💘🔞سجينة قَلبـ♡ــيے 🔞💘

🌷الحلقة116🌷

💋💋💋💋   💋💋💋💋
🍒🍒 Sabrin CH 🍒🍒

فرح: امانك خليني نمشي مانقول لحد ووعد نسافر منا وماعادش تشوف وجهي جملا
فاضل: هو صحيح ماراحش نزيد نشوف وجهك جملا لان راح تموت هاشقولك
فرح حركت راسها يمين وشمال بهستيريا: علاه علاه شعملتلك ياخي
فاضل بعياط: عملت عملت كلوووو مـڼـڱ ومن بوك النحس خسرتها كنت راح نخطفها ونهرب بعيد نعيشو وحدنا وانتي انتي السبب
فرح: علـّۓ  شنيا تحكي اكيد غالط
قرب ناحيتها وغفصلها وجهها بايديه :مانيش غالط انتي لي نسَيتيَےّ واتوا نفكرك
#فلاش -باك
كانو قاعدين كلهم كيف العادة الثلاث عايلات لكبار في الصالون يحكو ولولاد لبرا يلعبو مريم استأذنت منهم تمشي تحضرلهم حاجة ياكلوها ...شوية ووقف فاضل لحق عليها من غير مايشلقو بيه
فاضل: مريم
تهزت وتحطت من صوتو: شتعمل هوني اخرج مانحبش نرى منظرك
فاضل: ماتهبلنيش واسمع گلآمَيےّ هيا نمشو منا
مريم: اكيد هبلت انت كيفاه تحبني نمشي معاك ونخلي راجلي ليـّۓ نحبو وبناتي
فاضل :نوعدك بعد مانريقل اموري ثما نحيبلك بناتك
مريم :شقاعد تخرف وومرتك وولادك نسيتهم قول واش ذنبهم تمشي وتخليهم ها منين تفهم انا مانحبكش نحب مراد وعمري نخونو
فرح عطشت ودخلت تجري ديراكت للكوزينة لقات فاضل حاكم مريم وحاب يخرجها بالسيف من الباب الخلفي للكوزينة
فرح: عمو فاضل شتعمل
مريم تبكي :شي ياروحي يعاون فيا برك
خنزر فيها فاضل وكمل يجبد في مريم راحت فرح ناحيتهم تجري وتضرب في فاضل بايديها الصغيرة وتحاول تبعدو
فرح: سيبها سيبها ماما هيا نمشو هذا واحد شرير خليها
دز فرح طاحت وكمل خارج هو ومريم لي بقات تتفارع معاه
فرح خرجت تجري راحت وين قاعد باباها تبكي وشدت في ايديو تكركر فيه
فرح: ايجا ازرب عمو فاضل خذا ماما وضربني هيا هيا
خرج مراد يجري وتبعوه لخرين لقى فاضل باش يركب
مراد :شتعمل
فاضل توتر :شي اما كانت مقلقة شوية قلت نفهم شبيها وشاف في مريم بنظرة ترعب خلاها تفهم
مريم بخوف: اي كيما قال
جبدها مراد وحضنها وفرح راحت تجري وحضنت ماماها
#العودة للواقع
فرح حست راسها حبس بدات تجيها لقطات متقطعة ..حكمها صداع كبير حست كل شي يدور والدوخة تدي فيها وتجيب بدات تنهج والعرق هابط
فرح: انت تكذب تكذب مش ممكن
فاضل: لٱ ممكن انا عملت كل شي باه نملكها من ليـّۓ عرفني عليها مراد انها خطيبتو دخلت لقلبي وعقلي وقررت تكون ليا عرضت عليها تخليه ماهمنيش في صاحبي طزز فيه المهم هي تكون ليا لَـگِنْ بقات ترفض حتي عملت شي عمري كنت نتصورو اغتصبتها ايه اغتصبتها باه هو يعيفها ويخليها لكنو صدمني كيف تمسك بيها وتزوجها لٱ وحملت بولدي ماكانتش تعرف انو انا عملتها لي حطيت في بالي  كيف يخليها هو انا نعرس بيها ونسترها وهي اكيد باش توافق ..اما طلع صاحبي راجل وعرس بيها واهتم بحملها وكأنو منو وولدو وهذا زاد من كرهي ليه اسنيتها حتى ولدت وهددتها بولدها بقات معندة حتى خطفتهولها وحرمتها منو نعرف ليـّۓ انا ندل وواطي لَـگِنْ عملت كل شي لاني حبيتها
فرح: اسكت اسكت ماتكملش انت مستحيل تكون انسان مستحيل
فاضل: لٱ باش نكمل وباش تسمعني معاها بعد مابعدت ولدنا عنها تقربت من صاحبتها وعرست بيها ومع هذا مايأستش وبقيت نحاول ونبعثلهم تهديدات وحتي جاتني الفرصة وانتي فسدتها قررت نقتلكم في زوز ونتهنى منكم لَـگِنْ ماحسبتش حساب انها تطلع معاكم في نفس الكرهبة وتموت وانتي تبقى كيف الشوكة في حلقي كل مانشوفك نتفكر كيفاه قتلتها حاولت بكل الطرق نتخلص مـڼـڱ لَـگِنْ في كل مرة تمنع اما المرة هاذي راح تموت
فرح تبلوكا عقلها رجعتلها كل الذكريات اما الصدمة خلتها تبقى تشوف في نقطة مش مستوعبة شي

💎💎💎💎