[ သူကြီးသမက် ]
သင်္ကြန်အကျနေ့ ...
ရွာလယ်ကအုန်းလက်မဏ္ဍပ်လေးထဲမှာကာလာသားများကမိုးပြဲဒယ်ကြီးတွေနဲ့ထင်းမီးဖိုတွေသယ်ကာအပျိုအဖွဲ့ကတော့ ဆန်ကောထဲမုန့်လုံးနဲ့ငရုတ်သီးထန်းညှပ်ရောကာထည်ပြီးအပြိုင်ဆိုင်မုန့်လုံးနေကြသည်။
ကလေးတွေကတော့ မဏ္ဍပ်ရှေ့ကကော်ပုံးတွေထဲရေအပြည့်ဖြည့်ထားကာမိချောရေဆိုတဲ့သင်္ကြန်သီချင်းနဲ့ကခုန်၍ အရှေ့ကဖြတ်လျှောက်သူခွေးပါမချန်ရေနဲ့လိုက်ပက်ဆူညံကာပျော်ရွှင်နေကြ၏ လည်ပင်မှာလဲသင်္ကြန်ပန်းကုံးရောင်စုံကိုဆွဲထားကြသေးသလို တချို့ကလေးမလေးတွေကခေါင်းမှာရစ်ပတ်ပန်းထားကြတာကချစ်စရာကောင်းနေကြပြန်သည်။
" အရိပ် ဟ "
ဗိုက်ပူပူလေးနဲ့အပျိုတွေနဲ့အတူမုန့်လုံးထိုင်လုံးနေတဲ့အရိပ်ကိုရေပုံထဲထည့်ကအအေးခံထားတဲ့ကျတ်ပြီးသားမုန့်လုံးရေပေါ်တစ်ပန်းကန်ယူလာကာတစ်လုံးကိုသွားကြားထိုးတံလေးနဲ့ယူပြီး ရိုးခွံကျွေးလိုက်တော့ အရိပ်ကလဲအလိုက်သင့်ပါးစပ်ဟပေးလာသည်။
အရိပ်ကိုမုန့်လုံးရေပေါ်လာခွံကျွေးတဲ့ ရိုးဆီကအရက်နံသင်းသင်းကအရိပ်နှာခေါင်းထဲတိုးဝင်လာတာကြောင့် ရိုးကိုမျက်စောင်းထိုးကာအရိပ်ပြောလိုက်သည်။
" ရိုး တော်ပြီနော် ဆက်မသောက်နဲတော့ !"
" အင်းပါ , ကိုယ်နည်းနည်းပဲသောက်တာ ဟိုကောင်တွေအတင်းတိုက်နေလို "
ရိုးတစ်ယောက်အရိပ်ကိုအလျှောက်ကောင်းလို့ အထောင်းသက်သာသွား၏ သင်္ကြန်တွင်းမလို့ သူငယ်ချင်းတွေနဲ့သောက်ပါစေဆိုကာအရိပ်လည်းရိုးသောက်နေတာကိုမတားမိ လူပျိုခေါင်းကိုစံပါးအပါဝင်အားလုံးကမုန့်လုံးရေပေါ်လုပ်ရင်းနဲ့သောက်နေကြတာဖြစ်၏ သောက်တာသောက်မများစေဖို့ကိုတော့အရိပ်တားလိုက်သည်။
" ဟေ့ , ဗိုက်ကလေးကို ရေလောင်းမယ်ဟေ့ "
လူပျိုခေါင်းကိုစံပါးအပြောကြောင့် အရိပ်မုန့်လုံး လုံးရင်းနဲ့ရယ်လိုက်တော့ ရိုးကကိုစံပါကိုကြည့်ကာ။
YOU ARE READING
( သူကြီးသမက် ) Completed
Non-Fiction( ရိုးမာန်ဂုဏ် ♡ နွေလရိပ် ) ♡ 28 . 8 . 2021>♡< 19 . 12 . 2021 ♡