متنسوش النجمة فضلا
(نبدأ فصلنا بالصلاة والسلام على شفيعنا محمد عليه افضل الصلاه والسلام)
فجأة انفتح الباب ودخل الحارس
: قوموا امشوا
امجد وتقي بصوا لبعض بصدمة،امجد تقدم منه وقاله : انا هديك اللي انت عاوزه كله بس تقولي إيهاب عمل كده ليه ؟!
الحارس :لا يا باشا انا مليش دعوه بالكلام ده انا بنفذ وبس
:١٠٠الف جنيه ايه رايك ؟
قالها امجد وهو يتفحص وجهه
الحارس :بص يا باشا انا كل اللي بعمله بنفذ وبس الكلام ده مش شغلي
امجد بايماء وهو يوجه حديثه ل تقي
:يالا بينا
تقي بلهفه اتجهت له ومسكت يده بعفويه
:يالا والنبي نروح لأحسن يغير كلامه
امجد ارتبك من حركتها وبدون قصد امسك يدها واتجه الي الباب بحذر،الحارس وجهو الي طريق الخروج وخرجوا ،اول مطلعوا فتحوا فمهم بصدمة
:يالهوي دي صحرا طيب هما هيوصلونا ولا ايه ؟
قالتها بهمس وهي تقف علي طرطيف قدمها حتي لا يسمعها الحرس
الحارس تقدم بسياره وشاور لهم يركبوا
امجد امسك يد تقي وقربها منه وتقدم وفتح باب الخلف ودخل وتقي دخلت ببعض القلق
: امجد يعني انا كده هروح بيتي ؟
قالتها تقي وهي تهمس في أذنه
امجد ارتبك وفكر في سؤالها وبلع ريقه بغصه في حلقه ولم يرد عليها
...........................
في الشركة
سالم بصدمه: يعني ايه امجد مخطوف..؟!
وائل بتفكير:هو ده اللي اكتشفته..بس المشكله هنا ..ازاي وأمجد خرج من هنا بإرادته وكلنا شوفنا اللي عمله في تقي ..
سالم وضع يده علي رأسه :انا مش عارف اعمل ايه في المصيبه دي من ناحيه خايف علي امجد ... ومن ناحيه سيرتنا كلنا بقت علي كل لسان أن امجد علي علاقه مع البنت دي ..
وائل : مش عارف بقي
انفتح الباب ودخلت هناء وهي تبكي
سالم وقف اتنفض وتوجه لها :ايه يا هناء في ايه !!
هناء ببكاء:انا تعبت ومش قادرة استحمل ..قولي ابني راح فين يا سالم ..ازاي يسيبني كده انا هموت يا سالم
سالم بنرفزة:خلاص يا هناء في ايه اعصابي مش مستحمله..كفايه اللي انا فيه بسببه
وائل تقدم منها بهدوء:خلاص يا خالتي أن شاء الله كل حاجه هتبقي تمام بس مش من أولها هنضعف كده ..عاوزين نفكر ونشوف هنعمل ايه
هناء ببكاء:قلبي مش هيستريح الا اما اعرف ابني راح فين
وائل : أن شاء الله هنوصل لحل بس بلاش دموع بقي ..
هناء وهي تمسح دموعها:أن شاء الله هيجيلي ومش هخرجه من البيت ابدا
سالم بسخرية:وهو هيبقي ليه عين يخرج برا ولا يوري حد وشه بعد المصيبه اللي اتحطينا فيها بسببه
هناء بغضب : ليه هو ابني عمل ايه ..!
سالم اتنفض وبغضب:بعد ده كله ابنك معملش حاجه..لا معملش حاجه بصحيح متفضحناش بسببه ولا متصور وهو في حضن واحده ولا غلط ولا حاجه..
وائل أتدخل :يا جماعه مش كده هتفضلوا تتخانقوا وتسيبوا اللي احنا فيه ..بلاش ابوس اديكم لحد منعرف هو فين ...
........................
في منزل تقي
كانت صفاء تجلس تبكي وبجانبها هاله وامنيه
:خلاص يا صفاء كلبه وراحت متكليش في نفسك كده
امنيه بغضب من حديث والدتها
:لو سمحتي يا ماما متقوليش علي تقي كده ..هي مظلومه وكلكو هتعرفوا كده وتندموا بعدين
هاله نظرت لها بغضب :اخرسي خالص يبت مسمعش صوتك لحد منروح ..انتي بدافعي عنها ليه كده ..!
امنيه بغضب :يا ماما حرام عليكي اللي بتقوليه ده ..هو ده وقته
صفاء ببكاء:مغلطتش في حاجه يا امنيه ..ماحنا سيرتنا بقت علي كل لسان خلاص بسبب بنتي
وانفجرت في البكاء بعنف
امنيه تقدمت منها وجلست بجانبها
:خلاص والنبي يا خالتي ..انا اعصابي مش مستحمله ..وان شاء الله تقي هترجعلنا بالسلامه
هاله بغضب:اخرسي ..اياكي تجيبي سيرتها هنا تاني مهو كلنا في الغم ده بسببها..مشوفتيش ابوها اللي مرمي بيموت جوه ده وامها اللي اتفضحت ومكسوفه تنزل تحت للناس تاكل وشها
امنيه ببكاء:حرام يا ماما أن شاء الله هترجع وتعرفوا انكم ظلمتوها
.......................
