ام اياد: اشبيك يمة على كيفك رحنالهم واشلون ناس فد خوش ناس اشلون احترام وتقدير طااارو بينة طير
علي: اي يمة اعرف بس كليلي شفتيهة لكمرة اشكلولج
ام اياد: امهة موافقة كالت بس يجي اخوهة و هم نكلة ونردلكم خبر بس سبحاان اللة شهل ملاااك ولك وين لكيتهة شايلة الصينة وتمشي هيج
علي: ههه امي كعدت تمثل كمرة اشلون تمشي
ههه هيج تمشي
ام اياد: اي والله شايلة الصينية وتمشي تخببل. اول مدخلت ظليت صافنة عليهة جنهة كمر
علي: اخخ ولج يروحي فعلا جنج كمر
اي وبعد....
جيهان: دقيقه هو شنو اي وبعد ترة جذب تلعب النفس جنة عامود شضعفهة وتمشي بمياعة امك ترة تبالغ سوتهة تفاحة وكمر معليك بيهة. محلوة خوية عوفهة
ام اياد: دنجبي اسكتي جذابة تغاار منهة لاواللة وليدي معليك بهل خبلة تخبل والله وردة مال اللة سئلتهة شسمج ردت بصوت ناصي كالت اسمي كمرة كتلهة كمرة تعرفين تشتغلين تطبخين تنظفين
هزت براسهة بمعنى اي بس اختهة الجبيرة كالت كولشي تعرف تنظف تطبخ تخبز كولشي
ولك يمة وين تلكة وحدة نفس كمرة هم جمال واخلاق وشطارة اني حبيتهة والله
جيهان: اي اي بس تتنعوص تحجي بعيارة وخوب اختهة واكفة فوك راسهة هي تجاوب بدالهة
ام اياد: ولج انتي شعرفج متنطوني الماسحة حتى اكسرهة عليهة
علي: اخخخ يايمة اني هم حابهة وعاشقهة من زماان بكلبي حجيت
اي هسة شنو ترة مفتهمت موافقين لا
ام اياد: امهة موافقة والبنية هم بس يجي اخوهة وهم يكلولة ويردونة خبر بس اكيد حيوافقون. وين يلكون منة
جيهان: ماااعوزهم ميوافقون
علي: جيهان ترةةةة هواي حجيتي حجي اكبر منج عبالج ساكتلج يعني تاخذين راحتج بالكلام سدييي لحلكج ولي من خلقتي
جيهان: شوفي يمة بعينج بعدة ممزوجهة ويوكف وياهة تقبلين يعيط علية من وراهة
ام اياد: والله يعيط عليج ويكسر راسج اخووج الجبير وبعدين محد كلج تطولين لسانج اشلون تحجين على مرتة المستقبلية
جيهان: توكفين وياة هيج صارت
عفتهم ورحت لغرفتي ابجي اشكد ضجت وانقهرت اصلا عيع محلوة. والله لسمم عيشتهة دخلي تجي لهل بيت واعلمهة منوو جيهان
علي: رحت بست امي من راسهة وايدهة وحضنتهة ظليت كاعد يمهم وهي تسولفلي على كمرة واشلون شافتهة. يعني امي عجبتهة كمرة وحبتهة وتريد من باجر تروح تخطبلياهة
اااخ ياكمرة شسويتة بية والله كل يوم احبهة واعشقهة اكثر ...
استأذنت من امي وصعدت اخذت التليفون دراسلهة لكيتهة مراسلتني البارحة وحاركة التليفون علية رديت عليهة دكيت مرتين مشالتة المرة ثالثة فتحت خط بس رسن سدتة ظل بالي يمهة خفت لاصار شي وياهة خفت لااهلهة درو بالتليفون انوب اخاف ادك عليهة بعد وظليت متردد اروح لبيتهم هووف لالا اكيد.............
كمرة: بعد مارجعت لبيت لكيت حيدر جاي سلمت علية و رسن حميتلة الاكل وصبيتلة هو ظل يتغدة واني رحت سبحت وبدلت ظليت على بلازمة اباوع مسلسلات ظليت الظهرية كلة اشوف مسلسلات. لحد ماصار العصر كمت حضرت العشة ورتب البيت صار الاذان صليت وكملت صبيت العشة اتعشينة وكل واحد راح لغرفتة اني رتبت المطبخ. على حسب الوصول ورحت طلعت التليفون. ورحت بالحديقة راسلت علي ميرد اتفأجئة هو بس ادز رسن يشيلة. دكيت علية هواي وهم نفس الشي. والله العظيم ظليت ل2 ونص اني بالحديقة. اخابر علية ميشيلة ادزلة رسايل ميشوفهن هففف معقولة صاير وياة شي ظليت افكر دخلت لبيت بلكوة خفت اطلع صوت رحت لغرفتي لكيت نور نايمة مقفلت التليفون ولا كتم الصوت نسيت. رسن من الخوف ضميتة ونمت كعدتني نور الصبح.....
نور: ولللج كومي اكعدي كمرة
كمرة: رسن كمزت من صوتهة عبالي صاير شي
ها شكو
نور: مرت الشييخ ام اياد جااية تطلب ايدج كوومي ولج غسلي وجهج ولبسي هل ملابس طلعتلج ياهن اني . كومي على سريع
كمرة: من كلتلي هيج رسن فزيت ركضت على حمام علسريع اغسل رجعت اركض بدلت مثل المخبلة اجتي نور
ولج حلوة طالع
نور: تخبلين بس تعاي خلي اسويلج شعرج وحطلج مكياج خفيف
كمرة: سوتلي شعري نور وحطتلي مكياج خفيف وانطتني الصينية مال العصير اني قدمتهة فدوة امة اشكد مبينة حبابة بس اكو وحدة يمهة ههه والله العظيم تخوف تباوعلي بحقد وميعجبهة من احجي تعوج بحلكهة 😂 مهتميت الهة ظليت اشوية كاعدة وكمت رجعت لغرفتي ظليت افتر شكالت هسة علية. حلوة لو لا اباوع على نفسي بالمراية واحجي
بس ترة اني حلوة طالعة هووف اخاف معجبتهة اجتي نور تركض
نور: ولج كمرة حبتج والله مبينة من كلامهة بس هاي جيهان عووع ولاحبيتهة.
كمرة: هممم واشلون عرفتي اسمهة جيهان
نور: غير امهة كالت بعدهة ممزوجة العانس ظالة يم امهة
كمرة: هممم ولج ميصير هيج تحجين
نور: عاابت
كمرة: ولج دروحي يمهم عيب شكو جاية يمي
نور: راحو ولج
كمرة: يلة روحي كدامي كملي شغل واني ابدل واجيج
نور: تمام مو تتأخرين
كمرة: بدلت ورحت اكمل شغل البيت اجتي امي كالت
ام كمرة: يتببببببببببببببع
التصويت لتنسوووو🤦🏻♀️😢
شرايكم بالبارت اليوم 🌚
بقلم ✍️
الكاتبة
اية عبدالرحمن 🌺
أنت تقرأ
خناجر الماضي
Randomالقصة من الواقع ٪٪ مراح احجي شي واحرك احداث الرواية ادخلو وشوفو بنفسكم واوعدكم مراح تتندمون الرواية تختلف عن كل الروايات ومراح تنتهي مثل اي قصة حب تنتهي بالعشق خلي نشوف بشنو حتنتهي تااابعو الرواية بقلم ✍️ الكاتبة آية عبدالرحمن.
