حور عينيها

البارت الاول

حور عينيها

البصره سنة 1969
حامد،،،،جان الجو حلو كاعد بالحديقه واباوع على السما وعيوني نعسانه اريد ارجع انام بس شيخلصني من الحجي

ام حامد،،،،صباح الخير يمه

حامد،،، صباح العافيه،  خلت اليه الريوك اكل واباوع الها تتبسم اليه

كولي حجيه شكو

ام حامد،،، هذاك اليوم جنت يم جارتنه كاعدين انسولف اجت امريه هي وبتها بس شلون بنيه كلش حلوه وحبابه تعرفت عليها لكيتها بت تاجر  شتكول اخطبها الك

حامد،،، مادري يمه مالي خلك زواج
امي حطت الشيله على عيونها وكامت تبجي

ام حامد،،،، جاااا يمه يمته اشوف فروخك

حامد،،، شسوين بفروخي ولدج كل واحد مخلفله فيلق كامل
زادت بالبجي مابطلت
هاهيه روحي خطبيها ابوي يدري
وخرت الشيله من عيونها ولاباجيه

ام حامد،،، اااي يمه يدري

حامد،،،، خير نشالله
رحت شفتها بنيه حلوه مثل وصف امي
صار الزواج بسرعه خلال اسبوعين ازوجنه
جان ابوي حيل فرحان بالعرس وامي هم
عدت ايام العرس ومن درينه سماهر حامل
كاللها ابوي اذا اجا طفل وليد من فوك لجوه البسج ذهب
واني اضحك عليهم مومهم عندي اهم شي تمام الصحه
وصدك طلعت سماهر حامل بولد سنة 70 شرف رعد للدنيا وصرت ابو رعد ومثل ماوعدها ابوي جابلها الذهب

(بعد سنه )
حامد، ،،،، رجعت من الشغل تعبان دخلت للبيت لكيت امي وسماهر يتعاركن
هااا خير خير صوتجن طالع

ام حامد، ،، شوف مرتك الخاتون طابك رجل على رجل ولاتتحرك وذابه. الشغل على نسوان اخوانك وكلما احجي وياها تتحجج بأبنها

سماهر، ، ماشوف ابنك بس اذبه بالكاع يضل يصرخ ومامخليني انام الليل ومن يمته تحبين نسوان ولدج لو من اجيت اني صارن عزيزات

ام حامد، ، شوف لسانها شطولها

حامد، ،، يمعودات كافي والله تعبان صبلي لكمه خلي اكلها

سماهر،،، ااي عاد انت ابد ماتنصفني علطول ويه امك
واخذت ابنها وطبت لغرفتها

ام حامد،،، غمتها كبر لهيج قسمه

حامد، ،، هو منو جابها مو انتي بعد علشنو تغميها تذكرين من تلحين عليه بت تاجر وبت تاجر يلا هاج استلمي

ام حامد ،،، واني شمدريني تطلع هيج حيه من رحت شفتها صامه حلكها بالكوه تطلع حرف

حامد، ، يمه راح اوكع من طولي من الجوع صبلي غدا لو اطلع

ام حامد، ،، سوده عليه هسه يجيك الغدااا
ساااااااهره صبي غدااا لحامد

طلعت من المطبخ