[ သူကြီးသမက် ]
" ရိုး ထမင်းစားတော့မလား "
" ကိုယ်ဗိုက်မဆာသေးဘူး အရိပ်ဆာရင်စားနှင်လိုက်လေ ကိုယ်ရွာထဲခဏသွားလိုက်ဦးမယ် "
" ဘာကိစ္စလဲ !"
ညနေအင်းထဲကပြန်လာကတည်းကရွာထဲသွားဖို့ဖင်တစ်ကြွကြွဖြစ်နေတဲ့ရိုးကိုအရိပ်ကြည့်ကာမေးလိုက်သည်။
" မနက်ဖြန်လယ်ထဲပေါင်းနှုတ်ဖို့ပန်းဝါတို့အဖွဲ့ကိုသွားပြောမလို့ "
" အရိပ်လည်းလိုက်မယ် "
" ဟင် "
အရိပ်ပါရွာထဲလိုက်မယ်ဆိုတာကိုထိတ်လန့်သွားတဲ့ရိုးကိုကြည်ပြီး အရိပ်မယုံသလိုမေးလိုက်သည်။
" အဲဒါကဘာဖြစ်တာလဲ !"
အရိပ်ရဲ့အမေးကြောင့် ရိုးအမြန်ပြန်ဖြေလိုက်ရသည်။
" ဘာမှမဖြစ်ပါဘူး အရိပ်ကကိုယ်ဝန်ကြီးနဲ့ဆိုတော့ မလိုက်ပါနဲ့ ကိုယ်ပဲသွားပြောပြီးအမြန်ပြန်လာမယ် "
တကယ်တော့ ရိုးအောင်သက်တို့နဲ့သောက်ဖို့ချိန်းထားတာဖြစ်၏ အရိပ်လိုက်လာရင်သူအစီစဉ်လေးပျက်တော့မည်အရိပ်ကိုစကားအလှသုံးကာပြောလိုက်တော့။
" ကိုယ်ဝန်ကြီးနဲ့မလို့ လမ်းလျှောက်ဖို့လိုတယ်လေ ဘာလိုအရိပ်လိုက်မှာကိုကြောက်နေတာလဲ အရက်သွားခိုးသောက်ပြန်မလို့လား !"
" ဟာ , မဟုတ်ပါဘူးဆို ကိုယ်တကယ်ပန်းဝါတို့ကို နှမ်းခင်းနဲ့ပဲခင်းတွေပေါင်းများနေလို့ နှုတ်ဖို့သွားငှားမလို့ "
ရိုးတစ်ယောက်အရိပ်ရဲ့မယုံကြည်ကာစစ်မေးနေမှုကိုအမြန်ဖြေရှင်းချက်ပေးရင်းနဲ့စိတ်ထဲကလဲ အရိပ်မလိုက်လာပါစေနဲ့လို့ ဆုတောင်းနေမိသည်။
" ဟေ့ , နွေလရိပ် "
" ဟော့ , မစောထွေးလာထိုင် ဒီမှာရေနွေးကြမ်းသောက်ဦး ဘယ်ကလှည့်ဝင်လာတာလဲ "
မစောထွေးတစ်ယောက်အထည်ထုပ်ကြီးကိုအရိပ်ထိုင်နေတဲ့ကွပ်ပျစ်ပေါ်ချလိုက်၍ နံဘေးမှာထိုင်လိုက်ပြီး လင်ဗန်းနဲ့ထည့်ထားတဲ့ရေနွေးခရားကိုယူကာဖန်ခွက်ထဲငှဲ့သောက်ရင်းကအရိပ်အမေးကိုဖြေလိုက်သည်။
YOU ARE READING
( သူကြီးသမက် ) Completed
Non-Fiction( ရိုးမာန်ဂုဏ် ♡ နွေလရိပ် ) ♡ 28 . 8 . 2021>♡< 19 . 12 . 2021 ♡
