حور عينيها

البارت 12

البارت 12
الكاتبة: روح♥️

سمر،،، فزيت من النوم لكيت الساعه ب 7 كمت غسلت وجهي وبدلت لكيت أسد نايم بالكاع ماعرف ليش
أسسسد أسسد كوم الساعه ب 7
أسد،،، ماشي
سمر،،، بدلنه ونزلنه نتريك كعدنه بالمطعم اجه البوي
أسد،،، شتاكلين
سمر،،، جيبلي بسكت وجاي
أسد،،، نزل النه كباب
سمر،،، ماريد
أسد،،،، مو بكيفج ورانه طريق
سمر،،،،، خلصنه اكل رحنه للمدرسه اخذنه الاوراق وانطلقنه للوداي
دخلنه للوداي كلبي انعصر حيل وصلنه لكبر بابا سوده عليه دموعي نزلن لااردي
أسد،،، اني رايح اجيب مي
سمر،،، هزيت اله براسي
خليت عباتي على عيوني وضليت ابجي هاي اول مره ابجي من توفه بابا من اجاني الخبر جنت مصدومه بمرور الوقت كمت اتقبل الفكره

جانت الدنيا حاره واني ابجي راسي كام يوجعني حيل
أسد،،، رحت اجيب مي وصلت للكبر لكيت سمر كاتله روحها من البجي
رشيت مي على الكبر قريت الفاتحه
يلا نروح
سمر،،، خلي ابقه شويه
أسد،، ماكو وكت ورانه طريق
لو مبقيها بعد تتنتهي
كومتها داخت رجعت كعدت
شبيج شنو يوجعج
سمر،،، راسي يوجعني
أسد،،سندتها
كومي وصلنه للسياره شغلت الها تبريد واغسل بوجهه
جوعانه ?
سمر،،،، لا
حرك السياره واني مخليه راسي على الشباج
وكل شويه أسد سائلني شلوني
وصلنه للبيت دخلنه للبيت لكيت هدى هي وخالتي سميه ونور كاعده بالحديقه تلكتني نور
نور،،،، حمدلله على السلامه
سمر،،، الله يسلمج
نور،،، شبيج وجهج تعبان
سمر،،، تعبانه
أسد،،، صعديها للغرفه
رحت اسلم على هدى اول ماشافتني انزلي حجابج لنص شعرها ،، ماباوعت الها سلمت وصعدت ارتاح
لكيت سمر متمدده
اني طالع محتاجه شي
سمر،،، سلامتك
أسد،،، طبيت سبحت بدلت ملابسي وطلعت للمحل
سمر،،، كعدت العصر طبيت سبحت مشطت شعري ونزلت لكيت هدى وخالتي يسولفن من شافني سكتن
شلونج خاله
سميه،،، هلا، ، حضري العشا
سمر،،، حاضر
طلعنه هن يكملن سالفتهن بالحديقه اجت نور ساعدني
نور،،، شلون صرتي
سمر،،، احسن
شبيج ضحكين
نور،،، نكمل عشا واسولف الج
سمر،،، اكيد السالفه بيها وليد
نور،،، ههههه ماكو غيره
سمر،،، كملنه العشا جاي نصب دخل أسد وبأيده علاكه
أسد،،، هاج العلاكه صعديها فوك
سمر،،، ماشي
فتحتها بالطريق لكيت بيها نمنميات ضحكت معقوله يحب هالسوالف
نزلت لكيت نور تمد بالسفره
كعدنه نتعشى اني كعدت يم نور وهدى لزكت بصف أسد ماهتميت الها راسي يوجعني
شويه وأشرلي أسد بمعنى تعالي كعدي بصفي
اجيت كعدت هو ادنه يمي
باوعت لهدى وجهه انكلب مبين ماعجبها الوضع
وأسد يسوي لفات ويخلي كدامي
سميه،،، تره مرتك عدها اديين
حجي حامد،،،، عوفيه مرته وحر بيها
