متنسوش النجمة فضلا
(نبدأ فصلنا بالصلاة والسلام على شفيعنا محمد عليه افضل الصلاه والسلام)
فجأة انفتح الباب ودخل شخص وضع أوراق علي الارض وقفل الباب ورحل ،كل هذا وأمجد وتقي ينظرون له ..
:هو انت عبيط..!! ممسكتهوش ليه وكنا هربنا..؟!
قالتها تقي وهي تضرب علي رأسها بيدها
امجد مردش عليها واتجه جهه الباب وأخذ الورق الملقي وفتحه واندهش بصدمة..
تقي بصتله باستغراب واتجهت له
:مالك باصص كده ليه
امجد بصلها بصدمة: ده محضر أن انا خاطفك ..
تقي وضعت يدها علي فمها بصدمة ورجعت للوراء
:ينهار اسود.. يعني انت سبب كل ده وانت كمان اللي خطفني..
امجد برق بعينه بصدمة واتجه لها بغيظ
:بت أنتي عبيطه ..!! لا والله انتي عبيطه بجد ...هخطفك ازاي وانا محبوس هنا معاكي
تقي رجعت للوراء:انا عارفه الخباثه دي ..انت عامل نفسك مخطوف معايا يا كداب عشان انا اصدق التمثيلية بتاعتك يا نصاب يا كداب ..
امجد قرب منها بغيظ وهو يعض فمه
:لا أنتي الظاهر اجننتي خلاص ...فوقي يا حلوه وانا هخطفك ليه !! وهستفاد ايه اصلا من الحوار ده .. قوليلي هستفاد ايه .. انطقييييييي
قال اخر كلمته بصراخ اتنفضت تقي من مكانها
:طب ..طب مين عامل فيك محضر ..!!
امجد وهو يعض علي شفته :اهلك
تقي الشك اتملك منها :طب هما عرفوا منين انك انت اللي خاطفني..؟!
امجد لم يرد عليها وجلس علي الكرسي ووضع يده علي زقنه وظل ينظر حوله بتفكير
تقي حينما لم يرد عليها خافت منه وشكت فيه وقربت منه وبدون اي مقدمات مسكت لوح خشبي ونزلت بيه علي رأسه ،مما جعله يصرخ بالم ويغمض عينه بوجع،تقي خافت وجريت علي الغرفه وقفلت الباب جامد ووضعت اشياء خلفه حتي لا يقدر يدخل عليها وجلست تبكي علي الارض وبعد قليل من الوقت نامت مكانها...
في الخارج
كان امجد يتالم من شده الضربه،وهناك بعض الدم يخرج من رأسه ،وضع يده جامد علي رأسه يكتم آلمه ويغمض عينه بوجع
:اااااااااه
قالها وهو يغمض عينه ويرجع براسه للوراء ويبتلع ريقه بصعوبه
:ماشي يا تقي ..
قالها وهو يرفع رأسه وينظر الي الغرفه بالم
................
اتي الصباح يعلن عن يوم جديد بعد ذلك اليوم المشئوم
في فيلا وائل
كانت ملك تتململ من نومتها، قفلت المنبه وقامت من علي السرير، وعملت روتينها اليومي
وخرجت بعد وقت ليس بطويل وهي ترتدي بنطلون جينز ضيق ابيض وعليه جيميز اسود وطرحه وتعمدت أن تخرج بعض من شعرها خارج الطرحه وكوتش اسود ووضعت مكياج بسيط علي وجهها زادها جمالا ...
:عند فيك بقي يا سليم هلبس اللي انا عوزاه وهنشوف كلام مين اللي هيمشي
قالتها ملك بتحدي
وخرجت من الغرفه ونزلت وجدت وائل يجلس علي مائدة الطعام
: صباح الخير يا لولو
وائل رفع عينه وبصها ونوعا ما اضايق
:ايه اللي انتي لبساه ده يا ملك ،من امتي وده لبسك ..؟!
ملك اتجمعت الدموع في عنيها
سندس :ولبسها ماله يا وائل مهو حلو اهو ،تعالي يا قلبي اقعدي عشان تفطري قبل متخرجي..
جرس الباب رن وائل قام بضيق وفتح الباب
:اهلا..... تعالي افطر معانا
سليم وهو يدخل:منا جاي اصلا عشان افطر ..اوعي كده
ودخل سلم علي عمته وبص علي ملك التي اول ما رأته بلعت ريقها بقلق
:ازيك يا ملك ..
