حور عينيها

النهايه

الكاتبة: روح ♥️

سمر،،، صار الصبح بدلت وصلني أسد للمدرسه
اني نازله لهل المكتبه اشتري شغلات ناقصتني
أسد،،، يلا ننزل سوه
سمر،،، لا لا ميحتاج اصلا شغله تأخر عندي استنساخ و انت تتأخر على شغلك
أسد،،، ماشي براحتج، عندج فلوس
سمر،،، اي عندي
نزلت من السياره ودخلت للمكتبه ضليت اكلب بالغراض لحد مراح أسد طلعت من المكتبه ضليت منتضره قريب المدرسه
وصل زياد
ليش تأخرت
زياد،،، ازدحام طريق، يلا صعدي
سمر،،، صعدت والخوف كاتلني، يلا احجي
زياد،،، مو هنا.
سمر،،، لعد وين
زياد،،،، نروح لمكان قريب لتخافين حجايتين
سمر،،، ضل يمشي بالسياره
احجي فضني
زياد،،، اريدج
سمر،،، على هاي جايبني مو كتلج هاهيه ازوجت
زياد،،، بس اني احبج

سمر،،،، ههههه والله ضحكتني ياحب هذا هاااا اذكرت بيوم من ختلت وره امك مووو
زياد،،، كافي لاتحجيها امي ضغطت عليه
سمر،،، ليش انت ماعندك شحصيه لو طرطور بيد امك
اندار عليه ركعني انضرب وجهي بالجامه لزمت ايدي بوجهي وضليت ابجي
طبك السياره
زياد،،، كافي لاتبجين
سمر،،، جنت مخليه ايدي على وجهي
شفتملتهي يحجي فتحت باب السياره وشردت
زياد،،، اوووكفي وووين رايحه
سمر،،، جان اسرع مني لزمني وضل يجر بيه على السياره ويغلط
عووووفني ووووخر عني
زياد،،،، اصعدي
سمر،،،،جان لازمني بقوه ويدفع بيه بالسياره
قفل السياره وطلع بالسياره سريع ضليت اتلاوه وياه اريده يوكف حسيت السياره طارت بينه وانصدمة بشي قوي
أسد،،،،من اليوم الي اجت بيه سمر اني وكعت بحبها صح جان معمي عيوني بالبدايه لان موسهله تدخل حياتنه فجئه بس يوم وره يوم صرت اتعلق بيها واحبها واني متأكد هي نفس الشعور
جان بيومها خميس كلت ارجعها من المدرسه لليل نطلع مكان هادئ واصارحها
شفت الساعه قربت الوحده عفت المحل بيد العامل شغلت سيارتي وطلعت للمدرسه شفت البنات يطلعن
المدرسه خلصت وسمر ماكو كلت اخاف راجعه للبيت
حركة سيارتي ورجعت للبيت صعدت كبل للغرفه دخلت سمر ماكو نزلت جوه سئلت امي هم ماتعرف شي كلبي عصرني وخفت عليها
- ياربي بس لاصاير وياها شي
رحت لبيت عمتي زينب دكيت الباب طلعتلي نور
نور،،، هلو أسد تفضل
أسد،،، مستعجل سمر اجتكم
نور،،، لا
أسد،،، يااااربي لعد وين رحت
نور،،، شكو شسالفه
أسد،،، عفتها ورحت للسياره، ،،
ضليت افتر بالشوارع قريبه على المدرسه مالكيتها رجعت للبيت لكيت متصلين على عمي رعد
رعد،،، هااا بشر
أسد،،، رحت لبيت عمتي زينب ماكو
رعد،،، جااااا وين راحت الكاع بلعتها
اني طالع ادور عليها جيبولي هويتها
أسد،،، اخذ عمي الهويه وطلع كعدت بالكاع رجليه بعد ماشيلني من الخوف عليه
حجي حامد،،، لاتخاف وليدي نشالله مابيها شي
أسد،،، نشالله
للعصر اجت امها وعمتي زينب ونور وليد وبيبي سماهر البيت انخبص وامها تبجي
سميه،،، كولي يالله هسه تلكيها رايحه لفد مكان تشتري
فاطمه،،،خيه اكو شرايه للعصر اني متأكد صارلها شي،
أسد،،، اني ساكت واسمع الهم والف فكره تجي بالي
ضليت ادعي يارب لاتاخذها مني لاتاخذها
اذن اذان المغرب وسمر ماكو
زينب،،،، يارب بجاه هالمغربيه ترجعها سالمه
أسد،،، كمت اريد اصعد لفوك دخل عمي رعد بس وجه مايتفسر
هااا بشر
رعد،،، لكيناها
أسد،،،، وين ?!
رعد،،، بالمستشفى مسويه حادث
أسد،،، امها كامت تلطم وتبجي
حادث شنو احد داعمها
رعد،،، لا
أسد،،، عمي لخاطر محمد احجي مو دمي يبس
رعد،،،، لكوها رااكبه سياره ومكلوبه
أسد،،، صرت عصبي وكمت اصيح
الف مره كتلها لاتركبين تكسي وحدج
رعد،،،، بس لكوها راكبه وين ابن عمها زياد
أسد،،،، لحضه صارت الجو سكون
واحد يباوع بوجه الثاني
اني ماعرف شنو افسر شعوري بذيج اللحضه
اجت بالي بس عيونها من جانت تباوعلي بلهفه معقوله كله جان جذب وتخوني
نور،،،، كلها كامت راحت ويه عمي بس أسد بعده على نفس وكفته مانطق بحرف بس صعد لغرفته
ثاني يوم طلعوها مجانت متأذيه حيل بس ايدها انكسر وركبتها متأذيه
رجعوها على البيت تمددت بغرفتها
حمدلله على السلامه
سمر،،، الله يسلمج
نور شبيج
نور،،، ماكو شي
سمر،،، أسد وين
نور،،، قصدج زياد لازين طلعوه للاهله
سمر،،، نور بشنو تردين احلف الج ماعندي شي وياه هو ههدني بأسد وردت أشرد منه ماكدرت
نور،،،، ادعي هو يحجي نفس الحجي اذا حجه غير تروحين بيها
سمر،،، كعدت ابجي على حضي وغبائي
مرت كم يوم أسد ماشفته خالتي او نور توديلي الاكل
مر اسبوع حالتي صارت زينه كمت اكدر امشي نزلت لجوه كل واحد ملتهي بشغله وكأنو اني ماموجوده
رحت لغرفة جدو شفته كاعد يسبح
ويباوع للتلفزيون
اكدر افوت
حجي حامد،،، فوتي بنيتي
سمر،،، تقربت يمه دنكت ضليت ابجي
خله ايده على ضهري يهدي بيه
جدو كلهم مامصدكيني. وأولهم أسد صارلي اسبوع مشايفته
حجي حامد،،، حقه الي صار موشويه