علي: طلعت من السوك اخذت السيارة ورحت لبستان مالتهم مجان اكو احد دخلت لبستان رحت كعدت ورة الشجرة طلعت تليفوني وظليت العب بي انتظرت نص ساعة وماكو ومهند حرك التليفون علية قفلت الجهاز وظليت صافن على بستانهم انتظرت مجتي دطلع شفتهة جاية وياهة بنية مبينة اكبر منهة طلعت بالختلة ( بدون مينتبهون) طلعت برة بستانهم عدلت ملابس ورجعت دخلت منتبهت هم طلعت جهازي وسويت روحي اخابر بصوت عالي
اي اي ابو امجد كمل كمل دسمعك انشاء آلَلَهّ انشاء آلَلَهّ اخذ راحتك ياطيب ربي يحفظك
ههههه (امثل زين)
احجي واباوع عليهن. البنية الجبيرة اندارت علية شافتني رسن جريتهة وراحت تركض بس لي مدري شسمهة كمرة مدري نور ظلت تندار وتباوع بالكاع اتريد ترجع بس هذيج متخليهة جرتهة طلعن من البستان اجيت ادور ليش جانت تباوع هنا ادور بين الزرع ماكو شفت اسوار حلو وبسيط بس مبين قديم شلتة كلت معقولة هي جانت تندار علمود هل اسوار لو على غير شي ظليت ادور ملكيت شي كعدت على صخرة صافن وافكر بيهة اذكر كل تصرفاتهة اوف ليش هل بنية مدتروح من بالي فتح جهازي لكيت مهند حارك الجهاز واياد داك هم خابرت على مهند
الو ها مهند
مهند: ولك ويننن صرت جبت الغراض واكلت ودفعت الحسااب اني ورجعت هسة اتريدني اظل بالسوك بهل حر
علي: لاياللة
وين رجعت وليييش مو كتلك لترجع
مهند: رجعت لبيتنة ولك والله تعبت اتكسرت لو مافاطمة والله ولااروح واوصل الباب كتلي نص ساعة صارلك فوك الساعتين
علي: اي خليك بيتكم هسة مسافة طريق واجي اخذك
مهند: واعلمك فلوس الحساب مال مطعم كتلي اني ادفع ولاشفتك ولاشفت فلوسك
علي: عمي اشكد دفعت لمطعم اجي انطيك ياهن وهسة باي
سديتة رحت دطلع ظليت امشي حسيت احد وراية مو وراية حيل بعيد عني انداريت لكيتهة كاعدة ادور بالزرع هية وجانت تبجي طلعت الاسوار من جيبي وباوعت علية وعليهة معقولة ددور على هاذا رحت امشي بهدوء كولش بأتجاهة
انتي ددورين هاذا واشرتهلة على ايدي.....
كمرة: خلصت شغل وتغدينة وبدلت انتظرت نور تنوم جهالهة وتجي
نور: ها ولج
كمرة: ها شكو حجيتي وياة ماما
نور: اي بس بالكوة قبلت كالت لتتأخرن
كمرة: يلة لعد هاج بدلي بساع حتى نطلع
نور: اي عفية بدلت يلة امشي نروح نفتر
كمرة: ولج انتظري خلي اجيب ماعون انحط بي توت
نور: بعدهة شجرة التوت عدكم
كمرة: اي بعدهة
نور: اي اي لعد جيبيلي ماعون وياج همزين كتيلي حسوني يحب التوت هسة اخذلة من اروح
أنت تقرأ
خناجر الماضي
Casualeالقصة من الواقع ٪٪ مراح احجي شي واحرك احداث الرواية ادخلو وشوفو بنفسكم واوعدكم مراح تتندمون الرواية تختلف عن كل الروايات ومراح تنتهي مثل اي قصة حب تنتهي بالعشق خلي نشوف بشنو حتنتهي تااابعو الرواية بقلم ✍️ الكاتبة آية عبدالرحمن.