قالها سليم وهو يضغط علي حروفه حينما لاحظ وجها وشعرها
ملك رفعت وجهها ونظرت له وبهمس : الحمدلله
ظل ناظر لها حتي قطع هذا الصمت سندس
:يالا افطر يا حبيبي
سليم بصلها وابتسم :مليش نفس يا عمتي
ملك قامت وقفت :انا ماشيه انا بقي يا ماما عاوزه حاجه..!!
سندس بابتسامة:ربنا يحفظك في طريقك يا قلب ماما
ولسه هتمشي سليم وقفها
:انا عاوز اتجوز بنتك يا عمتي ..
سندس بفرحه:ده يوم المنا يا حبيبي..هو انا هلاقي احسن منك ل ملك فين ..
سليم وهو ينظر ل ملك وبمغزي:يبقي الخطوبه يوم الجمعة الجاية..
وائل أتدخل
:هو مش انت قولتلي انا قولتلك مينفعش حاليا ..
سليم بصله بغيظ :ليه بقي مينفعش..!!
وائل وهو ياكل :هبقي أقولك بعدين..
سليم اتغاظ منه مسك زتونه وحطها في فم وائل
:طب كول يا حبيبي..كوووول
سندس ضحكت عليهم
وائل وهو يكح : يخربيتك عاوز تموتني..
سليم بصله بنظره ناريه،وبعدها بص ل ملك الواقفه امامهم بقلق
:طب انا ماشيه يا ماما
قالتها ورحلت وسليم قام وقف واستاذن وطلع وراها ومسكها من دراعها ولفها له
: انتي بتعاندي معايا ليه ..انتي عوزاني اقتلك واستريح منك ..ليه بتوجعي قلبي معاكي ..ليههه
قالها بغضب وهو يمسك دراعها الاثنان ويهزها
ملك الدموع اتجمعت في عنيها ورفعت وجهها
:انت اللي وجعت قلبي مش انا ..
رق قلبه لصغيرته حينما راي الدموع في عنيها
:ليه بتعملي فيا كده يا ملك ..! انتي لو طلبتي حته مني هدهالك..ليه عاوزه توجعيني..
قالها بحنيه والم وهو ينظر لها
ملك نظرت له بدموع:بس انا معملتش حاجه ولا وجعت قلبك ..
سليم نظر لها من راسها حتي اخمد قدميها
: انتي عاوزه الشباب تبصلك بصات مش كويسه ..!!
سألها وهو ينظر في عيونها بقوه
ملك رفعت نظرها له بصدمة
:انت بتقول ايه ..؟! اومال لو انت متعرفنيش بقي ..
سليم صمت برهه :اومال ليه لبسك اتغير كده ..؟!.
ملك نظرت أرضا بخجل
ورفع وجهها بابهامه: ينفع تلبسي كده والناس تبص عليكي ..؟!. لا طبعا مينفعش عشان ملك مكنتش كده.. وبتعمل كده عشان تغيظني انا وتفهمني اني مش اهمها وأنها بتعمل اللي هي عوزاه ..صح يا ملك ..!!
قالها بحنيه وكأنه يحدث طفله صغيره
ملك زمت شفتها لاسفل ونظرت أرضا
فرفع وجهها مره اخري :انا مش عاوز افتح في القديم واقولك اني كنت غبي وقت مضيعتك من ايدي ...بس اقسملك بالله مفيش هنا غير ملك ..
قالها وهو يشير علي قلبه
وائل من خلفهم: وايه كمان ..!!
نظروا ورا بصدمة
: يخربيتك يا وائل شويه والاقيك في قفايا
قالها سليم بصدمه
وائل بابتسامة حمقاء:بس طلعت نمس يا واد يا سليم ..طلعت ميه من تحت تبن صحيح ..
سليم بنفس الابتسامه: حبيبي وحياتك لسه في قلبي كلام بس مش هقوله دلوقتي
قال اخر جملته بغمزه
وائل جري وراه وسليم طلع يجري علي برا
ملك ابتسمت بخجل عليهم وطلعت حتي تغير ملابسها..
......................
عند امجد وتقي
تقي صحيت ومسحت علي وجهها واعتدلت وتذكرت ما حصل
:يالهوي..ايه اللي انا عملته ده ..!! انا خبطه جامد اوي وممكن يكون حصله حاجه
قالتها بقلق وخوف عليه
جريت وشالت الاشياء من ورا الباب وفتحته ببطئ وتسللت حتي تراه،وجدته نائم عالكرسي ،اقتربت منه بحزن واوقظته ببطئ وهي تبكي
:امجد ...قوم يا امجد
امجد فتح عيونه ونظر لها كتير بالم
تقي ببكاء:انا اسفه والله..مكنش قصدي اعمل كده ..انا بس خوفت وفكرتك انك انت اللي خاطفني..
