💘🔞سجينة قَلبـ♡ــيے 🔞💘

🌷الحلقة118🌷

💋💋💋💋   💋💋💋💋
🍒🍒 Sabrin CH 🍒🍒

فاتو ايامات ثقال علـّۓ  الكل بعد مامشى نزار جاد حكى لجمانة واش صرى وهي طبعا ماسكتتش وحطت النقاط علـّۓ  الحروف وفهمتهم كان لآزٍمٍ تحكيلهم لي تعرفو باش ماتخليش الكره يسيطر عليهم صحيح ادهم تصدم في لول وماحبش يصدق لكنو راجع حساباتو ومانجمش يروح لنزار ويعتذر كرامتو وكبريائو مايسمحلوش اما فرح فكانت غالقة على روحها تخمم وتعاود تروح لعندو تمدلو فرصة يشرحلها ولا لٱ تبعد احسن هكا خير جمانة كل يوم تكلم فيها تمشي تشوفو وتخرجو من حالتو لكنها ترفض عقلها غلب قلبها المرة هاذي وهو ماكانش احسن حال منها من الدار مايخرجش جمانة تجيه كل يوم وتواسيه لكنو مايسمعش ليها ومرات توصل بيه يطردها
وكي العادة بعد موشح جمانة طردها من االبيت قلبها واجعها علي ولدها هو لي كان فوق روسهم ديما حاميهم من غير مايحسو بيه بسبة خدمة بوه الغير شرعية وتورطو مع المافيا ...كانت حياتهم في خطر وكل مرة ينقذهم بلا مايعلمو ..
اول ماهبطت م̷ـــِْن الدروج قابلتها فرح واقفة تفرك في صوابعها ومنزلة راسها واخيرا تشجعت وجات لعندو لآزٍمٍ تفهم منو هو ..
جمانة: واخيرا ياروحي جيت
فرح: وينو
جمانة مسحت دمعة هبطت من عينيها: لفوق غالق علـّۓ  روحو مش حاب يكلم ولا يرى حد
قربت منها حضنتها: انتي الوحيدة تقدري تخرجيه من حالتو اسمعي منو واعطي فرصة ليك وليه وابداو من جديد
هزت راسها وطلعت تجري توحشاتو وتوحشت كلامو لمساتو وكل حاجة فِيَھ
فتحت الباب بشوية قابلها راقد علـّۓ  كرشو لابس غير سروال سيرفات
علـّۓ  صوت الباب تكلم من غير مايطلع راسو
نزار بعياط: امي قتلك امشي مانحب نرى حد
ردت عليه بصوت يرجف: حتى انا
اول ماسمعها كذب طلع راسو بزربة يحب يتأكد كان باين عليه مهدود وضعيف اول مرة  تشوف حالتو هاذي شعرو مفرفش عينيه ذابلين وحمر
نزار: فرح هذا انتي ولا راني نهلوس
فرح: ماكش تهلوس نجم نجي لعندك
هز براسو بسرعة واخيرا قلبها حن عليه مشات ناحيتو وهو بعد شوية مخليلها بلاصة طلعت للفرش وتمدت بحذاه ...قرب وحط راسو في حجرها وحاوط خصرها بايديه
نزار: خليك هكا امانك ماتمشيش وتخليني محتاجك محتاجك بجنبي حاس روحي ضعيف بلا بيك
حطت ايديها علـّۓ  شعرو تمسح بحنية قلبها واجعها كيفاه سخات بيه وفرطت ..هبطت راسها باستو من جيبنو وهو غمض عينيه كانت وكأنها مسكن اللآمو وجراحو بمجرد مالمساتو رجع للدنيا وتوا ينجم يرقد لان النعاس هجرو من ليلتها كل مايحط راسو باه يرقد تجي صورتها مابين عينيه ..حط في بالو انو خلاص خسرها بعد كل عملو قدرو يفرقوهم..زاد زير عليها خايفها تمشي مرة اخرى ولايفيق ويكون برك مجرد حلم
نزار بتعب: انتي متأكدة انك هوني صح مش يتهيألي لان كل يوم خيالك يجي ليا وين نحب نلمسك يختفي ماراحش تختفي كيف عادتك راح نقوم ونلقاك بجنبي مش هكا
فرح: اممم اني هنا وعمري مانزيد نبعد عليك دقيقة واذا حاب تشرحلي نسمع فْيَگ
نزار: لٱ لاخليك هكا مانحبش نحكي توا حاب نستمتع بهاللحظة زاد غرس راسو فيها مستسلم للنوم مع لمساتها لي عاونوه يرقد براحة ...تنهدت بقوة مش مصدقة الحال ليـّۓ وصل ليها بسبتها كرهت روحها لدرجة كبيرة كانت انانية وخلاتو يتعذب وراها ممكن كون سمعتلو من المرة لولة ماكانوش وصلو لهنا حست بيه رقد بعداتو شوية وتمدت ورجعت جبداتو ليها محضناتو وتبوس في وجهو هذا هو سوبرمانها كيفاه قدرت تنساه اسئلة ياسر ماعندهمش جواب وهو لي عندو حل للغز لكبير للي عاشتو الكل عينها تغمضو حتى هي ورقدت حاسة بالامان لي فقداتو طول هالايام

💎💎💎💎