حور عينيها

البارت 11

البارت 11
الكاتبة: روح♥️

سمر،،، اخذ ملابسه وراح للحمام غسل طلع مشط شعره ونزل
واني افتر بالغرفه اعزل لبست دشداشه ومشطت شعري ونزلت لاكتني نور بالطريق
نور،،، صباح الخير
سمر،،، صباح النور
تريكتو لو بعد
نور،،، اي تريكنه جدو كال عوفهم براحتهم بس عمتي زينب صعدت الكم ههههه
سمر،،، اااي اقتحمتنه
نور،،، ههههه
هاي راح تنزلين هيج
سمر،،، ااي ليش
نور،،، هههه شوفي وجهج يكلك طالعه من عمليه تعالي اخليلج مكياج
سمر،،، كعدت كبالها وكامت تجيب وتخلي حتى وجهي احسه ثكل مامتعوده على المكياج
نور،،، يلا شوفي
سمر،،، كمت للمرايه اشوف صدك وجهي تغير وصار حلو
نزلنه جوه
سملت وطيب للمطبخ احضر ريوك
سميه،،، اكو وحده تعوف رجلها ينزل بدون ريوك
سمر،،، عمه مادري بيه طلع بسرعه
سميه،،، المره ثانيه تكعدين من الصبح تحضرين الريوك
سمر،،،، حاضر
تفاجئت من ردي عبالها اضل ارادتها
سميه،،، كومي حضري وياي الغدا راح يجون خواتي
سمر،،، حاضر
حضرنه الغدا صعدت ابدل واغسل من ريحة الطبخ
لبست فستان بسيط ولفيت شالي واكيد نور رتبت وجهي ماتخليني هيج هههه
لكيتهم جايين نزلت سلمت على وحده وحده
بس هاي بت خالهم النحسه تنطيني طرف ايدها
ماهتميت الها كعدت واجت نور كعدت يمي وبنت خال خالتي سميه كلش حبابه عذراء كعدت سولف وتضحك مو نفس نفسية عمتي سميه
جنه نسولف ودخل أسد سلم
أسد، ،،، سلام عليكم
الكل،،، وعليكم السلام
سمر،،، الكل كعد يبارك الا هالخبيثه اطفري وصيري لزك يمه
هدى،،، شلونك أسد
أسد،،،حمدلله بخير انتي شلونج
هدى،،، صرت زينه بشوفتك
سمر،،، هي تحجي وياه بمياصه واني كالبي خلقتي كلش ضجت منها
أسد،،، سمر
سمر،،، هاااا
أسد،،، وين الاوراق الي انطيتهن الج الصبح
سمر،،، يااوراق ?!
أسد،،، ياربي شهل الثول بس اريد اخلص من هدى خزرتها وسويتلها حركه تصعد للغرفه
سمر،،، هااا. ي اذكرت هسه اطلعهن
صعدت للغرفه ضليت افتر اصلا مافتهم شيريد
طب بدل ملابسه وتعطر وطلع
نزلت جوه كلساع خطار جاي صار الليل
كملت غسل اماعين وصعدت بدلت وتمدد بالغرفه
اباوع ساعه 12 أسد لسه ماكو من الضهر طلع
نزلت اجيب شي اكله لكيته هستوه دخل للبيت
واخيرا شرفت مونعست اريد انام
أسد،،، جااا منو لازمج
سمر،،، ليش يمه نسيت اني مرتك ومسؤله عن اكلك وشربك
أسد،،، ماريد شي منج انطمري
سمر،،، مو علساس اني ميته عليك بس جيب الي يقنع عمتي
أسد،، عفتها ومشيت تلغي اصلا روحي لعبانه من اشوف وجهه اتنرفز
صار الصبح اجت خالتي زينب جرتني وكعدتني
هااا بشري
سمر،،، كلشي ماكو
زينب،،، وج شنو كلشي ماكو ماسويتي الي علمتج عليه
سمر،،،، هو الرجال يبدي لو اني
خاله ماريده معقد كم سنه واطلك
ضربتني على راسي
زينب،،، غبيه وماتفتهمين وج شنو عايزه اشو جمال وشهاده وشغل وهيبه كوشي على الرجال احسن ماتاخذه هدى الحيه
سمر،،، خلي تاخذه بالعافيه ماريده
كامت خالتي تهز بيدها
ضل كم اسبوع أسد يجي للبيت يرتاح شويه ويدخل للمكتبه
ومحاربني اقل شغله يصيح ويعصب بس يردله حجه
جنت متمدده على الجربايه دخل جان راجع من الشغل
سمر،،، اصبلك غدا
أسد،،، ماريد
سمر،،، لشوكت اضل هيج اطب تريد تاكلني ومنغص عيشتي
أسد،،، هسه شتريدين
سمر،،، الي اريده خلي هالسنتين تعدي على خير
أسد،،، خوش
سمر،،، هسه اصبلك غدا
أسد،،، يي
سمر،،،، مو قبل شويه ماتريد هههه
أسد،،، هاهيه بطلنه
سمر،،، هههه اوكف شنو مايصير نشاقه
صبيت اله الغدا وخليته بالغرفه جان يلعب الموبايل قفله وكعد ياكل
كعدت كباله وضليت انقش بالاكل جان مدنك ياكل اول مره اركز بملاحه جان كلش حلو حقها هدى كاتله روحها عليه جان لابس تراك والتيشيرت مخصر عليه رفع راسه انتبهلي دنكت اكل
ليش وجهك اصفر وتعبان
أسد،،،، من الشغل واكلي مو منضم
سمر،،، خوش
شلت الاماعين وغلستهن خدرت اله جاي وصعدها جان نايم ومخلي ايده على عيونه
سويتلك جاي
أسد،،، اااي اجه بوكته
سمر،،، صبيت اله
اريد منك شغله
أسد،،، كولي
سمر،،، اريد نروح لكربلا اخذ اوراق المدرسه
أسد،،، نشالله
سمر،، تفاجئت من جوابه جنت متوقعه يرفض
شوكت
أسد،،، قبل لايبدي الدوام المفروض
سمر،،، تمام
شلت الاماعين غسلتهن صعدت انام لكيته نايم تمددت بصفه ونمت
كعدت العصر لكيت أسد بعده نايم الي اعرفه لازم يطلع عنده شغل كعدته مايكعد ضليت اخض بيها
يفتح عيونه بالكوه. خليت ايدي على خده حرارته نار
أسد أسد اكعد حرارتك مرتفعه
مايحجي بس يهز براسه
نزلت بسرعه لجوه عمه عمه
سميه،، هاا خير
سمر،،،، أسد متخربط
سميه،،، يمه شبيه ابني
سمر،،، صعدنه اني وياها وعمتي تكعد بيه بالكوه يجاوبها اتصلت بخالو رعد اجه بسرعه يركض
رعد،،، أسد أسد شو كوم عاوني
سمر،،، خالو اساعدك
رعد،،، انتتتتي وخررري ومالج علاقه اذا صارله شي اموتج والله