ព្រឹកថ្ងៃថ្មី ក៏ចូលមកដល់🌤🌈
ថ្ងៃនេះរាងតូចក្រោកឡើងទាំងមិនសូវស្រួលក្នុងខ្លួន មានអារម្មណ៍ថាអស់កម្លាំង ឈឺក្បាលវិលមុខយ៉ាងចម្លែក ទាំងដែលយប់មិញគេមិនបានធ្វើរឿងនោះជាមួយអុីបូផង
<មេចមិនរៀបចំខ្លួន ? ឯងមិនទៅធ្វើការទេហេស ? > រាងក្រាស់សួរឡើងពេលដែលមកដល់តុអាហារព្រោះជាធម្មតាគេរៀបចំ ខ្លួនរួចរាល់ហើយ
<អូនមិនសូវស្រួលក្នុងខ្លួនទេអូនចង់សម្រាកបន្តិចណា ថ្ងៃចាំអូនទៅ > គ្រាន់តែឮថាចាន់ មិនស្រួលខ្លួន រាងក្រាស់ក៏ប្រេីទឹកមុខដោយក្ដីបារម្ភសម្លឹងទៅកាន់រាងតូច
<ឯងកេីតអី? > សំនួររបស់អុីបូធ្វេីឱ្យរាងតូចបេះដូងរីកមាឌភ្លាម នេះប្ដីរបស់គេកំពុងបារម្ភពីគេមែនទេ? អួយរំភើប...! ! !
<អូន ឈឺក្បាល និងវិលមុខតិចតួចនោះទេអរគុណដែលបារម្ភពីអូន>
<អ្នកណាថាយេីងបារម្ភ យេីងគ្រាន់តែខ្លាចឯងស្លាប់ទៅគ្មានអ្នកណាបម្រើយេីង >រាងក្រាស់ដេីរហួសអង្គុយចុះញ៊ាំអាហារពេលព្រឹករបស់ខ្លួនធ្វេីមិនដឹង ដែលធ្វើឲ្យរាងតូចអស់សំណើចនឹងគ្រឺតខ្នាញ់ជាមួយកាយវិការរបស់គេយ៉ាងខ្លាំង
បន្ទាប់ពីស្រស់ស្រូបអាហារពេលព្រឹករួចហេីយអុីបូក៏ទៅធ្វេីការបាត់ ដោយមិនភ្លេចផ្តាំចាន់ថាមិនបាច់ទៅធ្វើការទេថ្ងៃនេះ
ពេលខ្លះប្រុសម្នាក់នេះឃោរឃៅ និងត្រជាក់ខ្លាំងណាស់ តែពេលខ្លះក៏យល់ថាគេកក់ក្តៅខ្លាំងណាស់ដែរគ្រាន់តែគេមិនបង្ហាញឲ្យឃើញត្រង់ៗប៉ុណ្ណោះ
Skip
<ហ្ហឺម.....> សំឡេងក្រហឹមចេញពីបំពងកបានបន្លឺឡើងនៅលេីពូកទន់ៗរបស់រាងសង្ហារម្ចាស់បន្ទប់ មិនយូរប៉ុន្មានត្របកភ្នែកក្រាស់បានបេីកឡើងដើម្បីទទួលយកថ្ងៃថ្មី ឃើញថាពេលនេះម៉ោង១០ព្រឹកហេីយ បន្ទាប់មកគេក៏ក្រោកទៅផ្អែកខ្លួននឹងក្បាលគ្រែយកដៃឈ្លីក្បាលដែលកំពុងតែឈឺចង់ផ្ទុះទៅហេីយ មុននឹងសម្លឹងមើលជុំវិញបន្ទប់ឃើញថាជាបន្ទប់របស់ខ្លួន ជុំវិញទទេរស្អាត រាងក្រាស់ចាប់ផ្ដើមរកនឹកហេតុការណ៍កាលពីយប់មិញ តេីខ្លួនគេមកវិញដោយរបៀបណា? បេីនាយចាំមិនខុសទេបន្ទាប់ពីឈប់និយាយទូរសព្ទជាមួយចាន់ហេីយ គេរៀបនឹងចេញទៅផឹកស្រានៅក្នុងក្លិប ហេីយពេលនោះក៏ចៃដន្យជួបនិងលីនអុី ត្រូវហេីយ! លីនអុីកំដរគេផឹកស្រា ហេីយតមកទៀតមានអ្វីកេីតឡើងខ្លះទៅ នាយចាំមិនបានឡើយ តែក៏មិនពិបាកទាយដែរ ព្រោះគ្មាននរណាជូននាយមកវិញ ក្រៅពីរាងស្ដេីងនេះឯង
