💘🔞سجينة قَلبـ♡ــيے 🔞💘

🌷الحلقة7🌷

💋💋💋💋  💋💋💋💋
🍒🍒Sabrin CH🍒🍒

قاعد في بيروه يخمم يهبط مايهبطش حاب يشوفها اما واش م̷ـــِْن عذر يختلق بعد تخميم كلم سمر تجيه ...شوية ودخلت
سمر: ڼـعمًـْ مسيو
نزار: نستحق ملف المجموعة الصيفية ليـّۓ عملناها العام ليـّۓ فات
سمر: اوك مسيو اتوا نهبط نجيبها تلقاها في الارشيف
تبسم بخبث: لٱ خلي عليك اتوا نهبط نجيبها وحدي وزيد كاين ملفات اخرين نستحقهم خرج وخلاها مصدومة فِيَھ
هبط يتسابق مع رجليه وقتاه يوصل عندها
كانت كارهة م̷ـــِْن الفراغ ...قعدت مربعة رجليها لتحت وتلهي في روحها بالرسم حتى حست بنفس سخون في رقبتها تلفتت لقاتو يتبسملها ..كان جابد واحدة م̷ـــِْن هاذو الوسايد لكبار وفاتح رجيله بحيث هي جات وسطهم (تخيلتو اللطقة ولا 🙄) همسلها بصوت مبحوح اذا مر يوم ولم اتذكر فِيَھ ان اقول صباحك سكر
تبورشت م̷ـــِْن همسو ونفسو ليـّۓ يحرق فيها
فرح: صباح النور ماشلقتش بيك كيفاه دخلت بقات عاطياتو بظهرها وقلبها يدق بقوة مش حابة هالقرب خايفة م̷ـــِْن هالمعاملة نتاعو مش وقت انها تتأثر بيه ولا تدخل في علاقة
نزار: اممم لان كنت لاهية ترسم الظاهر باش نبدا نغير حتى من ه̷̷َـَْـُذآ لان مخليك مركزة معاه ومش معايا
فرح: مافهمتش
نزار: مش مهم ...زاد قرب شوية يشم في شعرها هابط لرقبتها ..زربت بعدت عليه
شتعمل ياخي
نزار: شي اما عجبتني ريحتك بنينة كيفك
فرح ذابت في حوايجها م̷ـــِْن كلامو هذا بعقلو ولا مسلفو قاعدة تسب فِيَھ دخلاني
نزار: امم قولي واش هي هاذ الريحة
فرح: اه اوركيد
نزار: نقدر نعرف الماركة ...هو غير قاعد يجبد في الكلام منها حابها تحكي باريحة معاه لان حسها متوترة م̷ـــِْن قربو
فرح: لٱ ماهيش ماركة كانت امي تخدم فيها وعلمتني ...دارت لعندو وقابلت وجهو  ومازالت علـّۓ  نفس القعدة
فرح: شتحب مِڼـّي
هز يدو يلعب بخصلات شعرها ..امم نحب عليك انتي ...سرطت ريقها مهبطة عينيها لتحت ...طلعلها راسها
نزار: شبيك حشمت
فرح: اه مانيش فاهمة مـڼـڱ شي
نزار: انسي ..وقولي يعني تعيش مع امك انتي توا ...عينيها غرغرو بالدموع
شبيك قلت حاجة غالطة
فرح: لٱ اما امي ماتت
نزار حزت عليه: اسف ماكنتش نعرف ربي يرحمها
فرح: تعيش
نزار: وتقدر تعملي واحدة حتى نا
فرح: نعرف غير هاذي انا صحيح كانت دارنا معمرة ورود م̷ـــِْن كل نوع اما امي ديما تقولي ماتمسيهمش لٱ يجرحك الشوك
نزار: تحب الورد ياسر ظاهرلي
فرح: اي شكون مايحبوش
نزار: اه نـًسّْيـت ماقتلكش حكيت مع المدير وتقدر تخدم مع المصممين
فرح عينيها لمعو: ياي بالحق
نزار: اممم كيما حكيتلك ...صفقت بايدها كيف لولاد الصغار وطارت عليه حضناتو اما هو ماعرفش باش تبلى
شوية وتداركت الوضع بعدت عليه ..سامحني انفعلت زيادة ..كان حاب يقولها لٱ مايسالش ابقى ديما هكا في حضني ...لٱ عادي ماصار شي
فرح: ماقتليش علاه جيت
نزار: نستحق دوسي المجموعة الصيفية نتاع العام لي فات
ناضت وهو حاضيها مررت ايدها بين الملفات وجبداتو ...تفضل
وقف وحكملها يديها جبدها ليه كان شاد قلم لملها شعرها وحكمو بالقلم وهبط راسو لمستواها
نزار: وهذا ماتزيدش تطلقو خذا م̷ـــِْن عندها الملف وخرج خلاها بلاكة حايرة في خلق ربي ...اما هو خارج يتبسم عاجبو الحال وفي نفس الوقت مش فاهم ليـّۓ يعمل فِيَھ المهم انو راضي وفرحان بقربها ...وصل لقاعة الاجتماعات وكانو ثم كلهم خبرهم انو في الليل باش يروحو ليه لدارو واختار غير ستة مساعدين ومعاهم شادي باش يبدو في المجموعة الجديدة ...
