💘🔞سجينة قَلبـ♡ــيے 🔞💘

🌷الحلقة95🌷

💋💋💋💋   💋💋💋💋
🍒🍒 Sabrin CH 🍒🍒

انس: لٱ اما الواحد كيف يلقى بنت كيفك لآزٍمٍ يستغل الفرصة وتوا عن اذنك
تبسمت وهو خرج حاس روحو عمل انجاز بأول خطوة عملها
فرح: نزار
نزار: اممم
فرح: تعبت خلي نمشو
نزار: باهي خلي نمشي نودع بابا وامي ونرجع
هزت براسها وهو مشى ناحية امو باسلها راسها بمعزة وزاد عند بوه ليـّۓ بقى يحكي معاه شوية يخصوص الانفصال
وقفت ودعت شادي وندى وجمانة اسما كانت مشات قبل مع جاك
شوية وجا نزار كبشت فِيَھ وطلعو في الطوموبيل ركبها وراح لجيهتو وديمارا
قربت وحطت راسها علـّۓ  كتافو وتتلمس في الخاتم شافها بنص عين وتبسم
نزار: عجبك
فرح: اممم يهبل اما كيفاه حتى قررت تطلبني هكا
نزار: باش ترضى عليا اميرتي بما اني طولت باه جيت لعندها
طلعت راسها تشوف معاه
فرح: علاه انت جاي هكا
نزار: كيفاه هكا
فرح: كيوت وحنين ياسر معاملتك معايا تخليني طايرة في السما خايفة يكون حلم حلو ونوض منو
نزار: علـّۓ  فكرة انتي ليـّۓ خرجتي هاذ الشي مِڼـّي عمري كنت هكا وزيد انَتي مش فحلم هاذي حقيقة وعيشيها بكل تفاصيلها
قربت وباستو جنب شفافو ورجعت حطت راسها علـّۓ  كتفو حتى وصلو
دخلو هو جاه اتصال وخرج للجاردان يكلم اما هي طلعت للفوق عملت دوش ولبست بيجامتها وهبطت لعندو لقاتو قعد في الجاردان قربت منو وقعدت في حجرو خاشية روحها في حضنو طلس وجهو لشعرها
نزار: مبنها ريحتك حلوة كيفك
فرح: حتي انت ريحتك بنينة
نزار: اما مش بحلاوة ريحتك ..هاقولي توا واش حسيت كيف طلعت علـّۓ  المنصة والناس كلها تصفق ليك
فرح: حسيت روحي طايرة لفوق كيف الفراشات حلم وتحقق وانت السبب
نزار: اممم اذا عليا نحققلك كل احلامك وامانيك انتي برك قولي وانا نفذ شنوا تحب
فرح طلعت راسها تشوف معاه: متأكد
نزار: اي قول برك
فرح: نحب عليك انت انت وحدك وواوعدني انو عمرك تخليني مهما صرا ومهما قالولك
نزار: اكيد تتمسخر انتي تي انا ماصدقت لقيتك وماصدقت وقتاه جيت لعندي حتى نخليك
فرح طبعت بوسة في رقبتو وحطت راسها علـّۓ  صدرو وغمضت عينيها
زاد لزها ليه وتنهد براحة
نزار: نمشو نرقدو
فرح: خلينا هكا اما اذا كنت تاعب نرقدو
نزار: واش م̷ـــِْن تعب تحكي عليه وانتي في حضني ...ديجا اول ماشفتك راح التعب ليـّۓ حسيت بيه الكل ..اما انتي علاه ماتنشفش شعرك
فرح: نستني فْيَگ انت تنشفو ماو دللتني تعود
نزار: تأمر يالة
فرح: باهي خليني نرقد توا
نزار: والله
فرح: والله م̷ـــِْن يومين مش منجمة نرقد لان كنت بعيد عليا حتي م̷ـــِْن البيت كرهتو
نزار: ماكنتش نعرف الي راح تتوحشني هكا
فرح: وممكن اكثر مما تتخيل
غمضت عينيها وغفات ليه ليه حس بنفسها انتظم حملها بين ايديه وطلع بيها للبيت حطها علـّۓ  الفرش ومن غير مايبدل عليه حتى هو النوم حرم عليه في بعدها تخشى جنبها وحط راسو علي صدرها ومحاوطها بايديه

