خناجر الماضي

البارت السادس والاخمسين

اياد:    مدري شصارلي كوولش انقهرت واحترك كلبي اريد ابجي  بس مااكدر  ....... دخلت علية  جسمة مثل بياض الثلج  شلتة بيدي  حضنتة وظليت  ابجي   اول طفل يصير عزيز   بلغت الشرطة   اجوي الشرطة وحقق وياة الكل   المهم........  سئلتي علي كتلة منو بقة يم كمرة كال بقة ابراهيم. خابرت على ابراهيم كتلة لتجيبهة ابد  سديتة منة والتهيت وياة الشرطة  اشو ورة ساعة سمعت صوت كمرة انداريت لكيت ابراهيم وكمرة خزرت براهيم. رحت عليهة  حالهة حال الضيم  جريتهة من ايدهة  على صفحة  ظليت اهدي بيهة    بعد ام وكلبهة محترك    متحملت اشوفهة هيج واخاف عليهة وعلى بطنهة
    وصلتهة لسيارة وكتلة لابراهيم  يرجعهة لببيت  وميجيبهة بعد....................................
المهم اختصر...    مر شهرين  واني وكمرة حالتنة   النفسية  اشوية بدت تتحسن دنرجع مثل قبل بس اول شهر حيل تبهذلنة  وتعبنة حيل    سديت القضية لان ملكيت  لي سمم ابني    مدنكدر ننسى غيث  والله صعبة   رجعت لشغلي لدوام.   نقلوني    بشغل   لمحافظة  البصرة  يومين.اقل شي  وارجع      كلت لكمرة  وهي مقبلت وعارضة بس اني   قنعتهة  واقتنعت

كمرة:   مر شهرين   والحمدللة على كولشي  الله لي يعوض. جان عندي موعد وياة الدكتورة جنت انتظر  يجي اياد يوديني لدكتورة. حتى اعرف جنس الطفل   لان لحد هسة ممبين   اول مجئة اياد من الدوام  كتلة   وكال مااكدر اوديج.  خلي امي توديج  كتلة ليش  مو انتة كال عندي شغل بالبصرة يومين وارجع   اني خفت علية كتلة ماكو متروح  كمت ابجي واصيح  متروح  بس هو قنعي وعدني يومين بس  اني وافقت لان اياد  ابد ميخلف بوعدة  اني جهزت نفسي ورحت وياة عمتي  لدكتورة  سويت سونار وطلع بية بنوتة  اني فرحت والله  ورجعت لبيت فرحانة وكلت للكل  انو اني بية بنية خابرت على نور وامي وكلتلهن  بية بنية اياد  هم فرح وحسيت رجعت الفرحة لبيت اما علي  نظرات تجاهي  مقرفة كولش وشكلة صاير يخوف  صار يشرب  وحتى يسهر برة وياة بنات  وعمي اكثر من مرة مدايدة علية ضربة  وطردة من البيت بس عمتي اتظل تبجي علية ويرجعة عمي    بس هل فترة. صاير والله  كولش يخوف وبالاخص نضراتة تجاهي خفت اشلون حيروح اياد واظل  اني   لاشنو اظل وحدي قابل اكيد عمتي وعمي والكل موجود  جانت اخر ليلة بينة اني واياد  لان كال  الفجر اطلع  وفعلا كعدت الفجر سويتلة ريوك ودعتة وراح    رجعت صعدت لغرفتي وقفلت الباب علية  نمت وكعدت الصبح متأخرة كعدت لكيتهم متريكين وجيهان مسوية الغدة  اتغديت وياهم وكملت شغلي وعادي مر اليوم على خير الحمدلله    صعدت   لغرفتي وهم قفلت الباب وخابرت اياد وحجيت وياة   مكالمة فديو  سديتة من اياد لفيت راسي ونمت وكعدت من وكت نظفت البيت كلة ونظفت غرفتي لان باجر يجي اياد  حضرتلة ملابسة    جنت  واكفة بالمطبخ اجة علي اني خفت منة  كلي.......

علي: يتببببببببببببببع

التصويت ⭐

بقلم الكاتبه اية عبد الرحمن.