[ သူကြီးသမက် ]
" ဒုတ် " ဒုတ် " ဒုတ် " ဒုတ် " ဒုတ် "
ရွာဦးဘုန်းကြီးကျောင်းဆီကအုန်းမောင်းခေါက်သံ ငါးချက်မြည်လာပြီးနောက်၊ညီမလုပ်သူနှင်းနုရဲ့အိပ်ရာထတဲ့အသံ အရိပ်ကြားလိုက်ရသည်။
ထို့နောက်...သိပ်မကြာ အိမ်အနောက်မီးဖိုချောင်တဲလေးဆီကအိုးခွက်ပန်းကန်ဆေးသံတွေကြားရကာ ဆွမ်းချက်နေပြီဆိုတာ အရိပ်သိလိုက်သည်။
မြို့မှာကျောင်းတက်ရင်းနဲ့ ညဥ့်နက်ထိစာကျက် မနက်ခုနှစ်နာရီရှစ်နာရီမှအိပ်ရာထတဲ့အကျင့်က အရိပ်မှာပါလာသည်။
အကျင့်ကပြင်လို့မရသေးချေ၊အိပ်ရာထဲကမထသေးပဲခဏဆက်အိပ်နေလိုက်သည်။
" သွားကြတော့ ဆန်ကုန်မြေလေးတွေ မင်းတို့ကိုမွေးထားတဲ့ မိဘတွေကိုအားနာကြဦးအချိန်ပြည့်အရက်သောက် ရန်ဖြစ်မနေကြနဲ့ !"
ရိုးတို့အဖွဲ့ကိုဝင်းကိုကထိတ်တုံးဖြုတ်ပေးနေတုန်း သူကြီးကအိမ်ရှေ့ကွပ်ပျစ်မှာထိုင်ပြီး ကောင်ညှင်းပေါင်းနဲ့လက်ဖက်ရည်သောက်နေရင်း သူတို့ကိုပြောလာတော့ သူကြီးကတော်မှာနံဘေးကသူ့ယောက်ျားကိုဆူငေါက်တော့သည်။
" ရှင်ကတော် သူများကလေးတွေကို ဆန်ကုန်မြေလေးသွားသွားမခေါ်ပါနဲ့သူ့မိဘတွေကြားရင်ဘယ်ကြိုက်ပါ့မလဲ မိဘတိုင်းကတော့ ကိုယ်သားသမီးကကိုယ့်ရဲ့ရတနာတွေပဲ "
" သွားသွား မင်းတို့လည်းပြန်ကြတော့ အလုပ်သွားရဦးမှာမဟုတ်လား "
သူကြီးကတော်ကသူကြီးကိုအပြစ်တင်စကားဆိုလိုက်ပြီး ရိုးတို့ကိုအိမ်ပြန်ရန်ပြောလာသည်။
သူကြီးနဲ့သူကြီးကတော်ရဲ့စကား ရိုးနားထဲမဝင် အိမ်အပေါ်ထပ်ပြတင်းပေါက်မှာချစ်ရသူလေးကိုတွေ့ခွင့်ရမလားရှာကြည့်နေမိသည်။
" ဟေ့ကောင် ! မင်းငါ့အိမ်ပေါ်ကိုဘာလှမ်းကြည့်နေတာလဲ !!! ငါ့သမီးကို ငမ်းမယ်တော့မယ်ကြံနဲ့ မင်းလိုအရက်သမားလူဆိုးကောင်နဲ့လုံးဝသဘောမတူဘူး !!!"
သူကြီးကသူ့သမီးနှင်းနုကို ရိုးငမ်းနေတယ်အထင်နဲ့ ပြောချင်ရာတွေပြောနေသောကြောင့် ရိုးနှာခေါင်းရှုံ့လိုက်၍။
YOU ARE READING
( သူကြီးသမက် ) Completed
Non-Fiction( ရိုးမာန်ဂုဏ် ♡ နွေလရိပ် ) ♡ 28 . 8 . 2021>♡< 19 . 12 . 2021 ♡