💘🔞سجينة قَلبـ♡ــيے 🔞💘

🌷الحلقة43🌷

💋💋💋💋  💋💋💋💋
🍒🍒 Sabrin CH 🍒🍒

حس روحو باش يضعف ويغلط بعد عليها مرهوج مش قادر يوقف علـّۓ  رجليه
نزار: ادخل للدوش اتوا تلقا ثياب ادوش ولحقني خرج م̷ـــِْن غير مايشوف فيها اما هي تلاحت في البيت تبكي علـّۓ  حالتها ومصدومة فذاتها يعني وين مشات فرح لقوية ليـّۓ عمرها ماخلت جنس ذكر يقرب ليها بالطريقة هاذي كان قبل مايخمم برك تحطو عند حدو اما هو دوب ماقفل الباب تكالى عليه وايديه ليـّۓ كانو يلامسو فيها ترعش مش فاهم روحو واش فيها خاص حتى تخليه ضعيف هكا هو ليـّۓ عمرو همو جسم مراة ولا يخمم يقرب لواحدة كان مجرد التفكير فِيَھ يخليه يتقزز اما توا جت وقلبت كل حاجة فِيَھ غمض عينيه يحاول يتمالك نفسو وقرر يخرج يشم شوية هوا لعل يريحو ويخليه ينظم افكارو ويكمل خطتو هي ماحبتش تلين بالسياسة قرر يتعامل بالعنف معاها ممكن يفيد
بعد ماحست بخطواتو بداو يبعدو قامت تجرجر في رجليها ودخلت للدوش غطست في البانيو كان جهزهولها قبل  تحاول تنسى ليـّۓ صرا ولا تفيق منو اذا كان حلم لانو اكيد حلم خايب ياسر وهي ماتتحملش لان قبل كانت كي تضعف تلقى اسما ولا جاك مايخلوهاش تنهار كانو ڼـعمًـْ السند ليها اما صدمتها في نزار خلاو دموعها يزيدو ينزلو بالرغم م̷ـــِْن رفضها لاي علاقة الا انو كان غير الكل حبت اهتمامو وغيرتو حتى م̷ـــِْن تملكو مرات يعجبها ومرات تكره منو اما توا خلاها فداومة صحيح هي غلطت اما ماكانش عليه يتعامل معاها بحال شي واحدة ### وماتصلحش بالعكس هي اشرف م̷ـــِْن هكذا بياسر علاه ماخلاهاش تشرحلو ليـّۓ صرا هي كانت مقررة انو كي يرجع تعتذر منو بالرغم هي عمرها اعتذرت لَـگِنْ في اليومين ليـّۓ فاتو خممت في كلام ليـّۓ حواليها منو لجمانة امو لشادي وندى وقررت تقرب منو ولكن تكون صداقة برك وممكن بعدها يتبدل رأيها اما هو بتصرفو هذا غلق كامل لبيبان في وجهو ومستحيل تتقرب منو ولا تعطيلو فرصة راح تهرب منا وين تلقى كيفاه صحيح ماتعرفش هي وين لَـگِنْ اكيد فما طريقة ولازم تلقاها تنهدت وكملت نشفت حالتها جبدت ثيابها ليـّۓ كان عبارة عن شورط قصير وتيشرت في لبلو لفت روحها ببنوار وخرجت مستحيل تلبس هاذ الشي قدامو السيد حطها عاهرة
قعدت علـّۓ طرف الفرش تحرك في رجلها بسرعة م̷ـــِْن التوتر والخوف لعصب كلش تلم عليها فخطرة حتى شعرها خلاتو يقطر بماه
سمعت الباب بدا يتفتح قلبها خبط وعقلها يصورلها فابشع السيناروهات بعد ليـّۓ شافتو قبيل
نزار: علاه مالبستش واش تستنى نحي نلبسك
فرح: هزت الثياب وطلعتها بايدها قدام عينه كيفاه تحبني نلبس هاذو قدامك
نزار هز بكتافو: عُاَدّيَےّ مانيش غريب
فرح: مصدق نفسك ياسر
نزار: بلا ماتكسرلي راسي تقوم تلبس ولا نجي انا نعمل اللازم ...بقات قاعدة وكأنها ماسمعاتوش اما مي شافتو بدا يقرب عرفاتو ماهوش يتمسخر قامت تجري دخلت للدوش وقفلت الباب تنهج
فرح: خماج مايحشمش مكبوت
نزار: سمعتك راو
فرح: اسمع ولا انطح الحيط
لبست بالخف ووقفت تشوف في روحها كيفاه باش تخرج هكا قدامو
فرح: اععع كلب رخيس واش يحسابني
فتحت الباب بشوية وخرجت راسها تطل مالمحاتوش خرجت بشوية تلفت م̷ـــِْن ومن حتى حست بيه كيف حضنها م̷ـــِْن التالي ولوا ايديه علـّۓ كرشها العريانة شوية بتملك خلاها ترجف ورجليها مش حاملينها للدرجة هاذي قربو يخليها ضعيفة
نزار: علاه مخلية شعرك مبلول تحب تمرض
فرح: شمدخلك نمرض ولا نموت
نزار: بالسيف باه هديت ماتخلينش نزيد نتعصب
فرح: تعصب ولا تفلڤ شيهمني فْيَگ
نزار بعياط: فرررح
عرفت روحها زودتها ركشت وبلعت هاك الفم اما بقا يشم فشعرها بهيام بعد شوية جبدها وقعدها فوق الكرسي

✴✴✴✴