💘🔞سجينة قَلبـ♡ــيے 🔞💘

🌷الحلقة91🌷

💋💋💋💋   💋💋💋💋
🍒🍒 Sabrin CH 🍒🍒

رجع للشركة مالقهاش صونا ليها حتى سمع التليفون بحذاه نساتو هنا خرج ديراكت لبيرو شادي سقساه عليها اما قالو مايعرفش وين مشات لان خلاها ثما عاود كلم ندى لعل مشات للدار لَـگِنْ صدماتو وقاتلو ماشافتهاش م̷ـــِْن البارح ...بقا رايح جاي والف فكرة جات في بالو منها انو ممكن تكون زادت هربت مرة اخرى بقى ساعة وزوز يستنى فيها ممكن ترجع لَـگِنْ مارجعتش هز روحو ومشا للدار كان متمني يلقاها لَـگِنْ خاب ظنو ومالقى شي ندم ليـّۓ ماردش عليها كيف كلماتو طلع عمل دوش وصحصح نزل شد البيسي متاعو يكمل في خدمتو ...شوية ويسمع في صوت الباب يتفتح تنفض جا واقف حتى قابلاتو داخلة تتبسم قرب ناحيتها يخض فيها بقوة حتى توجعت
نزار: وين كنت مش قتلك استناني وماتمشي لحتى بلاصة تحب تجنني انت
فرح: بشوية وجعتني ارخف وزيد انت قلت ساعتين وعشينا في ربعة
نزار: مايهمكش قتلك استني اترص ربك في بلاصتك حتى نجي وين خارجة تتلهوطي برا
فرح: ماتعيطش عليا صونيت ليك وماهزيتش ومامشيتش نتلهوط خرجت مع امي جمانة تغدينا وتمشينا شوية وهاني جيت
نزار: ساهل لكلام مش هكا نا راسي باش يتحرق عليك گلآمَيےّ ماعندو قيمة عندك تحب تعاندني وخلاص
فرح: لٱ اما
نزار: اشش اخلاص مش حاب نغلط معاك خلي نهدى وبعدها نتفاهمو طلقها ورجع لبلاصتو شد البيسي وركز معاه
قربت ناحيتو
فرح: نزار
نزار: مش توا روح بدل الساعة باخرى لان مش ضامن  ممكن نجرحك روح
بقات مصمرة في بلاصتها ودموعها علـّۓ  شعرة ويهبطو
نزار بعياط: قتلك امشي منا
طلعت تجري للبيت خايفة م̷ـــِْن تحولو المفاجئ اكيد ماشي باش يبقى ديما يلحلح بيها وهذا ليـّۓ خافت منو انو يتبدل وهي ماتعرفش تتصرف في هالمواقف عملت دوش ترتح بيه اعصابها وخرجت شيحت  شعرها ولبست بيحامة وبقات ماشية جاية اعصابها تلفت يعني هي ماعملتش هالعملة لكبيرة باه يشنف عليها هكا اكيد فما حاجة اخرى مقلقاتو ...بقات ساعات حتي ملت وكان طاح الليل هبطت لتحت لقاتو خرج للجاردان طلت عليه باقي عاقد حواجبو الظاهر مازال مابردش رجعت ادراجها مشات للكوزينة حضرت لعشا وستفاتو فوق الطاولة
ورجعت ليه
فرح: نزار ايجا تتعشى
نزار :مافياش الجوع روح اكل انتي بصحتك
فرح: اما انا ...
نزار: فرح مانبقاش نعاود
تلفت وهبطو دموعها م̷ـــِْن معاملتو صحيح غلطت كيف خرجت اما مش م̷ـــِْن حقو يتصرف معاها هكا قعدت فوق الطاولة تلعب بالماكلة نفسها تسدت وشهيتها مشات حطت م̷ـــِْن ايديها وطلعت للفوق
كان كمل خدمتو وداخل حتى لمحها لابسة وخارجة زرب ناحيتها وجبدها بقوة ليه
نزار: وين ماشية سيادتك في نصاص الليل
فرح نترت ايدو: سيبني نمشي وين نحب مايهمكش فيا
نزار: راح تهبليني انتي والله
فرح: اهبل ولا اقعد انا ماعملت شي وانت باقي مشنف عليا وتعامل فيا بالبارد يعني ه̷̷َـَْـُذآ برك لاني خرجت مع امي جمانة انا استنيت وماجيتيش كلمت ومارديتش شنعملك
نزار: تعرف قداه خفت عليك ولا لٱ اكيد لٱ خممت انو ممكن تكون عملتها مرة اخرى ومشيت وخليتني ولا حد خطفك كل شي خايب صورهولي عقلي مدام قتلك ماتخرجش معناها خايف عليك
فرح مسحت دموعها ليـّۓ طاحو: علاه شكون راح يخطفني ماعندي شي انا
نزار: اما انا عندي ..واي حد ممكن يستغلك باه يوجعني ..قرب وحاوط وجهها بايديه
نزار: ماتزيدش تخوفني عليك امانك مانتحملش راني
فرح: وانا مانتحملش انك تعاملني ببرود كيف قبيل علـّۓ  اساس حوار وتفاهم وين مشى ه̷̷َـَْـُذآ الكل
نزار حط جبينو علـّۓ  جبينها وتنهد: مانعرف مانعرف اما فكرة انو ممكن نخسرك خلت طرف لعقل يطير سامحني نعرف تعصبت زيادة وجرحتك
فرح: ماتزيدش تعيط عليا
نزار: ومانزيدش نعيط علـّۓ  روحي
بقات ترشف ودموعها يهبطو مازالت غايضتها روحها
نزار: اخلاص يزي م̷ـــِْن لبكا
فرح: وحدهم يهبطو شنعمللهم
هبط باس عينيها وخشمها ليـّۓ حمار م̷ـــِْن م̷ـــِْن كثرة لبكا بعدها خدودها واخيرا حط شفافو علـّۓ  شفافها بوسة حنينة كاعتذار علـّۓ  عملتو ..بعد شوية عليها
نزار: وتوا
دخلت في حضنو وحاوطاتو بايديها اخلاص رضينا
نزار باس راسها: ماتزيدش تعاندني مادام منعتك عن حاجة اكيد لمصلحتك وخايف عليك
هزت براسها وزادت دخلت فِيَھ
نزار: تعشيت
فرح: لٱ
نزار: علاه
فرح: مانجمتش ناكل وحدي وزيد انت كنت مغشش
نزار: باهي هيا ناكل انا وروحي
فرح طلعت راسها: يكون برد توا
نزار :نسخنوه شنوا المشكل المهم ماتباتش بلا عشا هيا امشي قدامي يابكاية
فرح: مانيش انت السبب
نزار: نعرف نعرف مراحش تبطلي عناد
فرح هزت بكتافها وتبسمت: الله غالب يمشي فالدم

💎💎💎💎