<អុីបូ..បងសង្ហារណាស់ មានដឹងទេ? អូនស្រឡាញ់បងណាស់ សូមកុំធ្វើឱ្យអូនឈឺចាប់ពេកអីបានទេ? អូននឹងព្យាយាមធ្វើជាប្រពន្ធល្អឱ្យបងបេីកចិត្តទទួលយកអូនឱ្យបាន...សឺត > រាងតូចស្វាងងងុយហេីយក៏សម្លឹងមេីលទៅមុខរបស់អ្នកជាស្វាមី ពោលឡេីងដោយសម្លេងខ្សាវៗ ព្រោះមានអារម្មណ៍ថាភ្នែកគេចាប់ផ្តើមក្រហមដក់ដោយទឹកភ្នែកទៀតហើយ តែមិនភ្លេចប្រលែងស្នាមថេីបនៅលេីថ្ពាល់របស់រាងក្រាស់មួយខ្សឺត ព្រោះគិតថាគេមិនទាន់ក្រោកបែបនេះអាចលួចថេីបបាន ចំណែកឯអ្នកដែលត្រូវគេថេីបនោះបានឮពាក្យសម្ដីគ្រប់ម៉ាត់របស់រាងតូច តែគេនៅតែសម្ងំធ្វេីពុធជាគេងដដែល
<អួយ! ! ~~> បន្ទាប់ពីនិយាយរួចមួយសន្ទុះចាន់ក៏សម្រេចចិត្តថាក្រោកឡើង ដើម្បីរៀបចំអាហារពេលព្រឹកឱ្យរាងក្រាស់តែគេត្រូវស្រែកបន្ដិចដោយសារទទួលភាពឈឺចាប់នៅបរិវេណភាពទន់ជ្រាយរបស់ខ្លួន ព្រោះវានៅឈឺនៅឡើយ គ្រាន់តែកម្រេីកបន្តិចឈឺសឹងតែយំទៅហេីយ មកពីរាងក្រាស់លេងធ្ងន់ដៃខ្លាំងពេកកាលពីយប់មិញ ចាន់សម្ងំបន្តិចទៀតទេីបសម្រេចចិត្តលេីកដៃរាងក្រាស់ ថ្នមៗចេញពីការឱបគេរួចរំកិលចុះតិចៗ ទោះជាឈឺយ៉ាងក៏ត្រូវតែក្រោកដែរ
ដោយឮសម្លេងទ្វារបិទរបស់បន្ទប់ហើយ ទេីបរាងក្រាស់បេីកភ្នែកឡើង ក្នុងចិត្តគេហាក់រង្គោះរង្គើបន្តិចដែរ ពេលដឹងឮពីភាពឈឺចាប់របស់ចាន់ តែគេក៏ព្យាយាមទាញស្មារតីមកវិញ មុននឹងក្រោកឡើងដេីរទៅបន្ទប់ទឹកបាត់
ទាយមេីលថាពីរនាក់នេះម្នាក់ណាជាអ្នកឈ្នះ ម្នាក់ព្យាយាមធ្វើដេីម្បីយកឈ្នះចិត្តរបស់ស្វាមី
ម្នាក់ទៀត ព្យាយាមធ្វើចិត្តរឹងមាំចំពោះភរិយា?
២០នាទី ក្រោយមក
រាងក្រាស់ចេញពីបន្ទាប់ទឹកហេីយក៏ឃើញថាមានខោអាវធ្វេីការមួយឈុតដែលបានដាក់នៅលេីពូក ហាក់ដូចមានអ្នកជ្រើសរើសឱ្យនាយអញ្ចឹង ហើយក៏គ្មានអ្នកណាក្រៅពីប្រពន្ធរបស់គេនេះឯង រាងក្រាស់ចំណាយពេលមិនយូរប៉ុន្មានស្លៀកពាក់សម្លៀកបំពាក់ដែលចាន់រៀបចំឱ្យនោះ គេពូកែរេីសឈុតគ្រាន់បេីមេីលទៅសាកសមនឹងរាងសង្ហានេះខ្លាំងមែនទែន
