حور عينيها

البارت الثاني

البارت الثاني

رحنا نرجعها لسماهر  ومن سمعت خاطب كامت صيح وتبجي وتغلط ابوي طلع زعلان وكال ماغلطت من ازوجت عليها وابوها يركض ورانه يتعذر

ورده،، بيومها اجه حامد خطبني وامي اصفك وتركص وره الباب وتكلي
ام ورده،،، وج اجه خطبج حامد ابن التاجر

ورده،، بس يمه اني ماريده

ام ورده،،، ولج لاصيري ثوله راح تعيشين بعز ودلال

ورده،، ضلت امي تلح عليه وشفت ابوي فرحان وراغب على الشغله وافقت

قبل كم اسبوع من الزواج اجت امه ونسوان اخوته طبن للبيت ويفرن بعيونهم يباوعن للبيت ماعجبهم الوضع
امه تحجي من وره خشمها جايبه ملابس هواي وذهب حتى بدله مشتريه

كتلها يمه اذا من هسه معاجبهن الوضع بعدين شلون بيه

ام ورده،،، اهم شي رجلج مالج علاقه بالباقين

واجه يوم العرس ولبسوني البدله وخلو مكياج لوجهي ورتبو شعري وامي كلساع تبوسني وصلي على محمد
صدك طلعت حلوه

جابو السيد عقد النه وامي نزلت الطرحه على راسي اجه حامد اخذني واني ميته من الخوف ودكات كلبي مسموعه زفونه للبيت ودك وركص الليل كله حتى راسي احسه راد ينفجر

زفونه للغرفه حامد جان جوه اهله وعمامه يسلمون عليه وهن طببني للغرفه وامي كاعده تعلم وتفهم بيه واني بس اهز براسي من المستحه اخر شي امي باستني وطلع
وره شويه طب حامد اني مدنكه احسه يتقرب اليه جاي بتجاهي واني اريد اوكع من طولي من الخوف
كومني ورفع الطرحه واول ماشافني

حامد،، اللهم صلى على محمد دخيلك ربي شهل العيون ههه
ورده،،، حس بيه خايفه ضل ملزمه بيديه وكاعد يسولف وياي جابو عشا النه كعدنه نتعشه وحامد يسولف حتى يهديني حتى سولفلي على سوايت مرته

اخر شي سحبني بحضنه وكالي تعالي خلي اسولفلج قصه

كعدت الصبح فتحت عيوني جنت قريبه عليه شلت ايدي واتلمس بوجه

هو كعد وابتسم اليه

ورده،، صباح الخير

حامد،،، اوووف. ربي شمسوي وهيج مجازيني شهل النعمه

ورده،، غطيت وجهي من المستحه عفيه لاتحجي هيج استحي
هو سحبني
لحضنه وضل يبوس بيه ويكلي عندي سالفه وياج
اني دفعته وكتله
ااااي مثل سالفت البارحه اريد اكوم هو يجر بيه واني اضحك

صارلنه كم  شهر مزوجين وحامد متخبل بيه يكمل شغله ويضل يمي بالغرفه مايطلع حتى الاكل اصعده اله
بس امه شاده وياي تضل تتأمر وتحجي ومن امشي اسمعني حجي واني ساكته ومتحمله لخاطر حامد

ورده، ، حامد

حامد،،، عيونه

ورده،، حبيبي يمته ترجعها لمرتك