امجد كان ينظر الجهه التانيه ولم يرد عليها
تقي وضعت يدها علي كتفه ازاحهها بعصبية
:اياكي تقربي مني تاني لحد منخرج من هنا ..لسانك ميلافظ لساني ابدا ودلوقتي خليكي انتي جوه وانا هفضل هنا ....امشيييي
قالها بعصبيه
تقي بصتله بدموع:لا انا مش هسيبك ..انا غلط فيك جامد اوي صدقتي والله عقلي مكنش معايا ..حسيت اني خايفه منك ومعرفتش انا بعمل ايه ..
ازاح وجهه الجهه التانيه ولم يعيرها اي اهتمام
قربت منه والدموع تسيل على وجهها
: سامحني والنبي ...انا اسفه
امجد بصلها وبهدوء
:بصي يا انسه تقي ..انا مليش دخل في اللي حصل ده انا هنا زيي زيك ...وياريت تعاملنا لحد منخرج من هنا يكون لحدود ..ملكيش خلطه بيا تاني نهائي ..وياريت متورنيش وشك .. ودلوقتي ابعدي عني لاني مش شايف قدامي..
تقي بصتله بصدمة ودموع
: يعني ايه انت بتكرهني..!!
امجد بصلها بهدوء:في فرق بين اكرهك ومش عاوز اشوفك ..
تقي ببكاء:اومال ايه انت هتسيبني خلاص ..!!
امجد بصدمة:اسيبك ايه ..! هو احنا بنحب بعض وسبنا ..فوقي لدماغك واعرفي انتي بتكلمي مين ..
تقي قربت منه اكتر :طب سامحني ..!!
امجد بغضب:متخلنيش أخرج عن شعوري ..واتفضلي يا انسه من هنا وسبيني لوحدي..
قالها وقام وقف بوجع،تقي مسكت دراعه
:طب سامحني..انا عارفه اني غلط اوي اني عملت فيك كده ..
امجد نفز صبره وزقها بغضب ووقعت علي الارض
جري عليها بلهفه:تقي ..انتي كويسه..!!
تقي انفجرت في العياط وارتمت في حضنه، ومحستش بنفسها وهي بتحضنه وظلت تبكي
امجد ربط علي ضهرها بحنو وقد نسي نفسه
:ششششش خلاص مفيش حاجه
وبعد دقائق انتبه امجد علي وضعهم بعد عنها ،وهي اتصدمت انها حضنت راجل غريب ،وضعت يدها علي فمها من الصدمة
:يالهووي.. يا مصيبتي..
وظلت تضرب حالها ببكاء،امجد أقترب منها علي الارض ومسك يدها
:بطلي عبط بقي ..حصل ايه لده كله
تقي بصتله بغضب واتغير حالها ل ١٨٠ درجه
وفجأة رفعت يدها وهوت علي وجهه بصفعه قويه
.....................
في شركه امجد
كان سالم يجلس في المكتب بغضب وهو يقرأ ما نشر عن امجد علي السوشيال
رمي الهاتف من يده
:الله يحرقك يا امجد علي اللي عملته فينا كلنا ...ضيعت نفسك وهضيعنا معاك
دخل وائل فجأه
:عمي كويس اني لقيتك ...شوفت اللي اتنشر عن امجد
سالم وضع يده علي رأسه
:شوفت ..بس مين اللي طلع الكلام ده برا ..!!
مفيش حد يعرف الا انا وانت واهلها
جلس وائل بتفكير:بس حاسس ان في حاجه في الموضوع..!!
سالم قرب منه وجلس مقابل له
:تقصد ايه ..؟!
وائل بصله وبحيرة
:هو ممكن يعني يكون امجد خطفها فعلا ..؟!
سالم بتنهيده:انا مش عارف ...مش قادر اتخيل ازاي ابني امجد يعمل كده ..
وائل سكت برهه
:هو ممكن يعني ...
لم يكمل كلمته وسكت
سالم اتنرفز
:متقول قصدك ايه يا وائل انا اعصابي مش مستحمله..
وائل بتردد
:هو ممكن يكون يعني دي خطه منهم ويكون اتجوزها..؟!
سالم سكت فجأة
:بس لو كان عاوز يجوزها مكنش هيخطفها..لا لا ده مش تفكير امجد خالص
وائل وضع يده علي خده
:خلاص نستني بقي لحد ميجي ونبقي نسأله
.......................
استووووووب
بقلمي الفاطمة هاشم
دمتم سالمين ❤️