🌷الحلقة96🌷

حبست الطوموبيل فوق جرف عالي يطل علي المدينة منظر خيالي بصح يخوف في نفس الوقت هبطت ووقفت قدام السيارة وتنهدت ليـّۓ يشوفها اول مرة يقول ملاك وبريئة اما هي الحقد والكره مالي قلبها
الهوا يطير في شعرها ودموعها هبطو رجعت بيها الذكريات لسنين التالي ذكريات حاولت تمحيهم باي طريقة لَـگِنْ وين تقول راحو يرجع شي يفكرها بيهم
#فلاش-باك
قبل 14سنة
🙍‍♀️:ريم وين ماما وبابا
ريم تجر فيها م̷ـــِْن ايدها وهابطة: مشاو لطا جمانة اتوا يجو
🙍‍♀️:باهي وعلاه مارحناش معاهم ساعة توحشت نزورة
ضغطت ريم علي ايديها: منعرف اما قالولي نبقو هوني
🙍‍♀️:اي وجعتني ارخف عليا
ريم: اسفة ياروحي
🙍‍♀️:باهي وين ماشين
ريم: اووف صدعتني اسكت اتوا تعرف
هبطو للتحت كان سرداب مظلم دخلتها وغلقت عليها
🙍‍♀️:هئ هئ ريم ريم افتح وين مشيت تعرفني نخاف م̷ـــِْن الظلمة
ريم: اتوا نجي راح نلعبو لعبة صغيرة
🙍‍♀️:لٱ مانحبش نلعب امانك خرجني والله خفت هئ هئ قربت تخبط بايديها الصغار علـّۓ  الباب وتتلفت م̷ـــِْن ومن ومخها يصورلها فحوايج يخوفو
🙍‍♀️:خرجني ونوعودك نمدلك البوبي ليـّۓ جابتو ماما
ريم: لٱ مانحبش
🙍‍♀️:هئ هئ هئ باهي اتوا اتوا نمدلك الشيكولة ليـّۓ مدهالي بابي
ريم: لٱ ماحاجتيش بيها
🙍‍♀️:شتحب مالا
ريم: السنسلة ليـّۓ جابها نزار عحبتني
🙍‍♀️:لٱ لٱ هذيكا متاعي ونزورة قالي ماتنحيهاش
شدت باديها علـّۓ  السلسلة وتبوس فيها وتبكي هيا خرجني عيشك ونعملك ليـّۓ تحب
ريم: متأكدة
🙍‍♀️:اي اي متأكدة
فتحت الباب وهي تتلاح عليها تعنقها دزتها جات طايحة و
ريم: هيا قوم ازرب
وقفت بالسيف ونفضت ايدها وتبعتها طلعو وديراكت للكوزينة جبدت سكين وحطتها علـّۓ  النار تسخن فيها
ريم: يعني مصرة ماتمدليش السنسلة
هزت براسها قداه م̷ـــِْن مرة
ريم: اتحمل
قربت منها وهبطتلها الروب متاعها عرتلها كتافها وحطت السكين وتتبسم بشر وكره كبير
اما هي فصاحت بأعلى صوتها م̷ـــِْن قوة لوجيعة ودموعها هبطو بغزارة
🙍‍♀️:هئ هئ امانك يزي يزي توجعت حاولت تبعدها لَـگِنْ جهدها الصغير مع قوة الحرقة مانجمتش غير تبكي
دخل يجري بعد ماسمع لعياط دز ريم بقوة جابها طايحة وجبدها ليه يشوف مع الحرق وقلبو موجوع: اشش خلاص صغرونتي اني جيت
🙍‍♀️:هئ هئ توجع توجع فيا ياسر
نزار :اخلاص توا نحطلها الدوا وماتوليش توجعك باهي
🙍‍♀️:باهي ازرب ازرب
شاور لشادي ليـّۓ كان يقحر لريم مشى يجري يفتش علـّۓ  بوماد للحريق وبما انو الدار تقريب دارهم يعرفو بلايص كل حاجة لقاها وجا يجري ويتكعبر
هاك هاك
شدها نزار وبدا يحط علـّۓ  الجرح وينفخ: توجع فْيَگ
هزت براسها بمعنى لٱ: لٱ ماولاتش توجع
قرصها م̷ـــِْن خدها باهي صغرونتي قولي واش جرى
🙍‍♀️:هزت بكتافها منعرش اما هي شاورت لريم قالتلي مديلي السنسلة وانا ماحبتيش حبستني لتحت في الظلام مسحت دموعها بكفوفها الصغار...وبعدها حرقتني هكا اما انا وعدتك عمري نحيها ولا نمدها لشي حد
نزار:شطورة
قربت منو وحضناتو نزورة انت سوبرمان متاعي مش هكا
نزار: اي ونوعدك عمري نخلي شي حد يأذيك مادام انا عايش ونتنفس
ريم بقات تبكي بالساكت وكرها زاد اضعاف مضعفة
#الرجوع للواقع
تنهدت ومسحت دموعها كل شي بسبابهم هوما ليـّۓ خرجو اسوأ مافيها حتى ولات شخص ٱڅڑ ماليه الكره والحقد
شوية ووقفت طوموبيل جنب طومبيل متاعها هبط لابس كلش في الاسود ولابس كاسكيط توجه ناحيتها اول مانتبهتلو ربعت ايديها وشافت فِيَھ معصبة
ريم :شمعناها ليـّۓ صرا علـّۓ  اساس هنيتني منها
👤:هز بكتافو جاتني اوامر في ٱڅڑ لحظة ومنعوني

💎💎💎💎