خناجر الماضي

البارت الثالث عشر

نور: تباوع صفح الحولة

كمرة: هاي العيون الحلوة ليش ليش تكولين عليهة حولة ماعندج ذوق

نور: خليت الذوق الج اكلج اني حروح هسة اني وحيدر

كمرة: خير وين

نور: اروح لصيدلية منتأخر سوي العشة وديربالج على ماما لتعوفيهة وحدهة

كمرة: هممم خوش فرصة
ليش شسوي اتروحين لصيدلية

نور: اجيب تحليل حمل لان مااصبر بعد هواي يلة يجي حسين

كمرة: ليش مو على اساس هل سبوع يجي

نور: لا وين ميجي كال اتأخر بعد اسبوعين

كمرة: اشكك مزوج عليج خية

نور: اي عادي مرجعة الي اني اظل الاصلية والباقيات كلهن تقليد بس لتخافين وريحي كلبج حسين ميخوني وهو ماعندة هيج سوالف

كمرة: هه دوختيني ابتليت حجيت روحي بدلي حيجي حيدر يل اصلية

نور: ههه اي رايحة رايحة

كمرة: راحت نور واني ظليت احر بالعشة كملت العشة ورحت يم امي لكيتهة نايمة طلعت تليفونهة ولعبة لعبة الدودة مليت منهة وين اروح وين فكرت اروح اشوفة بس كلت لالا مستحيل اروح وهو شيسوي خلي يسوي لان اذا اجة لحيدر ويكلة عندي علاقة وياة اختك ونلتقي بالبستان حيدر حيعرفة. انو هو ديكذب لان اني بس اليوم طلعت دخلي يجي ويفشل رووحة رحت لغرفتي طلعت مكياج نور وكعدت احط مكياج وامسحة.....

اياد: اباوع على علي. بس يصفن مدري اشبي هل يومين
علي... عللييي.... مودحجييي

علي: ها ها

اياد: وين صافننن

علي: اكلك اني خابروني حروح

اياد: اشلون خابروك بالهواء اشو صارلك ساعة كبالي مشفت احد خابرك

علي: خابروني قبل مااطلع

اياد: ومنو لي خابرك هاا

علي: واحد صديقي رادني بشغلة

اياد: اجوي زلم كمت سلمت عليهم راحو رجعت كعدت
اي علي اتعشة وؤوح

علي: اياد شتعشة تعرفني ماحب اكل العزايم

اياد: واني هم ماحبة بس اكل اشوية عيب منهم

علي: اياااد

اياد: عليي صير حالك حال اخوانك

علي: 😕😕😕😕

اياد: ظلينة سوالف وياة الزلم لحد ماصبو عشة اباوع على علي بس شرب مي ورجع كعد اني هم شربت مي ورحت يمة
ليش مكلت

علي: معجبني الاكل

اياد: اهااا معجبك اوصيلك يسون غير شي اذا تحبب

علي: لاشكرا

اياد: مصدكتتت ترة انتة مو بمطعم

علي: اياد اني استأذن منك حروح وخلي ابراهيم يرجع وياك باي

اياد: علللي... عافني وراح
مااشي يا علي يجي يوم وتحجيلي كولشي

علي: رحت رسن لبستان البستان ماحجيلكم علية جان كولش يخوف. اظللم فتحت ضوة التليفون دخلت لبستان وظليت انتظرهة ساعتين ضببط اني انتظر وهي مجتي بسييطة نتواجه يكمرة طلعت من البستان ورجعت لبيت لكيت اخواني اياد وبارق وابراهيم بعدهم مجاين والله بعد احسن صعدت لغرفتي دخلت سبحت وطلعت نزلت جوة جبت حبشكولات وعصير من المطبخ ورجعت صعدت لغرفتي اتصفحت بالنت كلة مللل طفيتة وظليت صافن افكر بيهة اخخخ اشلون مجتي اشلونن طبعا متجي اشلون تطلع بليل وحدهة باجر لازم تجي لازم هوووف كمت فرشت سنوني واتوضيت اني متعود قبل ماانام اتوضة ورجعت لفيت راسي ونمت....

اياد: راح علي احنة ظلينة سوالف انتبهت لوقت استأذنة وطلعنة رجعنة شفت سيارة علي برة. همم جاي قبلنة كل واحد راح لغرفتة يسبح ويرتاح اني صعدت على علي دكيت الباب مجاوب فتحتة لكيتة نايم مكعدت رجعت لغرفتي رحت سبحت وظليت اشوية على تلفزون على اخبار بعدين طفيت التلفزون ونمت...

كمرة: ظليت احط بالمكياج وامسح سمعت صوت حيدر ونور رسن ركض لحمام غسلت لان حيدر يذبحني اذا يشوفني حاطة مكياج غسلت وطلعت ملكيت نور بس حيدر جان ديلعب بتليفونة

حيدر: جنت دلعب بتليفوني رفعت راسي شفت كمرة واكفة كبالي
هايكمر شتريدين

كمرة: سلامتك
اجيت اكلك اصب العشة

حيدر: اي فدوة لطولج صبي العشة بين مصبي اروح اغسل واجي

كمرة: دقيقة حيدر

حيدر: ها عيون حيدر

كمرة: نور وين

حيدر: بغرفتج غير ماعرف بعد

كمرة: تمام حروحلهة
رحت لغرفتي ملكيتهة لغرفتة امي هم ملكيتهة كعدت امي ورحت حميت العشة وصبيتة اجتمعو امي وحيدر وجهال نور بس نور ماكو

ام كمرة: يتببببببببببببببع

التصويت لتنسو اتفااعلو

بقلم ✍️
الكاتبة
اية عبدالرحمن 🌺