علي: ظليت كاعد يم ابوية والولد بالمضيف مليت وجعت رحت اتغديت ودخلت لغرفتي انجطلت على جرباية اجتي بالي كمرة همم اخخ منج نمت اشوية وكعدت طلعت وياة جماعتي وهم دخلت من بيتهم صرت كل يوم اروح لبستان بس جان يجي حيدر بس مجانت تجي هي ابد مرة اسبوع واني نفس الروتين كل مرة اروح وادعي ربي الكاهة اشوفهة جنة كاعدين اني والولد دنتغدة كملت غدة الحمدلله دايمة
اياد: علي انتظرني بغرفتي رايدك بموضوع
علي: باوعت على ساعة مضل وكت لازم اسبح وابدل واروح لبستان اشوفهة
اياد هسة عندي شغل بليل نحجي
اياد: لاا مو بليل هسة كتلك انتظرني بغرفتي واني جاي وراك
علي: اوووف
حاضر حنتظرك
هففف رحت لغرفة اياد اروح واجي بس اريدة يجي اتأخر حيل. باوعت على ساعة طلعت من غرفتة رحت لغرفتي سبحت وبدلت وطلعت من الباب الثاني حتى ميشوفني اخذت سيارتي ورحت لبستانهم اول مدخلت شفتهة هي واختهة ظليت صافن معقولة اجتي هي شافتني رسن ختلت ظليت اراقبهة من بعيد حفظت شكلهة حفظ اريد اختهة تروح بس لازكة بيهة ظلن يسولفن بس مسمعت بشنو ديحجن لان بعيد عليهن اشوية وهي كامت تمشي بتجاهي. فرحت لان شفتهة اجتي بتجاهي بس بعدين غيرت طريقهة وراحت لشجرة التوت ظليت صافن عليهة اشوية واجتي يم شجرة البرتقال لي هية قريبة علية راحت تكطع برتقال ظليت صافن عليهة شفتهة دتروح رسن رحت عليعة اندارت علية انصدمت محجت شي دتروح لزمتهة من ايدهة ههه عود خزرتني دتخوفني
واخير اجتي صارلي اسبوع انتظرج
كمرة: 🤨🤨 كتللك عوفني
علي: سحبتهة علية. واذا معفتج شسوين
كمرة: والله اصيح والم عليك العالم واكللهم تعالوو شوفو ابن الشيخ المحترم شيسوي وياة بنات الناس
علي: لزمتهة بقوة اكثر وحجيت بعصبيةة
ممسوي شي غلط اعتقد واذا فتحتي حلكج هسة وصيحتيي انتيي لي راح تأكليهة اكدر بكلمة وحدة من يمي اخليج تخجليين ترفعين راسج بين الناس
كمرة: 😡😡 😡 لتنسى انتة وينن اذا حصيح هسة وحتنجمع الناس مراح يكولون ابن الشيخ شنو جابة لهل بستان وبهل وقتت
علي: هه سهلة اكللهم هي كلتلي تعال ساعدني واني اجيت اساعدهة بس هية لزمت ايدي وشمرت نفسهة علية واكيد يحلوة حيصدكون بية ومراح يصدكون بيج
كمرة: وكع البرتقال والتوت دفعتة دنهزم درجع لزمني
علي: وين
كمرة: عووفني
علي: لتخافين اني مراح اسوي كل لي كلتة هسة بس انتي خليج حبابة
كمرة: رجعت دفعتة شووف اذا فكرت تلزم ايدي بعد والله العظيم مشوف خير
علي: تهددين عود رجعت لزمتهة قوية
كمرة: 🤨🤨🤨
علي: هههه متخوفيني بنضراتج هاي يحلووة
كمرة: باوعت بعيونة مدري شجاني رسن نزلت عيني عوفني اختي دتنتظريني
علي: اعوفج بس بشرط
كمرة: عوفنييي
علي: اي اي اعوفج بس بليل تخليني اشوفج
كمرة: مستتتحييل تحلم
علي: عفت ايدهة وخرت عنهة
اي براحتج بس اذا مجيتي اليوم وشفتج باجر حجي من الصبح واكول لاخوج انو اني واختك نحب بعض وكل يوم نلتقي بالبستان
كمرة: اول معافني ابتعد عني دروح ظل يحجي انصدمت شكد حقيير ونذل اذكرت كلام حيدر الي
اشوف اذا اكدر
عفتة ورحت لنور
نور: ولج هاي كلة دتجيبين برتقالة وتوتاية
كمرة: ها
نور: ولجج وين جنتي صارلج ساعة
كمرة: اجيب برتقال
نور: وين البرتقال اشو ايدج فارغة
كمرة: ها اي موشفت حية خفت ورجعت
نور: حيةةة
كمرة: اي حية
نور: عزا هسة تموت الحلال امشي نرجع وبس يجي حيدر نكلة
كمرة : اي اي خلي نرجع
رجعنة اني ونور والطريق كلة افكر بية اووف لو كاعدة بالبيت ولاهل مصيبة شجاني وطلعت .....
علي: يتببببببببببببببع
التصوويت لتنسووو 🌺
بقلم ✍️
الكاتبة
اية عبدالرحمن 🌺
أنت تقرأ
خناجر الماضي
Randomالقصة من الواقع ٪٪ مراح احجي شي واحرك احداث الرواية ادخلو وشوفو بنفسكم واوعدكم مراح تتندمون الرواية تختلف عن كل الروايات ومراح تنتهي مثل اي قصة حب تنتهي بالعشق خلي نشوف بشنو حتنتهي تااابعو الرواية بقلم ✍️ الكاتبة آية عبدالرحمن.
