متنسوش النجمة
(نبدأ فصلنا بالصلاة والسلام على شفيعنا محمد عليه افضل الصلاه والسلام)
:اه يا بنت الكل* بتضربيني انا...سيبوها يا رجاله مفيش هيعلم عليها غيري..
قالها عباس وهو يخرج"المطوه"ويتجه ل داليا المرميه في الأرض
شدها من حجابها وخلعه ورماه أرضا وجرها منه
:انا بقي يا ***** هعرفك ازاي تعملي معايا الغلط ..؟!
قالها وهو يرفع المطوه
وفجاه يد مسكته من الخلف ولوي يده في حركه قتاليه وانقض عليه يضربه في اماكن متفرقة في جسده..
:انا بقي اللي هعرفك يا ***** تمد ايدك عليها ازاي ..؟!
لم يكن سوي امام الذي عرف مسبقاً ما سيفعله.. وأمر شخص بمراقبته حينما خرج
أتوا الرجال الذي كانوا مع عباس وهجموا علي امام
لكن كان هو اقوي منهم وفرق الطول والجسد ساعده ..
:وحيات امكو لتناموا في الحجز يا شواه*****
قالها امام بغضب وهو ينقض عليهم كالفريسه الجائعه..
كل هذا وداليا تنظر إليه وهي تكاد يغمي عليها من كثره الضرب
لاحظها امام بعدما انتهي منهم واترموا أرضا جري عليها بلهفه
:انتي كويسه ..تعالي معايا اكشف عليكي ..
قالها وهو يسندها عليه
:لا انا كويسه مفيش حاجه
قالتها داليا بضعف وهي يكاد يخشي عليها ولا تري امامها
:تعالي معايا اوديكي لدكتور ..؟!
قالها امام وهو يسند جسدها عليه ..شاف عباس هو والذي معه هربوا
داليا بعدت عنه بضعف ودخلت المحل غسلت وشها وفاقت
:فوقتي شويه ..؟!
قالها امام بخوف عليها وهو يدخل المحل
داليا :الحمد لله يا حضره الظابط..شكرا علي تعبك معايا ..
امام وقد لاحظ شعرها الأسود الطويل علي جانبيها
ضل ناظر إليها بعد الوقت
:احم ..علي فكره انتي مش لابسه الطرحه ..؟!!
قالها وهو يتحاشي النظر إليها
داليا شهقت بصدمه وجريت برا المحل وخدت حجابها المرمي أرضا ولبسته..
امام لاحظ الناس واقفين بيتفرجوا عليهم وبتكلموا بهمس
:كل واحد علي بيته يالا ..مش عاوز اشوف حد واقف ..
قالها امجد بغضب وهو ينظر لهم
الناس انصرفت فورا ..فهم يعرفون من هو حينما اتي واعتقل اباها
داليا دخلت وبصتله بخجل
:شكرا يا حضرة الظابط لو حضرتك مكنتش جيت كانوا بهدولني..
امام بص ل خجلها وابتسم
:لا متقلقيش محدش يقدر يبصلك من النهارده
داليا بصتله وضحكت
:بت يا داليا ...انتي يبت يا داليا
كان هذا صوت سيده تنادي عليها ...داليا بصتلها
:نعم يا ام احمد
قالتها داليا وهي تخرج لها
:ايدك علي فلوس الايجار ياختي ...ده رابع شهر متدفعيش..
قالتها ام احمد بغضب
داليا دخلت المحل وفتحت بوكها وطلعت منه فلوس وادتهم ل ام احمد
:ايه دول يا حبيبتي..؟!
قالتها ام احمد وهي ترفع الفلوس في وشها
:دول ٢٠٠جنيه ويومين ابقي اديكي الباقي
قالتها داليا بخجل من وجود امام
:نعم ياختي بقي انا سيباكوا في المحل تاكلوا منه عيش عشان صعبتوا عليا تقوموا تاكلوني في فلوس الايجار ..
