[ သူကြီးသမက် ]
" ဆရာ "
" ငရိုး , နွေလရိပ် , လာထိုင် "
ရိုးနဲ့အရိပ်ဆေးခန်းထဲဝင်လာတော့ ဆရာသန်းမင်းအောင်ကတခြားလူနာတစ်ဦးကိုဆေးထိုးပေးနေတာကြောင့် ရိုးနဲ့အရိပ်လည်းထန်းလက်ထိုင်ခုံလေးမှာခဏဝင်ထိုင်ကာစောင့်နေလိုက်သည်။
ဆေးခန်းဆိုပေမဲ့ ဆရာသန်းမင်းအောင်ကသူ့အိမ်ရှေ့လေးမှာပဲအခန်းဆောက်ပြီးဖွင့်ထားတာကြောင့် ဆေးထိုးတဲ့ခုတင်နေရာလေးကိုတော့ လိုက်ကာလေးတန်းကားထားသည်။
ခဏနေတော့လိုက်ကာဖယ်၍ထွက်လာသူကရွာထဲကကုန်စုံဆိုင်ဖွင့်ထားတဲ့ဒေါ်ဘုတ်ဆုံဖြစ်နေသည်။ ဒေါ်ဘုတ်ဆုံကဆေးထိုးထားတဲ့သူ့တင်ပါးသူပွတ်ချေနေရင်းကထိုင်နေတဲ့ ရိုးတို့ကိုကြည့်ကာမေးလာသည်။
" ငရိုး ဘယ်သူလာပြတာလဲ နင့်လား နွေလရိပ်လေးလား "
" ကျွန်တော်မဟုတ်ဘူး အရိပ်ကိုလာပြတာ ခဏခဏခေါင်းမူးပြီးအားနည်းနေလို့ "
" အော် , ဆရာဆေးဖိုးဘယ်လောက်လဲ "
ဒေါ်ဘုတ်ဆုံကဆေးဖိုးပေးချေပြီး ပြန်သွားတော့ ဆရာကအရိပ်ကိုစမ်းသပ်မှုစတော့သည်။
" ဘယ်လိုဖြစ်သလဲ ဆရာကိုပြောကြည့်ပါဦး "
အရိပ်လည်းဆရာအမေးကြောင့် ဒီရက်ပိုင်းသူခံစားနေရတဲ့ ဝေဒနာကိုပြောပြလိုက်သည်။
" ဒီရက်ပိုင်းထဲထမင်းစားချင်စိတ်မရှိဖြစ်နေတာ ဆရာ ပြီးတော့ ဟင်းနံတွေလဲမခံနိုင်ဘူး အစားသိပ်မစားဖြစ်တော့ ခေါင်းကလဲခဏခဏမူးတယ် အန်လည်းအန်တယ် တစ်ခါတလေအစားမရှိတော့လေတွေပါအန်တယ် ဆရာ "
" အင်း,ဟုတ်ပြီ ဆရာစမ်းသပ်ပြီးသင့်တော်မယ် ဆေးထိုးပေးမယ်လာ ခုတင်ပေါ်လှဲလိုက် "
" ဟုတ် "
ဆေးခန်းထဲကလိုက်ကာခြားထားတဲ့ ခုတင်ပေါ်အရိပ်လှဲလိုက်သည်။ ရိုးကတော့လိုက်ကာအပြင်ဘက်ကနေထိုင်၍ အရိပ်ဆေးထိုးပြီးချိန်ထိစောင့်နေစဉ်အထဲကဆရာရဲ့လှမ်းခေါ်သံကိုခဏအကြာမှကြားလိုက်ရသည်။
" ငရိုး "
" ဗျာ, ဆရာ "
" အထဲကိုဝင်ခဲ့ဦးး "
ESTÁS LEYENDO
( သူကြီးသမက် ) Completed
No Ficción( ရိုးမာန်ဂုဏ် ♡ နွေလရိပ် ) ♡ 28 . 8 . 2021>♡< 19 . 12 . 2021 ♡
