💘🔞سجينة قَلبـ♡ــيے 🔞💘

🌷الحلقة122🌷

💋💋💋💋   💋💋💋💋
🍒🍒 Sabrin CH 🍒🍒

فاتو هالنهارين بطلوع الروح علـّۓ  نزار جا وقت العرس والفيلا تزينت بالورود والضواو الوان واشكال الطوابل مزينة بأبهة حلة مجموعة الخدم لابسين يونيفورم (لبس موحد) جمانة تجري هنا ولهيه توجه في هذا وهذا فرحة ولدها الآۆلْ حتى روحها ماجهزتهاش لولا فاطمة لي كركرتها بالسيف
وعند عروستنا لبسة غوب مارياج ايديها دونتال ومطرزة م̷ـــِْن الفوق مكبوسة م̷ـــِْن الصدر وتروح توساع ماجات ترضيه كان بطلوع الروح لي تعجبها يقولها مكشوفة وعريانة ماتناسبنيش ...عملت مكياج سامبل كيف العادة شعرها شدت جيهة علـّۓ  جنب والباقي خلاتو مفرود مع تاج صغير وتحفون زاد من حلاها ...دخلت ندى بالبخور وتصلي علي النبي كانت لابسة قفطان في الازرق الغامق مطزر بخيوط ذهبي في الصدر سفيفة بنفس اللون من لفوق للتحت مع خيمار في الماغون البارد ...زادت دخلت ليها اسما تتبختر لابسة غوب في الاصفر مكبوسة من الصدر مشدودة بسبتات صغار مبينة تفاصيل جسمها كملت ندى وحطت البخارة اسما تصفر:الًيَوُمًِ نزار يهبل
فرح: يزي ماتخوفنيش قلبي وحدو مقبوض
اسما: عادي كلها لحظة وتفوت وبعدها انتي تولي تطلبيه
فرح: احشمي وانتي منين عرفتي الشي هذا ولا جربتي قبل
اسما: كلو علـّۓ  عينك ياتاجر لَـگِنْ سمعتهم يقولو هكا
دخلت جمانة وفاطمة يزغرتو
جمانة: اللهم صلي علـّۓ  النبي محلاها بنيتي
فرح وجها ولا طمطومة من الحشمة: يعشيك امي جمانة
قربت ولبستلها سنسلة فينو عللخر باستها من راسها بمعزة وبعدت زادت قربت فاطمة ولبستلها بغاسلي تحفون زادة وباستها
فرح تمروح بايديها تأثرت بعملتهم ومش حابة تفسد المكياج
طاح الليل والمعازيم بداو يجو جمانة وفاطمة وخليل يرحبو في الدخلة وشادي وادهم وجاد للداخل واقفين ومكستمين ويسلمو علـّۓ  المعازيم ندى واسما بقاو الداخل يستنو في نزار يجي
واقفة عاطية ظهرها للباب تستنى وقتاه يدخل عليها شوية وسمعت الباب تفتح ماحبتش تتلفت قلبها يدق بالقاوي وقتاه يزيد قرب ...لَـگِنْ ماعمل حتي حركة استغربت تلفتت بشوية لقاتو يكيل فيها من الفوق للتحت بقات تبحلق فيه دقايق حابة تفهم واش جابو لهوني وفي الوقت هذا بالذات
تشجعت وقررت تقطع هالصمت
فرح: شتعمل هوني
اوس: جيت نباركلكم
فرح: وعلاه طلعت راك بقيت لتحت وثما تنجم تبارك
اوس حرك رقبتو يمين وشمال: لٱ فهمتني بالغالط جاي ناخذ حقي من راجلك ونرجعلو الضربة
فرح: ش شتقصد انت انت
اوس: اششش مانسمعش حسك
دق الباب وهي جات رايحة تجري تفتحتو لكنو حكمها وحط المسدس علـّۓ  خصرها
اوس: افتح والله وتعمل حركة خاطية نقتلك ونقتل ليـّۓ لبرا ...هزت براسها وهو دزها للقدام فتحت الباب شوية لقاتو نزار
نزار: افتح شبيك
فرح ترجف: احم شي اما مزال ماجهزتش
نزار: بيك شي وجهك مخطوف
فرح: لٱ لٱ غير ستارس وبرا استناني شوية سوبر ماني ...قفلت الباب في وجهو
ضربت في راسو كيف قالت سوبر ماني متعودة تقولها كيف تكون محتاجتو يحميها خبط الباب بقوة خلعو واوس حكم فرح وحط المسدس فوق راسها
اوس: تتقدم شوية نفجر راسها
نزار: اوس استهدى بالله علاه تورط روحك مافماش علاه تعمل هكا وزيد هي ماعندها حتى ذنب
اوس ضحك بقهرة: صحيح ماعندها حتى ذنب لكن انت السبب انت وامك وعايلتك حرمتوني من بابا وامي حرمتوني من جو العايلة والحنان وانتم عايشين حياتكم
فرح بدات تربط في الاحداث نهار مشات لمكتبو وشافت فوطو امها وفي ايديها طفل صغير وكلام فاضل ليـّۓ قاللها انو اغتصب امها وخطف الولد يعني هو خوها اي والله خوها
فرح: انت  انت فاهم بالغالط هو هو السبب هو اغتصب امنا وحرمها مـڼـڱ هو خطفك وتعذبت في بعدك هو هددها بيك
