كمرة: كعدت لكيت نور دتبدل لجهالة وعصبية
نور
نور: شكو انتي الثانية
كمرة: خما كلتلي لماما
نور: لا مكتلهة بس بعد طلعة ماكو وهسة رجعي انطمري
كمرة: درجع انام باوعت الساعة 6 عزا كمت رسن
نور: شكو
كمرة: تكليلي نامي ولج الساعة 6 يلة اروح اسوي العشة
نور: سويت اني بس احمي
كمرة: شجعجب
نور: 😒😒😒 حرام اسوي اكل بيت اهلي فوك ماساعدتج
كمرة: لاكلبي ابد موحرام يلة لعد اني خلي اكعد يمج
نور: دكومي كومي غسلي الملابس غسل زين وشريهن
كمرة: عوفيهن الصبح
نور: لاهسةة
كمرة: هففف كمت غسلتهن وشريتهن رجعت كعدت اذن كمت صليت خلصت صلاة حميت الاكل اتعشينة كملنة رجعت غسلت مواعين العشة ظلينة اني ونور دك سوالف لصبح نمت اني وهي مثل كل مرة اظل كاعدة تحجي وياة زوجهة ....
مرة اسبوع واني نفس الروتين شغل اكل نوم جنت استوني كاعدة الصبح سويت ريوك لنور ولي ولحيدر ولامي
ام كمرة: لاتحسبين حساب اخوج. بلا ريوك
كمرة: ليش يمة كملت بعد حسبت حسابة
نور: ليش حيدر. وين يمة
ام كمرة: راح بشغلة. مدري وين هسة يجي
كمرة: كعدنة اتريكنة خلصنة كمت نظفت خطية نور كامت تساعدني بشغل البيت كملنة طبخ وتنظيف
يمة حيدر اتأخر اصب الغدة لا
ام كمرة: لا يمة هستوة خابرني كال اجيت وصلت هسة هو على جية. حضري حتى بس يجي نصب خطية اكيد ميت من الجوع بلاريوك سودة علية
نور: يمة جهالي ماتو من الجوع
ام كمرة: اي صبيلهم وكليهم كمرة روحي صبي اكل لجهال اختج
كمرة: حاضر يمة ادللي
رحت صبيت اكل لجهال نور وكعدت اوكل بيهة وياة نور اوكلهم واسولف وياة نور
اكلج نور والله ضايجة طكت روحي امج لاسوك لا شي حابستني حبس
نور: احسن
كمرة: نور شنو احسن حيدر ميقبل اكمل دراسة وامي واكفة وياة دقنعيهم فدوة
نور: لاعيني لا هاي الظلت تكملين دراسة شوفي انتي شناقصج هسة اشو شنو دتحتاجين حيدر دينطي فلوس لامي وتجيبلج
كمرة: هو صح مناقصني شي بس اني اريد ادرس حالي حال البنات هاي مو بالمدينة يدرسن
نور: المدرسة بعيدة عنكم حيييل يعني بالساعتين الطريق وتعب حيل دعوفيهة عوفي فكرة الدراسة ترة خليهة بالج اذا امج قبلت حيدر ميقبل لو تركعين راسج بالحايط
أنت تقرأ
خناجر الماضي
Randomالقصة من الواقع ٪٪ مراح احجي شي واحرك احداث الرواية ادخلو وشوفو بنفسكم واوعدكم مراح تتندمون الرواية تختلف عن كل الروايات ومراح تنتهي مثل اي قصة حب تنتهي بالعشق خلي نشوف بشنو حتنتهي تااابعو الرواية بقلم ✍️ الكاتبة آية عبدالرحمن.
