متنسوش النجمة فضلا
(نبدأ فصلنا بالصلاة والسلام على شفيعنا محمد عليه افضل الصلاه والسلام)
وصل امام بعد حوالي ربع ساعه الي مول كبير ،نزل وفتح باب العربيه ل داليا التي نزلت بغضب
:انت جايبني هنا ليه ..انت اجننت خلاص انا ورايا شغل وعاوزة اروح
امام بصلها بملل
:مش قولنا مفيش شغل من النهارده..في انا وبس يا ..يا عروسه
قال اخر جملته بغمزه
داليا بصتله بغضب واتجهت حتي ترحل
:مش هرد عليك عشان عقلك فوت خلاص ..
امام سحبها من اديها ودخل المول وسط ضربها له وعضها...امام مسك اديها الاتنين بايد واحده وبحده
:ان سمعت صوتك هدفنك مكانك ... فاهمه
قالها بحده وتحذير
داليا بصتله بغضب
:انا عاوزه أمشي حالا من هنا ..
لم يرد عليها وسحبها من يدها ودخل قسم الفساتين
:اهلا بحضرتك
قالتها الفتاه التي استقبلتهم بابتسامة
وظل ينظر علي الفساتين..عينه جت علي فستان عجبه اتجه له
:ايه رايك يا عروسه في فستان فرحك ..!!
قالها امام وهو ينظر ل داليا التي كادت تنفجر غيظا منه
:زفت علي عينك .. وبعدين ايه عروسه دي متحترم نفسك بقي لأحسن وديني اعدلك بطريقتي
قالتها داليا بغضب وغيظ منه
امام زفر بغضب وبصلها بحده
: انا لولا البت اللي واقفه دي لكنت عرفتك مين اللي هيتعدل ..بس اصبري اما تبقي في بيتي وتحت طوعي
داليا شهقت بصوت عالي
:لا يا راجل .. وبعدين تعالي هنا كده ..انا اتجوزك انت ..ليه ..؟؟ من قله الرجاله هبصلك ..!!!
امام شهق بنفس طريقتها
:ليه يا روح امك ..ناقص رجل ولا ايد ولا اكونش باربع رجول وبمشي علي الحيطه..!!
داليا كانت هتضحك بس سكتت ودارت وجهها الناحية الاخري
امام اتنهد وقرب منها ورفع وجهها وبحنيه
: صدقيني انا بحبك مش عارف ازاي ..!! بس حاسس علي طول ب حاجه غريبه كل مبقرب منك ..ببقي عاوز اشوفك كل شويه ..بتوحشيني في كل وقت مع اني لسه عارفك من فتره قصيره ..بس وغلاوتك عندي عشقتك..وحابب انك تكوني نصي التاني ..
داليا بصتله بصدمة وعيون واسعه علي اخرها
:بتحبني انا ازاي ..!! انت بتكلم بجد ولا بتهزر ..انا مش مصدقة كلامك ده
امام تقدم منها وبهدوء مسك اديها وباسها
:كل اللي اعرفه اني بحبك وعاوزك تكوني ليا ودلوقتي حالا اختاري الفستان اللي يعجبك ونروح علي ابوكي واقوله اني بعشقك وهخطفك منه
داليا بصتله بدموع وفرحه
:بس انت فين وانا فين ..طريقنا بعيد اوي
امام مسح دموعها بايده
:كل ده ميهمنيش..الأهم اني حبيتك .. ودلوقتي اختاري الزفت وخلينا نروح لابوكي
:بس بابا ..انا مش عاوزه اسيبه لوحده
امام مصمص فمه بغيظ
:حاضر ..هنجوزه هو كمان عشان ميبقاش لوحده.. ودلوقتي شوفي الزفت ده عشان نغور من هنا
قالها وهو يشاور علي الفستان
داليا ضحكت بقوه وبصت علي الفستان بانبهار
:شكله جميل اوي
امام بابتسامة: خلاص خشي قسيه أما نشوف شكله عليكي
داليا برفض:لا مش هقيسه دلوقتي سيبه لوقته
امام بايماء:حاضر يا ستي
واتجه الي الفتاة وطلب منها الفستان ودفع تمنه وخرج هو وداليا وركبوا واتجهوا الي منزلها