اوس: اسكت انتي مافاهمة شي وقاعدة تخلط هوما السبب فرقوني عن امي امو امو كلو منها خطفاتو من مرتو وولدو
فرح: لٱ والله كذب عليك صدقني انت انت خويا وتنجم تتأكد وهو اعترفلي بفمو كيفاه تعدى عليها وخطفك امانك خليني نثبتلك الشي لي قلتو
نزار  باقي يسمع في كلامهم وتصدم من جديد في بوه كيفاه كان حقير للدرجة هاذي
اوس ايديه رجفت ويخمم في كلامها ماعندها علاش تكذب عليه وزيد ريم قبل حكاتلو انو عندهم اخت ولكن ماتت يعني هي عايشة وهاهي قدامو طيح المسدس من ايديه وقعد فوق اقرب كرسي يرجف ودموعو هابطة فرح جرات لنزار حضناتو ميتة رعب علي شعرة كانت ماتت مسحلها علـّۓ  شعرها حتى هدات
وقف اوس وجا خارج من غير مايقول كلمة شدتلو ايدو تلفتلها
فرح: ماكنتش نتصور انو ممكن يكون عندي اخ وسند في الدنيا هاذي ماتمشيش الًيَوُمًِ انا بحاجتك يعني ترضاها ليا تروح ماتحضرش عرسي شكون باش يهبطني ويسلمني ليه ويحذرو اذا قلقني ولا بكاني انو عندي حد نمشي نشكيلو منو ...دموعو طاحت متأثر بكلامها صحيح ريم يعرف انها اختو من قبل اما عمرو لٱ حس بالاحساس هذا معاها قرب وحضنها مزيرها ليه مش مصدق انو الحياة مدتلو فرصة وحاجة يعيش علاجالها بعد وباسلها راسها بمعزة وتلفت لنزار
اوس: تعرف عمري لٱ حبيتك كنت من ديما نغار منك ومن عيشتك اما الًيَوُمًِ وبسبابها هي قررت ننهي هالعداوة ونبداو من جديد خويا لعزيز ..حضنو بعض ونزار ربتلو علـّۓ  كتفو كان هو لكبير وتوا ولا عندو اخ اكبر منو
نزار: علي الاقل تشيل عليا الحمل شوية خواتك تعبوني الصراحة
اوس تبسم: كنت ديما نغار من لمتكم هاذي ونحسدك وتمنيت يكون عندي عايلة كبيرة وهاهي تحققت امنيتي وتوا سامحنا اخرج وتوا نهبطها لعندك
قرب باس راسها وهبط واوس تلفت لفرح: فرحتي ماتتصوفش بيك مع انو عرفتك من دقايق  لَـگِنْ من توا اعتبريني خوك وبوك وكل شي واذا هذاك الحلوف قلقك ايجا لعندي وانا نحطو عند حدو
فرح: عيشك خويا
اوس: اححح محلاها الكلمة خويا هيا هيا ليرجع نزار توا شبك ذارعو بمتعاها واول ماخرجو م̷ـــِْن البيت ندى واسما نثرو عليهم الورد حتان هبطو من الدروج كلها كان نزار واقف بهيبة لابس كوستيم اسود مع شوميز بيضا وبابيون نواغ
تلفت اوس وباس راس فرح بمعزة وشد ايديها حطها مع ايد نزار: نتمنى تحافظ علـّۓ  الامانة وتصونها
تبسم نزار: في عِيوني وقلبي ماتخافش تمشاو وين كاين الحفلة وماخلاش الامر م̷ـــِْن التصوير اول ماخرجو وقفو الناس الكل يصفقو جاد وشادي ومعاهم جاك وزاد انضم ليهم اوس روبلوها بالتصفار تمشو في الممر بين الحضور حتى وصلو للبلاصة ليـّۓ راح يقعدو فيها كراسيهم مزينة بالورود قعدو وجا العدول كانو مقررين جاد واسما الشهود ولكن بما انو اوس ظهر انسحب جاد قعدو واوس باقي مركز مع اسما بعدها همسلها: سارة ولا غالط
ضحكت اسما: لٱ غالط انا اسما
اوس: تلاقينا قبل لٱ
اسما: اي
اوس: استني استني يعني كانت لعبة
اسما تبسمت: تعيش وتاخذ غيرها
جاد لاحظ كيفاه قراب ويتهامسو تعصب وحب يقوم يفرشخو بدماغ ولا بونية باه يبعد عليها لكنو مش حاب يفسد عرس خوه خلي م̷ـــِْن بعد ويحكمها ويفري هالقصة ماعادش فيه
سقساهم العدول وجاوبو بالموافقة ولاو زوج وزوجة في لحلال باسها م̷ـــِْن راسها وتوجهو وين باش يرقصو وفتحولهم اغنيه سولو وبداو يتمايلو وهو باقي يهمسلها بكلام معسول يمهد ويحضر فيها لليلتهم الحمرا ...ندى ترقص مع بوها وحاطة راسها علـّۓ  كتافو وتشوف في ادهم لي قاعد بعيد طول عمرو مايحبش هالاجواء مازال ماشية بخطة جمانة ولتوا لٱ لقات نتيجة
اما جاك فاسحب اسما وبداو يرقصو وهنا جاد جن جنونو ماعادش فيه مايتحمل

💎💎💎💎