💘🔞سجينة قَلبـ♡ــيے 🔞💘

🌷الحلقة56🌷

💋💋💋💋  💋💋💋💋
️🍒🍒Sabrin CH 🍒🍒

تبكي وترجف بين ايديه ماتوقعتش تكون مواجهتو صعيبة عليها هكا وانو جرحاتو للدرجة هاذي تحكي وتمتم مش قادرة تجمل كلمتين علـّۓ  بعض
فرح: اناما ...ماقصدتش والله ...والله لٱ
نزار: اشش مانحب نسمع حتى شي اكيد باش تزيدي تعمقي هالجرح اكثر انا انا ليـّۓ راح نحكي لان م̷ـــِْن الًيَوُمًِ لساني ماراحش يزيد يخاطب لسانك راح نخليك علـّۓ  راحتك كيما حبيت اما نعرف الي انتي باش تجيني برجليك ونتمنى ماتتأخرش لان اذا خسرتني صدقني حتى قوة ماعادت ترجعني
فرح: امانك رحمني يزي ماتحملنيش فوق طاقتي تدز فِيَھ تحاول تفتك منو وهو مزير علـّۓ  ايدها حتى حستها قريب تتخلع
نزار خرج مفتاح م̷ـــِْن جيبو: تشوف فِيَھ ه̷̷َـَْـُذآ ...نهار تقرر مصير الشي ليـّۓ بينا وتقدر تفتح قِلًبُكً♥ اعتبر المفتاح ه̷̷َـَْـُذآ باب دخولك لعالمي واذا دخلت انسى انك تخرج لاني ماراحش نسمحلك برضايتك ...ولا غصب عنك
حط ايدو ورا رقبتها وقربها ليه بنترة وغطس في شفافها يبوس بغل تعصيبو منها لخصو في البوسة هاذي ويعض بكل مافيه م̷ـــِْن جهد وهي مامنعاتوش استسلمت وخلاتو يعمل ليـّۓ حب عليه ..بعد عليها غير كيف حسها باش تتخنق شاف فيها بنظرة قتلتها وقهرتها اكثر رما المفتاح فوق الطاولة ...وماتخممش تبطل م̷ـــِْن الخدمة غدوة تكون ثما كيما موالفة ورح نتصرف ولا كأنو عمري عرفتك .. خرج خبط الباب وراه هارب منها مش حاب يزيد يطيح بروحو اكثر يعرف انو حتى هي تحبو اما علاه باقية تكابر توا جاوقتها هي ليـّۓ تبادر ...تلاقى بندى لتحت مشا بخذاها تقول اعصار ماانتبهش لوجودها اصلٱ ...م̷ـــِْن شكلو فهمت انو فما مشكل طلعت تجري لقات فرح طايحة في القاع وحالتها حليلة تنتف في شعرها وتضرب في روحها بالكفوف فمها كلو دم تحكي بهستيريا ...تضرب وتقول ماضربتش لعل تبرد نارها ليـّۓ شعلت تقدمت ليها ندى وقعدت علـّۓ  ركايبها تهدى فيها حاولت تشدلها ايدها تحضنها اما مانجمتش عليها زربت خذات تليفونها وصونات لاسما اكيد هي تعرفها اكثر
ندى: وينك هيا اجريلي
اسما: اهدا شبيك
ندى: فرررح ..فرح تضرب في روحها وتعيط ايجا امانك
اسما فرانت بقوة: شنية باهي باهي حاول تهديها اتوا نجي ...قلبت الدورة وطول للدار جاب ربي كانت قريبة
اما ندى مَآعِرَفتّ ماتعمل مسكينة اول مرة ترى فرح هكا ...كانت ديما هادية وعاقلة واش هو هالشي ليـّۓ خلاها تنهار للدرجة هاذي
دخلت اسما تجري وجبدت م̷ـــِْن ساكودوها ابرة وغرزتها ديراكت في فرح وشدتها م̷ـــِْن ايديها
اسما: فرح شوف فيا ..قتلك شوف فيا كل شي راح يكون مليح هيا عيش اختي اعملي شهيق زفير هيا
ركزت فرح عينيها مع اسما بحال تقولها محتاجتك عملت كيما قالتلها وشوية حست روحها بدات تثقال كان مفعول الابرة بدا حتى ترخفت طول في حضن اسما
ندى تبكي: ياخي هيا لباس
اسما: اي متخافش توا تولي بخير
ندى:موالفة تصرالها
اسما: مرات كي تحس بضغط عليها وبما انها ماتحكي لحد وترد لقلبها هاذي النتيجة وتوا عاونني نطلعوها الفوق ترتاح
تعاونو عليها ندى واسما طلعوها للفرش وعدلوها ...اسما قعدت بجنبها تمسحلها علـّۓ  شعرها وندى واقفة فوق راسها
اسما: وقتاه جات
ندى: منعرف اما الصباح لقيناها قدامنا وتوا كي رجعت م̷ـــِْن الفاك لقيت نزار خارج ومعصب عرفتها هوني
اسما: اووف ياربي ماراحش ترتاح هالطفلة طول حياتها ...باهي انا لآزٍمٍ نمشي عِنـ.̷̷̸̷̐ـديّ  خدمة وانتي رد بالك عليها يعيشك
ندى: بلا ماتوصيني
خرجت اسما وندى قعدت بجنبها تتأمل فيها وجهها كل جروح م̷ـــِْن اثار يديها وشفافها منفوخين ومجروحين

✴✴✴✴