جاها يجري ..فرح يافرح هات لبشارة
فرح: شادي بشوي عليك اش فما
شادي: يي ياحياتي كون تعرف واش صرى
فرح: واش صرى 🙄
شادي حكيت مع نزار وخبرني انك تقدر تخدم معانا ناضت تجري وشدت في ايد شادي وينڤزو م̷ـــِْن الفرحة ...احلف احلف
شادي: والله يابنتي كيما نقلك وزيد بعد شوية باش نمشو لدارو نبداو نحطو خطة العمل والتصاميم الاولية وانت خف روحك اذا عندك خدمة كملها باه ماتتعطلش
فرح: ماعندي شي يامعلم هاني قاعدة كمل ليـّۓ عندك هاني نستنى
بعد ساعتين كانو وصلو لدار نزار كان هو سبقهم ...
قاعد فاتح رجليه قعدة رجولية بامتياز  في بيت كبيرة كان طلب يجهزوها م̷ـــِْن قبل باش يخدمو فيها  ..دخلو كلهم مبهوريين في الدار كان هو فتحلهم اوتماتيكمو كي عرفهم وصلو يترقب فيها وقتاه تدخل
دخلت هي وشادي متعنكشة في ايدو ويضحكو اما هو تعصب كي شافهم ماعرفش علاه عروق رقبتو برزو وكبس ايديه علـّۓ  شكل بونية كون ماجاش عيب راو قام فرتكو بدماغ رعفو كيفاه يمسها ...هو خلاص حطها ملكية خاصة ليه وحدو ...خصوصا كي تفكرها كانت رفيقة احلامو ...
اما شادي شاف الحلويات والعصاير عينيه ولاو قلوب خلى فرح وراح يجري ...علـّۓ  كرشو يخلي عرشو كيما يقولو ينسى حتى بوه وامو ...ضحكت عليه وبقات تدور في وجهها م̷ـــِْن ومن تشوف في البيت حتى لمحاتو قاعد تبسمت وراحتلو تجري ...يي هاك هنا مافهمتش انا واش تخدم انت ياك هذا الاجتماع غير للمصممين والمدير
نزارضحك: يعني نقوم نمشي
فرح: لٱ ماقصدتش
نزار: باش تبقى برشا وانتي واقفة
فرح: اه
نزار: اقعد ...فرح كي لاحضاتو وجاتو تجري كيف طفلة صغيرة ضايعة ..امم قولي شبيك ماقعدتش معاهم
فرح :شي اما مانعرف حد فيهم غير انت وشادي ...دوب ماقالت شادي تعصب اما ماحبش يبن هذا شادي لاحقو لاحقو
فرح: ماقتليش انت واش تخدم في الشركة قبل مايجاوب وقفت ريم قدامهم
حبيبي نزار هكا ماتقوليش كاين اجتماع مش م̷ـــِْن المفروض انا شريكة كيفي كيفك فرح تصدمت وبقات ترمش في عينيها ...يعني انت ..
ريم شافتها باستحقار: وانتي ياشسمك اش مقعدك هنا لٱ تكون نسيت روحك عزيزتي
نزار بعياط: رييييم الكل تلفتو يشوفو
ريم: شبيك تعيط مانيش طرشة ...وانتي قوم هاذي مش بلاصتك لٱ تكون حطيت عينيك عليه نقلك م̷ـــِْن توا ماتحلمش
فرح تصطنع في القوة: ماكنتش نعرف
ريم: اوه مثل عليا دور البريئة توا ..
فرح: قتلك ماكنتش نعرف علاه نكذب عليك وقفت لَـگِنْ نزار شدلها ايدها
شتحساب روحك انتي قاعدة تحكي معاها هكا لٱ تكون صدقت انك خطيبتي صح ولا انو ممكن تصرى حاجة بيناتنا ...انا وانتي نعرفو اني مش راضي بيها العلاقة هاذي دخلها لراسك وضربها بصبعو لراسها ...وبالنسبة ليها انا ليـّۓ قلتلها تجي وهي تقعد وين تحب فهمت
سحبت فرح يديها م̷ـــِْن يدو: مش قصدي نعمل مشكل عن اذنكم
نزار: فرح اقعد
فرح: مانقعدش عندها الحق باش م̷ـــِْن صفة نقعد بحذاك ..راحت جنب شادي ..امانك خلي نمشو مانحبش نبقى هنا هزلها براسو وخرجو ...اما نزار فعيط عليهم كلهم وطردهم م̷ـــِْن الدار ...كانو ماشيين مليح لولا ريم لازم يحطلها حد وينهي هالمسخرة هاذي

✴✴✴✴