متنسوش النجمة فضلا
(نبدأ فصلنا بالصلاة والسلام على شفيعنا محمد عليه افضل الصلاه والسلام)
طب مهو انتي محترمه اهو وبدخلي رجاله البيت يا ******
التفتوا إليه شهقت داليا بصدمة وهي تحتمي في امام بعنف ...امام وقف بهدوء واتجه إليه وبدون سابق انذار لكمه بغضب في وجهه
:مش ***** زيك اللي يشتم خطيبتي يا ****
داليا استجمعت نفسها وتقدمت وقفت بجانب امام
:تستاهل عشان تعرف تقول عني كده
رفع نظره إليهم بغضب :بقي يا زباله جايبه راجل البيت وعامله علينا دور الشريفه وانتي مقضياها، والله اعلم كنتوا بتعملوا ايه تاني من ورانا يا ..يا حلوه..
في ذلك الوقت لم تحتمل داليا إهانته ورفعت كفها وهوت علي وجهه بصفعه قويه:احترم نفسك يا شادي مش انا اللي تقول عليا كده ولعلمك ده خطيبي وكتب كتابي عليه اخر الاسبوع يا ..يا ابن خالتي
شادي رفع وجهه بصدمة:خطيبك ازاي ..انتي بتهزري صح !! ولا تكونش دي تمثيليه منك
امام بغضب وهدوء حذر:اطلع برا يالا والا قسماً بربي لخليك تكره اليوم اللي اتولد فيه ..برااااا
شادي بغيظ :منا مش هطلع من هنا الا اما اعرف الحوار اللي انتو عاملينه عليا ده
امام تقدم منه بهدوء وهو ينظر في عينه بقوه
:برا يالا وملمحش طيفك هنا والا مضمنش رده فعلي هتكون عامله ازاي
شادي بصوت عالي:ليه.. عاوزني اشوف الغلط وافضل ساكت.. لا يابا مش هتحرك من هنا الا أما الطرطور ابوها يجي ونشوف اللي بيحصل ده
امام لم يستحمل كلامه وانقض عليه يضربه بعنف في جميع جسده :فعلا مش هخليك تعرف تتحرك من مكانك يا ******
وظل يضربه بعنف ف امام بالنسبة له ضخم البنيه،الجيران اتجمعت ورأوا المنظر وداليا تحاول أن تبعد امام عنه،عبدالمنعم دخل ووجد هذا المنظر أمامه جري عليهم ومسك امام من كتفه وازاحه
امام بعيون سودانيه:انا هعرف اربيك يا ****
شادي وهو يقف بصعوبة:ماشي ..مااشي
قال اخر جملته وازاح عبدالمنعم عن وجهه وخرج راكضا
عبدالمنعم بخضه:ايه اللي حصل لده كله ؟!
داليا :امام يابا كان جاي جايبلي فون جديد وكان قاعد هنا ف شادي جه وفضل يقول كلام مش كويس عني وفضل يشتم راح حصل اللي حصل ده
ردت أحدي السيدات والتي تسكن بجانب منزل داليا
:بس لامؤاخذه يعني يا داليا ..كلنا عارفين الباشا ..بس هو جايبلك تليفون باماره ايه ولا يقعد معاكي ليه !!
امام بهدوء:عشان يوم الجمعة هتبقي مراتي وعلي اسمي ..ها حد عاوز يسأل عن حاجه تاني !
:طب والله يا باشا مكناش نعرف ..واحنا يعني هنعرف منين ..بس عموما الف مبروك يا داليا وقعتي واقفه بصحيح
ورحلوا بعد التهنئه وظل عبدالمنعم وأمام وداليا
عبدالمنعم: اتفضل اقعد يا ابني
امام بهدوء:تشكر يا حاج ..أن شاء الله هبقي اجي بكره عشان نشتري الدهب والحاجة اللي ناقصه
عبدالمنعم:ملهوش لزوم دهب يابني..انا اللي عاوزه ربنا يهدي سر بنتي وتبقي مبسوطه
امام بابتسامة وهو ينظر إلي داليا التي كانت تنظر أرضا بخجل: هتبقي جوه عيني ..أن شاء الله هاجي بكره ونطلع نشوف الحاجة اللي ناقصه وبالمره تيجي تشوف الشقه لو ناقصه حاجه او عاوزه تغير فيها حاجه
عبدالمنعم بحنيه :ربنا يهدي سركو ويسعدكوا قادر يا كريم يارب
امام بابتسامة:اللهم امين يارب.. استأذن انا بقي
ولسه هيمشي رجع تاني ووقف أمام داليا
:اه صحيح هبقي اكلمك انا مسجل رقمي عندك
داليا بخجل :طيب
ضحك بصوت عالي وخطف نظره سريعه علي داليا ومشي
.........................
