البارت الرابع
1988
مر كم يوم على مابدت المدارس
جانت قريبه علينه اروح وارجع مشي والبنات كلهن يباوعن عليه لان جنت حلوه وكلها تعرفها بت حجي حامد ابوها تاجر وعنده فلوس
تعرفت على كم بنيه ونكعد مرات نسولف وحده حجت
شفتن المدرس الجديد ولجن يخبل والعيون شكبرهن وشعره شلون مرتبه وبغدادي وكلامه يخبل مو مثل اخواني يعلسون بالحجي
الثانيه تضحك عليها بعد اخذيله صوره هههه
ترد عليه انتي شوفي وبعدين قرري
ترد عليها، ، هو وين
وج كاعد امشي نشوفها
كلها ركضت تشوفه
صديقتي، تروحين
فاطمه، ، باوعتلها بطرف عيني تحجين صدك اني اروحله
صديقتها، ، براحتج
وره شويه اجن يركضن للصف
اجت صديقتي وج راح يدرسنه
فاطمه، ، يلا بعد احسن حتى شبعين منه
دخل للصف وحده تندس الثانيه
جان صدك حلو بس ماهمني مخليه براسي دراستي واهلي هاهيه
وكف بوسط الصف وكال
حسن، ، سلام عليكم اسم استاذ حسن راح ادرسكم ماده الرياضيات اني من بغداد انقلت لان عندكم نقص
الطالبات، ، اهلا وسهلا استاذ
تقدم وخله جنطته وطلع طبشور وبده يخطط الصبوره ويشرح والبنات كاتلات روحهن وكلساع وحده سائلته شغله حتلو سؤال تافه المهم تحجي وياه
مر كم اسبوع والاستاذ عينه عليه جنت كلش هادئه وماسئل ومن يكول فهمتو بس اهز براسي
جنه كاعدين لمة بنات وحده كالت عمي مامحضوضه غير فاطمه عين الاستاذ مانزلها عليج اني ضحكت وكتلها عوووع شلون اذاوق اني احب هيج اشكال خليه الج كلبي بالعافيه عليج وخليت وكمت
وصله الحجي وضمها اليه ةصدك
سوه النه امتحان واني امتحنت
ومن استلمت الاجوبه مرسبني تخبلت اخذت ورقتي والغرفته حتى مادكيت الباب كبل طبيت وركعت الورقه على الميز وكلت
لييييش مرسبني واني اجوبتي كلها صحيحه
حسن، ، انتي شلون ادخلين هيج غير اول شي ادكين الباب ثانيا اني اعرف بالماده واجوبتج غلط
فاطمه، ، صكيت على سنووني
لااااااا صح ومتأكده طلعت الكتاب اريد اراويه الاجوبه اخذ من الكتاب وكلي
حسن، ،، طلعي براااااا براااااا
فاطمه، ، طلعت واني عيوني مورمه من البجي رجعت للبيت طبيت للغرفه بدلت وغسلت وجهي وكلت بسيطه اني اعلمك
اجه ناصر من الشغل ركضت وراه ناصرر ناااصر
ناااصر، ، هااا
فاطمه، ، اريد من هالكتب. الي تقره بيهن الي مره كلت بيهن شرح مفصل على كل ماده بس اريده على الرياضيات
ناصر، ، وين تعرفيلهن هاي بس للي مخلص دراسه
فاطمه، ، هااا مو هذا اجانه استاذ وصعب كلش واني اريد اطور معلوماتي
نااصر، ، ضحك عفيه بختي ماغلطت من دخلتج مدرسه اعرفج شطوره
فاطمه، ، يعني اجيبه اليه
ناصرر، ، ااي سهله اوصيه
كمت من يمه فرحانه واني اتوعد لحسن
جابه اليه الكتاب وكعدت اقرا بيه صح جان صعب وشغلات ماعرفه بس اعصر مخي واركز لخاطر اضوجه
ومن جان يشرح اني اسبقه واكله استاذ راح يصير هيج شي ونشالله بالبصفوف الجايه هيج نتوسع بالموضوع
هو بس يهز براسه وضايج مني ويكلي اي صح
والبنات متعجبات بيه وكلساع جايه وحده اشرح الها
ومره كاعدين بالصف ويشرح واني سبقته بالكلام هو صك عالبطشور وباوع اليه وصاااح
انتي شنو ماتخلين الواحد يشرح كلساع سابقتني افتهمنه شاطره
كتله بستهزاء ليش ضايج لان اعرف بالماده اكثر منك
هو فتح عيونه على وسعهن واخذ الطبشور كعد يكتب مسئله شطولها كلشي مافهمت منها وكالي
يلا كومي شوفينه شطارتج
اني وكفت عالصبوره وكلشي مافهم
كال يلا حلي
كتله ماعرف
باوع لبنيه وكاللها اخذيها للمديره وكليلها يكول استاذ حسن
فاطمه حامد تعيق شرح المدرس
اخذتني وسمعت رزاله مرتبه
بوكتها كلش ضجت ورجعت للبيت وغبت عن المدرسه اسبوع
وكلما يسئلوني اكلهم مالي خلك احس نفسي تعبانه
وبيوم اجت صديقتي وانطتني الدروس الي فاتتني وكالت اليه
استاذ حامد كل درس يسئل عليج يكول وينها فاطمه ليش مداوم كتله
استاذ مريضه
هو اني كتله هيج وجه كام ينطي الوان
وضل يسئل شبيها وشنو صار الها
وج جان حيل خايف عليج
كتلها ااي يجوز حس على روحه غلطان
كالت، وج شنو غلطان اكو وحده تكول للمدرس اني اعرف منك بالماده
كتلها، ااي احسن اله حتى المره الثانيه مايرسبني واني مجاوبه صح
رجعت للدوام ومن صارت الفرصه اجتني بنيه كالت استاذ حسن يريدج
كتلها اي بس مارحت لاخر درس يلا رحتلها
دكيت الباب
حسن، تفضل
فاطمه، موصي على استاذ
حسن، اي ليش تأخرتي
فاطمه، مافرغت
هز براسه وكال شلون صرتي كالو مريضه
فاطمه، الحمدلله تمرضت وطبت لاتخاف مايصير عليه شي مثل البزون
ضحك ودنك راسه وكال
حسن،، شنو هالاسلوب الي عندج ليش،ماتحترمين واحد
كتله، ، والله اكو اناس هم يجيبون الاهانه لروحهم
حسن، ، ولج انتي صدك لسانج طويل ومايصيرله جاره
كتله ، شسويتلك اني سئلتني جاوبتك
هسه اكدر اروح خلص التحقيق
كال روحي
درت وجهي اريد افتح الباب
كال ، فاااطمه
كتله بضوجه، ، نعممم
كال، ، ااااحبج
أنت تقرأ
حور عينيها
Roman d'amourورده،،، يمه بس فهميني شمسويه ام ورده،،، ماتعرفين يالحيله تتختلين ويه الرجال وسوين نفسج ماتعرفين ورده،، من سمعت هالحجايه نفضت روحي وكمت عزاااا يارجال يمه شجاي تحجين ?