سمر،،،كملنه عشا لميت الاماعين
نور،،، عوفيهن اني اغسلهن
سمر،،، صعدت اتمددت شويه ولحكتني نور
نور،،، لو تدرين اليوم شصار
سمر،،، مبين على وجهج
نور،،، وج اليوم اجه وليد رايد أسد بشغله
سمر،،،ااي
نور،،، كتله ماموجود طالع لكربلا
وهو استغلها فرصه وو
سمر،،، يي
نور،،، وج باسني
سمر،،، عزاااا بعينج ولج لا واحد شايفج.
نور،،، مادري خيه مادري اني رحت بغير عالم
سمر،،، ههههه اي وراها
نور،،، باسني وكلي احبج وراح
سمر،،،، خوش بالعافيه
نور،،،، شبيج ضايجه
سمر،،، اليوم رحنه للوداي
نور،،، هااا الله يرحمه
صدك اليوم يجي وليد ينطيج مكتوب موتنسين
سمر،،، حاضر
حضنتني بقوه
نور،،، يمه فدوه شكككد احببج
سمر،،، واني هم
طلعت نور ضليت اكلب بالتلفزيون
أسد،،، الحلويات الي جبتهن بالعلاكه خلي منهن جوعان
سمر،،، حاضر
خليت اله بماعون ردت اكوم
أسد،،، وين رايحه
سمر،،، انام
أسد،،،، ابقي كاعده راح يبدي فلم حلو
سمر،،، ماشي
كعدت اتفرج وياه باوعت اله لكيت صافن عليه بسرعه دار وجهه
ماهتميت سندت راسي على الجربايه
لنص الفلم شفت الساعه صارت 12 هذا موعد وليد باوعت اله لكيته نايم نزلت علكيف لجوه
طلعت للحديقه صعدت على الخشبه ولزمت بالحايط
وليييد وينك
وليد،،، هلو شلونج
سمر،،، بخير انطيني المكتوب بسرعه
وليد،، هاج
سمر،،، نزلت من الخشبه جانت الحديقه ضلمه
أسد،،، فزيت من النوم جان صوت التلفزيون عالي باوعت سمر ماكو
واحد بداخلي كالي باوع للشباج وخرت البرده لكيت واحد واكف يم الحايط والدنيا ضلمه
اخذت سلاحي ونزلت لجوه
ااوووكف
سمر،،، لزمت المكتوب وركضت وره البيت
أسد،،، سحبت اقسام ورميت بالكاع
سمر،،، من الصوت اخترعت وعثرت وهو لزم بيه
أسد،، سمرررر وج شسوين هنا ومنو هذا
امشي كدامي
سمر،،، ضل يسحل بيه وكلهم كعدو على صوت الطلقه شمرني بنص الصاله وسحب اقسام يريد يضرب
حجي حامد،،، ولك انت تخبلت
أسد،،، اي تخبلت خلي اكتلها لهل العار لكيتها مواعده بنص الليل
سميه،،، شهكت، عزا العزاج يي طبعا موغريبه امج شنو جانت
حجي حامد،،، كافي انتي الثانيه خلي نفتهم منها

احجي منو هذا
سمر،،، ضليت ساكته ومدنكه وابجي
تقرب عليه أسد ركعني راجدي فر وجعي فرر
أسد،،، اااااحجي ولج منو هذا
سمر،،، ضليت ساكته ماحجي وهو ضل يضرب وجهي ورم من الضرب
نور،،، كافي أسد سمر مالها علاقه
أسد،، وانتي شمدريج تعرفين شي ولج
نور،،، ااي
سمر،،، حجت السالفه كلها نور
تقرب عليها أسد لزم أيدها فركها
أسد،،، لاتخافين مراح اضربج بس من اليوم ورايح نور ماتت بالنسبه اليه وخابرولي على هذا العار باجر يجي