في فيلا امجد
:النهارده بليل كتب كتابك علي امجد
صفاء وقفت واتجهت له : بس النهارده علي طول كده من غير منعرف حد ولا نعزم حد
محمد بهدوء:لا مش هنعزم حد
صفاء:بس مينفعش علي الاقل نعزم جيرانا واهلنا بردو
سالم : خلاص مفيش مشكله هنكتب النهارده وبنتكو تروح معاكو وبكره نعمل الفرح واعزموا اللي عاوزينه..
صفاء بفرحه: يعني هنعمل فرح بجد
سالم:ايوه طبعا
هناء بابتسامة:أن شاء الله هتبقوا احلي عرسان يا حبايب قلبي
امجد كل هذا وهو يدقق النظر في تقي ويحاول أن يري اي رده فعل تجاهها ولكنها كانت صامته ولا تبدي اي رده فعل
هناء بابتسامة وهي تتجه الي تقي وتحضنها
: حبيبتي الف مبروك هتبقي احلي عروسه
تقي وهي تامي برأسها :الله يبارك فيكي يا طنط
هناء بابتسامة:طنط ايه بقي قوليلي يا ماما ..ولا انا مكتوب عليا يبقي معنديش بنات
تقي بحزن :لا طبعا ..حاضر هقولك يا ماما
هناء بابتسامة:تعالي معايا بقي ونروح النهارده نجيب كل حاجه انتي محتجاها مفيش وقت خلاص
صفاء كانت تقف والدموع تملأ عينيها ،هاله اتجهت لها : الف مبروك يا صفاء
صفاء بابتسامة تملاها الدموع :الله يبارك فيكي
امنيه اتجهت وحضنت تقي وبحزن:تقي
تقي بسرحان :هاا
امنيه وهي تحتضنها بقوه : متزعليش أن شاء الله فتره وهتعدي... واكملت بضحك وهمس: وبعدين يبت وقعتي واقفه اهو ..حد يطول يتجوز دكتور امجد بنفسه وغير كده ايوه بقي هتعيشي في فله كبيره زي دي وهو هيذاكرك بقي ويا بختك يا كبير
تقي ضحكت بصوت عالي مما جذب أنظار الكل إليهم وأمجد ضيق عينيه بشده يريد أن يعرف عن ماذا يتحدثوا..
هناء بخبث : بتضحكي علي ايه بقي ضحكوني معاكو
تقي بخجل :مفيش بس افتكرت حاجه
محمد بصرامة : يالا يا صفاء هاتي بنتك معاكي وخلينا نمشي
هناء بتفهم :أن شاء الله هنكون كلنا عندكوا بليل
صفاء بابتسامة:تنورونا يا حبيبتي
محمد :يالا السلام عليكم
وخرجوا جميعا وسط نظرات امجد ل تقي التي تقابلت عينيهم في لحظه وخرجت سريعاً وراءها امنيه الذي كانت تتجنب نظرات وائل لها ..
......................
في منزل امام
كان يجلس علي السرير وفي يده الهاتف وظل يتصل تكرارا ومرارا علي داليا ولكن لم ياتيه رد حتي الآن
زفر بغضب ورمي الهاتف علي السرير بضجر
:الغبيه دي مبتردش عليا ليه
التقط الهاتف واعاد الاتصال ثانيه وظل يجوب بعينه كامل غرفته حتي اهتز الهاتف في يده دليل علي ردها ابتسم بسرعه
:ده كله تأخير !!
اتاه صوتها الناعم :معلش مكنتش فاضيه
امام بغيظ:والله !! يعني سيباني انا بقالي ساعه بتصل وفي الاخر تقوليلي معلش مكنتش فاضيه..احنا هنهزر يبت ولا ايه !
:ممم
امام اعتدل سريعا بغضب:مم ايه يبت متكلمي هو انا بكلم نفسي
: والله انت اللي متصل مش انا
امام وقف من علي السرير بغضب:بت أنتي !! اتظبطي اصل انا علي أخري من برودك وممكن اجيلك دلوقتي واظبطك
اهتز الهاتف في يده رفعه امام عينه بتبريق
: بتقفلي في وشي..طب استني عليا اما تبقي تحت طوعي
ورمي الهاتف علي السرير بغضب
.................
استووووووب
بعتذر علي التأخير ده كله بس أن شاء الله مش هتكرر وتتعوض المره الجايه في حلقه كبيره ل كل الابطال
بقلمي الفاطمة هاشم
دمتم سالمين ❤️