قالتها ام احمد بصوت عالي وهي تردح لها
:في ايه يا ست انتي اتكلمي باحترام اكتر من كده ده اولا ..ثانيا قولي فلوسك كام وادفعهالك
قالها امام بغضب وهو يقترب لهم
ام احمد:يا باشا البت دي هي وأبوها كل مياجروا محل يتكرشوا منه بسبب أنهم مبيدفعوش فلوس الايجار..وانا بقالي اربع شهور سيباهم وبردو مبيدفعوش
داليا بغضب وبخجل :انا قولتلك يام احمد هدفعلك كل يومين حاجه والمحل اصلا مش جايب همه ..ايه لازمته الكلام ده دلوقتي
امام بص ل داليا وخرج محفظته
:فلوسك كام يا ست انتي ..؟!!
قالها امام وهو يخرج فلوس
:الشهر ب ٢٠٠جنيه يا باشا وهما بقالهم ٤ شهور في المحل مدتنيش الا ٢٠٠ جنيه دلوقتي
امام أخرج فلوس كتير من المحفظة واعطاهم لها
:خدي دول ومشوفش وشك بتكلمي كده تاني واديها فلوسها
قالها امام بتكبر
ام احمد وهي تلتقط الفلوس وتعدهم
:بس يا باشا دول كتير اوي اوي
امام:اعتقد دول يخلوكي متكلميش ل سنه قدام ..أمشي بقي من هنا..
ام احمد بابتسامة:حاضر يا باشا ..سلام يبت يا داليا
قالتها أم أحمد ورحلت
:ملهاش لازمه الفشخره الكدابه دي ..انت أدتها فلوس كتير اوي وانا مش هعرف ادفعلك الا كل شهر ٢٠٠ جنيه
قالتها داليا بخجل وهي تنظر أرضا
امام اتعجب من تغيرها المفاجا
:بس انا مش عاوز فلوس منك يستي
قالها امام وهو ينظر لها
:طب خد ال ٢٠٠ جنيه دي وإن شاء الله هديك زيهم كل شهر
قالتها داليا وهي تفتح يده وتضع بها الفلوس
:بت هو انتي مبتفهميش قولتلك مش هاخد حاجه
قالها امام بابتسامة من فعلتها وهو يضع الفلوس في يدها
:يووه بقي انت زهقتني علي فكره
قالتها داليا بغضب منه
: بقولك ايه معندكيش حاجه تتاكل هنا ..؟!!
قالها امام وهو ينظر في المحل
داليا استغربته :هو انت بتعرف تاكل اكلنا..؟!
امام بضحك :ايوه طبعا انا باكل كل حاجه..
: بس انت غني ومعاك فلوس كتير وظابط تعرف تاكل في مكان احسن من هنا ..؟!
قالتها له وهي تنظر له
امام ضحك بشدة علي كلامها :خمسه في عينك ياختي..الأهم مش هتاكليني بقي ولا اي ..؟!
داليا بصتله وضحكت :طب بتاكل مسقعه وفول ..؟!
امام بتنهيده وهو يجلس علي الكرسي
:هاتيلي اي حاجه انا جعان اوي
داليا طلعت من القدره التي في الداخل وطلعت المسقعه والعيش وجهزتهم ووضعت أمامه
داليا :هو ده اللي موجود.. الطعميه اللي يولع وقعها في الشارع تحب اعملك..؟!!
امام وهو يلتقط العيش :لا يا قمر كده كفايا
وبدا ياكل باستمتاع..وداليا ظلت واقفه بعيد عنه قليلا وتنظر له وتبتسم
بعد وقت ليس بطويل امام انتهي من الاكل
:الله ....المسقعه دي جميله اوي ..انا هجيلك كل يوم تعمليلي منها
قالها امام وهو يحمل الاطباق
داليا اخدتهم منه وابتسمت له
:تعالي وانا هعملك كل يوم
امام بابتسامة:انا خايف بس لتقل عليكي..
داليا بابتسامة عريضة:تتقل ايه بس ..ابقي تعالي وقت متحب وانا هعملك منها
امام بضحك :طب بدل متكرش بقي انا أمشي .. عاوزه حاجه..؟!
داليا بابتسامة:تسلم يارب
امام التفت لها :طب هاتي رقم تليفونك عشان لو حد كلمكم ولا حاجه كلميني.؟!!
داليا :انا مش معايا تليفون
امام بتفهم :ماشي ..سلام
داليا :سلام
وطلعت وراه وظلت باصه عليه لحد مركب العربيه ومشي وهو لاحظ كده وابتسم بداخله ...
