة:مش عاوزه حاجه
امام مسح علي وجهه بنرفزه:بلاش طريقتك دي معايا
داليا نظرت إلي الهاتف وأخذته منه :جايبهولي باماره ايه بقي !!
امام بتبريق:انتي عبيطه يبت ..ايه باماره ايه دي ..ده كلها اسبوع وتبقي مراتي شرعا وقانونا
داليا نظرت أرضا بخجل فابتسم علي فعلتها
: ممكن تبصيلي بقي ونتكلم شويه
داليا نظرت له :عاوز تتكلم في ايه ؟
:طب مهو انتي محترمه اهو وبدخلي رجاله البيت يا ******
التفتوا إليه شهقت داليا بصدمة وهي تحتمي في امام بعنف
...................
استووووووب
بقلمي الفاطمة هاشم
دمتم سالمين ❤️
