💘🔞سجينة قَلبـ♡ــيے 🔞💘

🌷الحلقة64🌷

💋💋💋💋  💋💋💋💋
🍒🍒 Sabrin CH 🍒🍒

امجد: تؤ تؤ تعرفني مانجمش نأذيك
فرح: اي نعرف ونعرف مليح ياسر
دورلها وجها بنترة
امجد: قتلك الف مرة كيف نحكي معاك ماتتجاهلنيش
فرح: ولي مش حاب يشوف منظرك
امجد شدلها فكها بيد ونازل عليه :لسانك طوال ياروحي وقيلا جا وقت قصانو
اسما: شبيك هبلت سيبها
امجد خبط الطاولة وكل ليـّۓ في الكافيه قاعدين يشوفو فِيَھ :بلع عليا فمك واقلب وجهك م̷ـــِْن قدامي حرك رقبتو يمين وشمال وطلق وجه فرح
امجد: اتهز م̷ـــِْن قدامي قتلك
ناضت اسما بزربة تعرفو كي يوصل للمرحلة هاذي يقتل روح ومايهمو
تلفت للناس ليـّۓ ثما صاح عليهم تبعو بعض واحد ورا خوه حتى الكافيه فرغ وقعدهو وفرح وحدهم
رجع يشوف فيها دموعها هابطين وامارات صباعو علـّۓ وجها
امجد: يعجبك الحال هكا كي نعنفك
فرح مسحت دموعها: ماتخافش جاي الوقت وين ماتلقانيش قدامك
امجد باستهزاء: مازلت ناوية تزيد تهرب مامليتش
فرح: اي اما المرة هاذي باش نهرب لربي ثما نرتاح
امجد: اوه تعرف اني انا ليـّۓ نقرر حتى الشي ه̷̷َـَْـُذآ زادة يعني حاولت قبل ومانجمتيش فابلا تهديداتك هاذو فارغين ومايصلحو لشي لان كل ماتبعد عليا تزيد تحلالي
فرح: •اللّـہ̣̥ يلعن النهار ليـّۓ شفتك فِيَھ وصدقتك
حط ايدو ورا عنقها وجبدها ليه يشوف في عينيها نيشان بنظرات زعزتها: فرح مازال شيطاني مابداش يخدم معاك خليه رايض احسن باسها م̷ـــِْن جبينها بوسة مرصوصة خلاها متقززة منو ومن لمساتو ليها لعنت غبائها الف مرة ...
بعد عليها وعدل كوستيمو وباقي حاضيها بعينه
امجد: وتوا نفهمك في الخدمة ..خرج مسدس صغير حطو قدامها
فرح: قتلك مانحبش حاجة فيها سلاح
امجد: للحماية فقط وزيد توحشك م̷ـــِْن مدة مالمستوش...وتوا المفيد فما شركة كنا متفاهمين معاها باش تمول عملياتنا في العامين الجايين لَـگِنْ تراجعت في ٱڅڑ لحظة انا باش نديرلهم قرصة وذن صغيرة وانتي عليك تدخلي للشركة تجيبي مستندات مهمة وتحاولي تخترقي حسابهم وتحولي الدراهم كيف ماموالفة يعني حاجة بسيطة بالنسبة ليك
فرح: والدراهم رايحين للمنظمات الارهابية
امجد: ماشغلكش هذا وماتحوسيش في امور خاطياتك لانك تنضري
فرح: واو ماتقوليش خايف عليا
امجد: اي خايف عليك وفما حوايج م̷ـــِْن الاحسن تبقى مخفية لان اذا تعرفت بلدان تتدمر في دقيقة هاذي اكبر مِڼـّي ومنك
فرح: اي ديما بلعطني بكلامك ليـّۓ كلو الغاز ...المهم ابعثلي المعلومات وقولي وقتاه خلي نكمل ونتهنى ومانزيدش نراك قدامي
امجد: نو ياروحي صحيح هاذي ٱڅڑ عملية بيناتنا اما مستحيل نخليك لان انتي بحد ذاتك كلك ليا وغير تكمل العملية ديراكت للقصر ماراحش تبقى هنا
فرح: والمهمة نتاع المنظمة نسيتها مازال ماكملتهاش
امجد: نشوفولها حل ماتخافش
وقفت فرح هزت المسدس حطاتو في خصرها ورجعت الفيستا ليـّۓ كانت لابستها باه تخبيه ...
فرح: اذا كملت نجم نمشي
وقف امجد مقابلها: اي بالطبيعة ...شوية وتوصلك التفاصيل معمل عليك عاد
فرح: باهي ..تخطاتو ومشات روحها باش تخرج ميش عارفة علاه قاعدة تساير فِيَھ لتوا لان في لول كانت تخاف م̷ـــِْن تهديداتو اما في الفترة الاخيرة كانت كل مايحاول يأذيها تصرا حاجة وتمنع وهذا الشي طمنها نوعا ما
لقات اسما تستنى فيها دوب ماطلعت طارت اسما بالطوموبيل
فرح: بشوية شبيك
اسما: يابنتي نمنع بالروح م̷ـــِْن هاك البسيكوبات
فرح: كلام علـّۓ  الفارغ مايعمل شي
اسما: هذاك انتي مايعملك شي خاطر مهووس بيك اما نحنا الله غالب علينا يقتلنا وهو مغمض عينيه
فرح: مش للدرجة هاذيكا والله ساعات نشفق عليه
اسما: ياام قلب طيب انتي روحي خوذيه بالاحضان خير ..

✴✴✴✴