بعد اربع ساعات
توقفت السيارة في مكان قريب من فيلا امجد
امجد بهمس ل تقي التي تستلقي علي كتفه
:تقي ...قومي وصلنا خلاص
تقي فتحت عنيها واعتدلت ونظرت له باستفهام
:انزلي وصلنا
تقي فتحت الباب بسرعه ونزلت وأمجد نزل وراها
وفي لحظة السيارة اختفت من أمامهم
:ماما وبابا وحشوني اوي
قالتها تقي بدموع
امجد نظر لها بإحساس غريب
:وانتي كمان
تقي استغربت:وانتي كمان ايه ؟
امجد انتبه : احم ..يالا خلينا نمشي
وظل يمشي وهي بجانبه لحد موصل امام الفيلا
تقي عقدت حاجبيها:انت واقف هنا ليه ..!؟
امجد بتعب :هخش بس اغير هدومي دي واروحك
تقي باقتضاب:هو ده بيتك؟!
امجد وهو يصوب نظره لها :اه
تقي بانبهار:يخربيتك دانت غني بقي وعلي قلبك فلوس قد الرز
امجد انفجر ضحك عليها
البواب شاف امجد هلل بفرح :امجد بيه انت جيت ..ده الست الكبيرة هتفرح اوي
ودخل الفيلا بسرعه وهو يهلل أن امجد وصل
هناء سمعته طلعت بسرعه ووجدت امجد يقف يبتسم مع فتاه تقدمت إليه بسرعه وحضنته وهي تبكي :امجد حبيبي ..سبتني وروحت فين يا امجد
امجد حضن والدته بحب وقبل راسها
:انا جيت يا ماما خلاص
كل هذا وتقي تنظر لهم بابتسامة
هناء لاحظتها تقدمت لها وتذكرت انها نفس البنت التي كانت في الصور مع ابنها نظرت لها بغضب
:انتي اللي كنتي مع ابني في الصور
تقي باستغراب:صور ايه ؟!
امجد انتبه علي حديث والدته
: صور ايه يا ماما ؟!
هناء بغضب:عاوز تعرف صور ايه ؟! تعالي معايا
ودخلت وأمجد مسك يد تقي ودخل بها ولكن ازاحتها بخجل
:الصور دي يا امجد
وفتحتهم أمامه ..امجد برق عينه بصدمة هو كان شاكك لكن ظن أن ايهاب فقط سيهدده
تقي وهي تقف حتي تري ما هذا لكن امجد اغلق الهاتف بسرعه بلع ريقه بصدمة وأخذ يد والدته ودخل بها الي غرفه المكتب وسط استغرابها
وحكي ل هناء علي اللي حدث من اول اختطافهم حتي لحظتهم هذه بدون دخل في التفاصيل
هناء شهقت بصدمه:يالهووي..يعني ده كله حصلكم
امجد بايماء:ايوه يا ماما بس متقوليش ل تقي علي الصور
هناء بتفهم :بس يابني احنا لو مقولناش غيرنا هيقول واكيد اهلها شافوا الصور دي وغير أهلها الناس مش هتسيبها في حالها يابني دي سمعه بنت
امجد بتعب :منا مش عارف اعمل ايه يا ماما راسي هتنفجر
هناء وقفت بسرعه :اما اقول ل سالم واطمنه وانت اطلع اقعد معاها
امجد بايماء ووقف واتجه الي الخارج وجد تقي تجلس بقلق والخوف علي وجهها
تنحنح وتقدم وجلس بجانبها
:انا عاوزه أمشي
امجد نظر في عينها وهو يفكر في شئ ينوي تنفيذه فورا ،خرجت هناء ببشاشه التي انتهت توا من مهاتفه سالم :تمشي فين بقي ..سالم هيتصل بأهلك وهما هيجولك لحد عندك ياستي
تقي وقفت بقلق :لا انا هروح لوحدي
هناء وهي تمسك يدها وتجلس بها
:انا قولتلك هما هيجوا متقلقيش بقي وبعدين لحد ميجوا تعالي نتكلم شويه واتعرف عليكي وتتعرفي عليا ايه رايك
تقي بايماء ولكن ببعض الخوف :طيب ..بس هما هيجوا بسرعه صح عشان ماما وبابا وحشوني اوي
امجد ابتسم وهناء أيضا وهي تنظر لابنها وتفكر في شئ وقد لاحظته وهو بالفعل القرار الأصح في حالتهم هذه ...
........................
استووووووب
بقلمي الفاطمة هاشم
دمتم سالمين ❤️
