متنسوش النجمة فضلا
(نبدأ فصلنا بالصلاة والسلام على شفيعنا محمد عليه افضل الصلاه والسلام)
:مين ده اللي خدها فين..؟!!
قالها سالم وهو يتقدم منهم
وائل وامنيه نظروا له بصدمة
:اهلا يا عمي ..ازيك عامل ايه..؟!!
تفوه بها وائل بتلعثم
:بخير ..انت مخبي عليا ايه يا وائل ..؟!!
قالها سالم وهو ينظر بشك ل وائل
وائل تنهد وبصله وحكاله كل شيء
: ينهار اسود..امجد يعمل ده كله ..انا مش مصدق استحاله امجد ابني يعمل حاجه زي كده ..
قالها سالم بصدمه
:منا بردو مش عارف ازاي امجد يعمل كده ومستغرب..
قالها وائل وهو ينظر ل امنيه التي تنظر لهم بخجل
سالم بص ل امنيه
:طب تعالي يا بنتي نطلع فوق ونشوف هنعمل ايه..
وطلعوا فوق في مكتب سالم
......
: يعني ايه هنفضل هنا والزفت التاني ده يجي يربطنا تان
لم تكمل جملتها حينما رأت شئ جعلها تصرخ
:في ايه بتصرخي ليه ..؟!!
قالها امجد بعصبية
:في صرصار وراك ...اجرررررررري
قالتها وهي تجري خارج الغرفه
امجد بص في أثرها بصدمة واستغراب
:البت دي مجنونه ولا ايه ..
وطلع وراها،لقاها واقفه عند الباب الخارجي وتبكي..
:بتعيطي ليه بس دلوقتي..؟! هو انا ناقص ..
قالها امجد بخنقه وهو يكاد يفقد أعصابه
تقي بصتله بعياط
:انا عاوزه أمشي من هنا ..لو سمحت طلعني من هنا
امجد بصلها باستغراب وغيظ
: والله..! اطلعك من هنا ..؟!! ده علي اساس انا اللي حابسك وحابس نفسي هنا ..
تقي وهي تبكي
:مليش دعوه انا عاوزه اطلع من هنا انا خايفه اوي
امجد بصلها بقله حيله
:يا تقي انا مش بايدي اعمل حاجه غير الصبر لحد ميفتح الباب واتفاهم معاه ..ومتخفيش طول منا هنا مش هيحصلك حاجه..
تقي بصتله ونوعا ما ارتاحت
:بس هنخرج امتي ..؟!!
امجد بصلها بغيظ
:بلاش كلامك العبيط ده عشان بيضايقني..
قالها وسابها ودخل الغرفه تاني
تقي بصتله بغضب ودخلت وراه ووقفت عند الباب من برا
:في صرصار في الأوضه عندك ..
امجد نام علي السرير ومردش عليها
تقي بصتله بغيظ ودخلت براحه وبصت مكان الصرصار ملقتش حاجه اتنهدت براحه ودخلت وقفت جمب السرير
:علي فكره مينفعش تنام وتسبني مش كفايه انا هنا بسببك
امجد سمعها ولم يرد عليها ،تقي اتغاظت منه
:انا بكلمك رد عليا ..؟!!
مردش عليها وهي اتغاظت اكتر شدته من قميصه
امجد اتغاظ من فعلتها قام وقعد علي السرير
:بت أنتي انا منمتش بقالي يومين وضهري بيوجعني ..سبيني ارتاح شويه لحد منشوف هنعمل ايه ..
قال جملته ونام.. صعب عليها سابته ينام، بصت في الغرفه تحاول أن تجد أي طريقة للخروج ،
لقت كمان بابين في نفس الغرفه
جريت فتحت اول باب ودخلت لقته الحمام قفلته تاني ..وفتحت الباب التاني لقته غرفه كبيره عباره عن مطبخ ويوجد ثلاجه وفي ارفف كتير دخلت وفتحت التلاجه لقت مياه وعصير ومشروبات ،طلعت قنينه المياه وشربت وحطتها تاني وقفلته وفتحت الفريزر لقت لحمه مجمده وأشياء أخرى...
:الله ..انا جعانه اوي
قالتها تقي وهي تضحك أنها وجدت شئ للاكل
نظرت في المكان باكمله وشمرت عن يدها
وبدأت أن تحضر الطعام وهي تغني
