U&Z
နွေဦးမို့လေရူးလေးတွေကတဖြူးဖြူးတိုက်ခတ်နေသလို ရွာအပြင်ထန်းတောထဲမှာကလဲ ရိုးတို့သူငယ်ချင်းတစ်ဖွဲ့ပဲကြီးလှော်နဲ့လယ်ကြွက်သားကို ကြက်သားနဲ့တောင်မလဲနိုင်ဆိုသလို ထန်းပင်ကျရည်လေးနဲ့ထိုင်သောက်နေကြစဉ်...။
" ဟေ့ ငရိုး မင်းကဒီမှာလာဇိမ်ကျနေတယ်ပေါ့ မင်းကောင်လေးကမိန်းမရတော့မယ် "
ထန်းလက်လေးတွေနဲ့မိုးထားတဲ့ တဲထဲဝင်လာ၍ ပြောလိုက်တဲ့ အောင်သက်စကားကြောင့် ခုနကသောက်ထားတဲ့ ထန်းရည်ရဲ့ရီဝေဝေအမူးလေးတောင်ရိုးမှာပျောက်သွားရကာ။
" မင်း ဘာပြောတာလဲ !"
အောင်သက်က ရိုးနံဘေးဝင်ထိုင်လိုက်၍ ခွက်နဲ့မြေအိုးထဲကထန်းရည်ကိုခပ်သောက်လိုက်ပြီးနောက်။
" သူကြီးကသူ့သားကိုဟိုဘက်ရွာကသူဌေးသမီးမြူးနှင်းဝေနဲ့ပေးစားဖို့ လူကြီးချင်းတောင်ပြောပြီးပြီဆိုလာပဲ "
" ဘာ , ကွ !"
ရိုး ကြားလိုက်ရတဲ့စကားကြောင့် ဒေါသထွက်သွားမိသည်။ ရာရာစစသူ့ချစ်သူကိုများမိန်းမပေးစားဖို့စီစဉ်နေတယ်ဆိုတဲ့ အောင်သက်စကားကြောင့်။
အရိပ်က အခုဆိုရွာမှာကျောင်းဆရာလုပ်၍ ကလေးတွေကိုစာသင်နေရပြီး မနက်ဆိုတန်းကျောင်း ညနေဆိုအိမ်မှာပါကျူရှင်ခေါ်ပြနေတာကြောင့် ရိုးနဲ့တွေ့ဖို့အချိန်ဆိုတာအရမ်းရှားပါးသွားခဲ့သည်။
တွေ့ခွင့်ရတဲ့အချိန်တွေမှာလဲ သူ့ကိုအရိပ်ကဒီအကြောင်းလုံးဝမပြောခဲ့ဘူး အခုလိုကြားလိုက်ရတဲ့စကားကြောင့် အရိပ်ကသူ့ကိုထားခဲ့ပြီးမိန်းမလိုချင်နေတာလားဆိုတဲ့အတွေးဝင်လာတော့ ရိုးစိတ်တိုသွားကာထိုင်နေရာကဝုန်းခနဲထလိုက်တော့။
" ဟေ့ ငရိုးဘယ်လဲ "
" ငါ့သွားစရာရှိလို့ မင်းတို့ပဲသောက်ကြတော့ "
အရိပ်ကလေးတွေကိုစာသင်ရင်းကျောင်းဆင်းခေါင်းလောင်းမြည်လာသံကြောင့် ကျောင်းသားတချို့ရဲ့မျက်နှာကပျော်ရွှင်မြူးကာ စာအုပ်တွေအမြန်ကောက်သိမ်း၍ လက်လေးတွေပိုက်ထိုင်နေရာကထရပ်ပြီးသံပြိုင်ဆိုလာသည်။
YOU ARE READING
( သူကြီးသမက် ) Completed
Non-Fiction( ရိုးမာန်ဂုဏ် ♡ နွေလရိပ် ) ♡ 28 . 8 . 2021>♡< 19 . 12 . 2021 ♡