خناجر الماضي

البارت السادس عشر

كمرة:  اي  وشسويتي مخابرتي علية

نور:   خابرت بس جان عصبي بس يعيط  والله خفت رسن سديتة. كلت بس يهدة اخابرة  يلة ولج لتلهيني  روح خبزي وغسلي الملابس

كمرة:  😒 رايحة

نور:  اي عفية  

كمرة:  رحت عجنت العجين  ظليت ارتب البيت   اشوية ورجعت اخذت العجين ورحت خبزتة  كملت من الخبز  اخذت سلة الملابس  ورحت غسل الملابس وصعدت بالسطح دشرهن  كملت دنزل سمعت  صوت علي مدري ليش  حبيت اشوفة  رحت شفتة هو شافني رسن وخرت راسي   مدري شيريد   اجة عزاا اشلون نسيت معقولة اجة ديكول لحيدر   لان البارحة مرحتلة   رجعت اتقربت دشوفة  شفتة ديحجي وياة حيدر  ظليت اباوع رسن رفع راسة وغمزلي عزا  رسن وخرت  اخذت السلة ونزلت  بساع  اريد اروح لحيدر اشوفة  شحجة وياة لالا اشلون اروح  كملت شغل ونهزمت لغرفتي ظليت بيهة حتى غدة اخاف اطلع اكل    معقولة كلة لالا ممعقولة لو صدوك كايلة جان اني هسة ميتة  اوف اني متت من الجوع   شيسوي خلي يسوي طلعت  صبيت غدة وكعدت اكل

حيدر:  هايروحي شو دتاكلين هسة ليش مجيتي اتغديتي ويانة

كمرة:  ها  مو مو جنت مجوعانة

حيدر:  الف عافية  اكلي اشوكت متردين   شوفي اني حطلع   طلعي الحلال مو تنسي  وديرباالج على نفسج

كمرة:  مبين مكايلة الحمدلله
اللة يعافيك ادلل ماانسى
والله كمت اخاف اروح لبستان وهم اشوف  علي  طلع حيدر واني ظليت اكل كملت كمت غسلت المواعين ورحت  كلبت بالتلفزون  اشوية ورحت بدلت واخذت الحلال وطلعت الطريق كلة افكر
اذا اجاني اسوي نفسي مشايفتة   واذا اتقربلي لازم اركض ومااخلي يلزمني  اي   لازم هيج
بعدني دفكر شفتة ديمشي بالطريق  هو وسيارتة العالية  مهتميت كمت امشي سريع   وصلت لبستان رسن دخلت بي  ورحت ختلت ورة نخلة واني اراقب الباب اشوفة اخاف يدخل  ماحس الا احد همس بذني

علي:  رجعنة اني ومهند لبيت  نزلنة دنتمشة   بأتجاه البيت  ...

مهند:  علي

علي:  ها

مهند:  اوكف دقيقة  دحجي وياك

علي:  اي امشي جوة نحجي

مهند:  لااهنا  شوف

علي:  تمام  يلة شفت شنو شكو

مهند:  علي اني اريد فاطمة  انتة تعرف اني احبهة 

علي:   اي كمل

مهند:   اريد اطلب ايدهة  واصلا اجيت اليوم  حتى احجي وياة اياد بخصوص هل موضوع

علي:  لاديربالك اياد  مستحيل يقبل اذا كتلة اني احبهة   انشاء آلَلَهّ  بليل اني احجي وياة واكلة مهند طلب ايد فاطمة

مهند:  عليك الله علي  حاول اقنعة وشتريدون اني خادم

علي:  خادم ربك حبيبي   انشاء آلَلَهّ لي كاتبة اللة يصير  يلة خلي ندخل جوة

مهند: لا حروح احجي وياة امي  اخليهة تجي  اليوم وتحجي وياة خالة ام اياد

علي:  اي  هيج بعد احسن

مهند:  يلة هسة استاذن  منك

علي:  اذنك وياك
راح مهند واني دخلت جوة رسن سبحت ونزلت  جيهان شمسوين غدة

جيهان:  فاصوليا خضرة

علي:  كملتوهة

جيهان:  اي اصبلك

علي:  اي فدوة لكلبج

جيهان:  ادلل

علي:  صبتلي جيهان  كعدت اكل كملت اكل  رجعت طلعت رحت بشغلة اياد كلي  ورجعت تعباان مكسر  رسن لفيت راسي ونمت  كعدت  انصدمت الساعة هسة اكيد  اجتي  طفرت سبحت اشلون مجان  وبدلت علسريع وطلعت  اخذت سيارتي ورحت وكفت اشوية بعيد عن بيتهم انتظرتهة مطلعت اكيد راحت اتوجهت لبستان صدوك شفتهة على طريق   بس من اندارات وشافتني صارت تمشي سريع  دخلت لبستان  واني صفيت سيارتي من الجانب الثاني ودخلت هم من الجانب الثاني    اباوع هاي البنية وين اتبخرت  استوة دخلتة  شفت شالهة طالع ورة النخلة   رحت دتأكد طلعت صدوك هية وجانت دتباوع لطريق لي دخلت منة  رحت عليهة  على كيف وهمست بذانهة من منو خاتلة. هي رسن فزت  دتروح لزمتهة من ايدهة.............

التصويت  والتفاعل
بقلم ✍️
الكاتبة
آية عبدالرحمن 🌺