💘🔞سجينة قَلبـ♡ــيے 🔞💘

🌷الحلقة57🌷

💋💋💋💋  💋💋💋💋
️🍒🍒 Sabrin CH 🍒🍒

بعد وقت بدات تحاول تحل عينيها اما مانجمتش حاستهم ثقال ووجها يلهب وجسمها مدقدق عليها ...بعد محاولات فتحت عينيها تشوف في الدنيا ضباب شوية ووضحات الرؤية لقات ندى وشادي يخزرولها بقلق
ندى تنهدت براحة: واخيرا ياروحي خوفتنا عليك
شادي: اي ياحياتي هكا سخفتنا عليك
فرح تحكي بحيل مهدود: شفما اش صرا
ندى: انتي ارتاح توا مش مهم واش صرا المهم قمت لباس حركت راسها مش منجمة تتكلم اكثر حاولت تتقعد اما جسمها خانها دموعها هبطو يحرقو
شادي: اشش يزي عاد مش مليح ليك لبكا وينها فرح لقوية
ضحكت بقهرة: ليـّۓ ماتعرفوش انو انا مش قوية وعمري كنت قوية
ندى: هيا اخلاص بلا حزن بلا هم لآزٍمٍ تنسى وثانا اذا حابة تحكي هاني موجودة وشوشو حتى هو معاك وزيد اسما انتي برك وريلنا ضحكتك ليـّۓ تعودنا عليها ..تبسمت بالسيف صح لآزٍمٍ تحاول تنسى وتكمل كيما كل مرة نزار وبعد م̷ـــِْن طريقها ..صعيب عليها تتخطاها اما مش مستحيل
ندى: انا نهبط نجيبلك حاجة تاكلها
فرح: لٱ ماتخلونيش هنا خلي نمشي معاكم مانحبش نبقى وحدي
عاونها شادي وهبطت معاه ...حاولو يبدلولها الجو وينسوها عملتلها ندى سوب ..كلات منها شوية وحبست تفكراتو كيفاه كان معاها يوم مرضت ...طاح الليل وجات اسما كلهم باقين يضحكو ويفدلكو باش تنسى وتدخل في الجو بالرغم مش عارفين سبب الكريز ليـّۓ جاتها ...مش حابين يضغطو عليها
💔💔💔💔💔💔💔💔💔💔
طلع صباح جديد ثقيل ورزين علـّۓ  الكل قامت بالسيف لقات ندى واسما واحدة راقدة علـّۓ  يمينها ولخرى علـّۓ  يسارها تبسمت علـّۓ  شكلهم ماحبوش يخلوها وحدها ...عملت روتينها ولبست ثيابها بالزور م̷ـــِْن قوة الوجع دارت شوية مكياج يخبي الجروح ولكن هكا وبقات امارات نوضت ندى واسما هبطو لقاو شادي حضرلهم لفطور كلهم كلاو الا هي نقبت تنقيب ماعندهاش نفس ..حاولو فيها تبقى ترتاح الًيَوُمًِ اما هي كي العادة كسحت راسها وقررت تمشي تخدم وتعاون شادي في التصاميم م̷ـــِْن بعيد لان قررت تنسحب م̷ـــِْن دور المساعدة تبقى في الارشيف احسن هذاكا مقامها
اما هو وين خرج م̷ـــِْن عندها ديراكت لدارو وبالتحديد لصال دوسبور ليـّۓ ثما دخل بقا يضرب ويعاود يحب يفش غلو في حاجة ساعات وهو هكذا حتى تهد حيلو قعد ينهج وعرقو يصب يديه كلها دم ..طلع لبيتو عمل دوش وغسل جرحو ..لفو علـّۓ  يدو بونداج م̷ـــِْن غير مايعقمو لبس شورط وتكسل في بلاصتو والنوم طار عليه ومنين راح يجي وهو الف حاجة في راسو تلفت للطابل دونوي جبد كينة م̷ـــِْن منوم بلعها مرة وحدة وغمض عينيه شوية ورقد ..جاتو الفيقة علـّۓ  السبعة ...عمل روتينو ولبس ثيابو وديراكت للشركة يحب يلهي روحو باي حاجة صحيح هي راح تكون ثما اما يحاول علـّۓ  قد مايقدر يتفادها ويتجاهل وجودها وكأنها مادخلتش لحياتو ..دخل وجهو بارد م̷ـــِْن غير ملامح رجع نزار القديم ليـّۓ الكل يخافو م̷ـــِْن نظرتو برك ..الكل لاحظ تغيرو المدة ليـّۓ فاتت ..طلع الفوق لمكتبو لقديم لان ماعندو مايدير لتحت طلب منهم ينقلولو حوايجو ومن غير اعتراض وبعد ساعة كان كل شي رجع لبلاصتو والمكتب للتحت تسكر بالمفتاح كيما كان
ه̷̷َـَْـُذآ كامل كان ☟تٌَحَـتْ☟ عينين فرح ليـّۓ هنا صح عرفت انو كل شي وفا مثل ماوعدها راح يرجع مايعرفهاش ...اما ريم فاكانت طايرة بالفرحة (علابالي توحشتوها 🙂)
كانت نوايتلها علـّۓ  نية اما منعت يعني هاذي فرصتها تقرب م̷ـــِْن نزار وتملي الفراغ تعرف الرجال كيفاه يخممو اذا حب يحرق قلب بنت يمشي مع غيرها اما ماتعرفش انو نزار تفكيرو غير ...
قعدت كارهة حتى صونا ليها رقم غريب

✴✴✴✴