حور عينيها

البارت السابع

البارت السابع

حسن،،،، راح اروح اجيب اكل ماشي
قفلي الغرفه من جوه
فاطمه،،،، رحت وراه قفلت الغرفه ماتأخر شويه واجه جاب اكل كعدنه ناكل اكل لكمتين وكام
حسن،،، اني رايح اشوف بيت ايجار مانكدر نضل بالفندق على كل ليله ياخذ منه
فاطمه،،، هزيت اله براسي رحت وراه قفلت الباب

حسن،،،، طلعت من الفندق وراسي دايخ وين نروح اني وياها
ضليت افتر بالشوارع والفروع لحد مارجليه وكعن دلوني ناس على واحد رحتله دكيت الباب طلعلي الرجال طبيت شفت البيت جان كلش صغير وقديم جنت مجبور اخذه اتفقت وياه على الايجار ورجعت بليل
ضليت ادك ماحد يفتح يمكن اخذتها النومه نزلت جوه اخذت نسخة مفاتيح وطبيت علكيف شفتها ذابه روحه تعبانه نزعت ملابسي وضليت بالداخليات تمددت بصفها وحضنتها
فاطمه،،، حسن هااي يمته اجيت
حسن،،، قبل شويه
فاطمه،،، لكيت بيت
حسن،،، اااي بس حالته تعبانه كلش بس ايجاره زين
بس المشكله رايد مقدمه هسه ومنين اجيب اله
فاطمه،،، عندي ذهب وفلوس اخذهن اصرف بيهن
حسن،،، لا مستحيل ذهبج هذا
فاطمه،،، شسوي بيهن اخذهن والله كريم
حسن،،،، ماشي
فاطمه،،،، فتح اديه ونام بحضني واني امسح على راسه ماطول خمس دقايق وكام يشخر من التعب بسته من راسه وحضنته حيل
صار الصبح لمينه اغراضنه سلمنه المفاتيح وطلعنه للبيت
دخلنه اله جان كلش تعبان وقديم
طبيت نضفت البيت وحسن وياي
طلع اشتره غراض للبيت مو هواي بس فرشات نام عليها وكم شغله للمطبخ
مرت الايام  حسن يطلع الصبح عماله يرجع يتغده ينام شويه ويرجع يشتغل تكسي بليل جنه بالكوه مدبريها للعيشه مرات ناكل وجبه لو وجبتين باليوم حتى ندبر الايجار
مرت السنين واني ماعرف شي عن اهلي ولاحتى حسن
شلنه فكرت نجيب طفل لان بالكوه مدبرين عيشتنه

دخلنه سنة 2000 عمري صار 25 وحسن 37
بيومها كعدت الصبح سويت ريوك لحسن وراح للشغل ضليت اعزل بالبيت واحضر الغدا اجتني دوخه قويه ومغص بطني كلت يجوز مستبرده
لبست ورحت للمستوصف بالكوه اجر بروحي من الدوخه سوتلي تحاليل الدكتوره
دكتوره،، صارلج شكد مزوجه
فاطمه،،، تقريبا 8 سنين
دكتوره،،، مبروك حامل
فاطمه،،، من سمعت الخبر دنكت ضايجه شكد جان نفسي بطفل بس العيشه صعبه شافتني الدكتوره ضايجه ضلت تسئل واني حجيتلها الوضع نكسر خاطرها عليه
دكتوره،،، باجر مري عليه
فاطمه،،،، ليش
دكتوره،،،، راح اشوفلج شغل يم بنيه اعرفها
فاطمه،،، صدددك دكتوره والله تنقذينه
دكتوره،،، باجر موتنسين تمرين عليه وهاي الوصفه كتبتلج على فيتامينات ولاتعبين روحج هواي
فاطمه،،، اخذت الوصفه وشكرت من الدكتوره وطلعت
رجعت للبيت فرحانه واخيرا راح اساعده لاحسن
حضرت الغدا وأول مااجه تلكيته حضنته
حسن،،، هههه هااا خير اكيد مسويه مصيبه
فاطمه،،، بدل بسرعه عندي الك خبر يجنن
حسن،،، ههه ماشي
فاطمه،،، كعدن ناكل وهو يباوع بوجهي
حسن،،، هااا احجي شنو موتيتي
فاطمه،،، هههه جاهز
حسن،،، اااي جاهز احجي
فاطمه،،، خليت ايدي على بطني، ، اني حامل
فتح عيونه على وسعهن وعيونه دمعت
حسن،،، تحجين صدك لو تشاقين
فاطمه،،، هههه والله شبيك اليوم صارت عندي دوخه ورحت للمستوصف وحللت وطلعت حامل
عاف الاكل وكام شالني ويفتر بيه ويبوس بيه ومامصدك
حسن،،،، واخير راح يصير عدنه طفل
فاطمه،،،، اول مره اشوفه هيج فرحان من اجبنه لكربلا صفنه تاخذه وصفنه ترده
بيومها عاف التكسي بليل وطلعني للولايه وزرنه وتعشينه بره وهو يمشي ولازم ايدي يكلك طفله بيده