حور عينيها

البارت الثامن

البارت الثامن
الكاتبة: روح ♥️

حجي حامد،،، رعد وين
زينب،،، موجود
حجي حامد،،، صيحي اليه
زينب،،،، رحت اصيح لرعد ومن شفته دخل للغرفه ضليت اتصنت
رعد،،، هااا بويه صايحلي

حجي حامد،،، كمت من الفراش اخذت سبحتي واسبح
اخوك شلونه
رعد،،، زين بويه
حجي حامد،،، لاتجذب رعد اعرف ضام عليه شي
رعد،،، يابه ليش اضم عليك ماكو شي وحتى صحته تتحسن
حجي حامد،،، خوش نروح وياك لبغداد واسمع حجي الدكتور لان حجيك مايخش مخي
رعد،،، يابه والله طريق طويل وتتعب
حجي حامد،،، لعد احجي
رعد،،، بويه ناصر صحته موزينه ويكول مايطول هواي
حجي حامد،،، مدنك واسبح واستغفر والبجيه خانكتني بدون ماحجي اشرتله يطلع رجعت لفراشي وضليت ابجي واستغفر ربي
رعد،،، طلعت من يم ابوي ولكيت زينب يم الباب وعيونها مدمعه
زينب،،،، صدك ناصر راح يموت
رعد،،، تقربت الها وصميت حلكها ااااااش وعلي اذا طلع حرف لسانج اكصه
زينب،،، هزيت اله براسي وصعدت لفوك شفت بوجهي ناصر
حضنته وكمت ابجي وهو يمسح براسي ويكول خير شكو
صعد رعد وراي
ناصر،،، شبيها زينب بس لاضاربها
رعد،،، هااا اي تستاهل لسانها صاير طويل
ناصر،،، ههههه لاماعقوله زينب خلي تحجي بعدين اطول السانها
تقرب رعد وسحب فاطمه انزل خويه الغدا جاهز
زينب،،، سحبني رعد للغرفه وطبك الباب
رعد،،،، وج انتي خبله جاا اني شوصيت
زينب،،،، مخليه ايد على وجهي وابجي
رعد،،، كافي يمعوده كافي لايحس علينه
زينب،،، صدك راح يموت
رعد،،ا،سم الله فال الله ولافالج كلشي بيد ربج بدل هالبجي ادعيله
زينب،،،، ماشي،
تقرب باس راسي وكال لازم نصير اقوياء لناصر وابوي هو هم تعبان حيل
زينب،،، ماشي
رعد،،،، واني هم راح اوصي سميه ديرباله عليه
زينب،،، جانت سميه يم اهلها تعبانه من الحمل
كل البيت دخلو لغرفهم ونامو الا اني من سمعت هالخبر كلساع رايحه لغرفة ناصر اشوف نفسه وبليله دخلت اتقرب علكيف كعدت يمه خليت اذني على كله اسمع دكاته
ناصر،،، هاابشري ولد بنيه
زينب،،اني طفرت هااي انت كاعد
ناصر،،، شسوين
زينب،،، لاااا ماسوي شي بس اجيت اشوفك محتاج شي
ناصر،،، ضحكت، ، ادري بيها شوفيني عايش لو ميت
أشرت الها تكعد بصفي
زينب،،، ضل يسولف النه على طفولته وعركاته هو ورعد نسه روحه بالسوالف وكال فاطمه جانت تفتن علينه شويه وتغيرت تعابير وجه لحزن وغضب
زينب،،، اني غيرت السالفه
ههههه ناصر اني راح اصير عمه انت مقتنع بالسالفه
ناصر،،، هههه لا والله
زينب،،، ضل يسولف وياي شفته نعس عفته وكمت
للصبح اجانه خبر سميه جابت ولد رحنه كلنه لبيتهم دخلنه سلمنه وجابو الولد ناصر شاله فرحان بيه وكلها تكله يلا سميه
ناصر،،، شلته وخليته بحضن رعد
الزمه
رعد،،، لا ماعرف الزم طفل اخذه لايوكع
ناصر،،، خلي ايدك هنا وهنا
ضل لازمه ومتحنط خايف عليه
ناصر،،، يلا رعد شسميه
رعد،،، هاا اني شلي علاقه غير انت ابوه
ناصر،،، وانت عمه ومثل ابوه يلا سميه
ضل رعد مرتبك مامصور تصرف ناصر ضل صافن وشويه كال
رعد،،، اسميه اسد ،،، اسد ناصر
وحضنه وباسه
هاج زينب اخذيه يتمرمط هذا
زينب،،، كمنه نضحك عليه
رجعنه للبيت فرحانين صدك بهذاك اليوم مزاجنه تعدل وره 10 ايام رجعت سميه وناصر مكابل الطفل وكاعد ورعد هم متعلق بيه بس يخاف يشيله.
نهاية سنة 91 اجه خطبني صديق رعد من البصره بس شغله بغداد ويعرف بسالفة فاطمه لان هو وياه يدورون عليها
خطبنه وزوجنه وجانت حفله بسيطه الولد جان كلش حباب ومداريني وابد ماسمعني حجايه تغثني حتى بسالفة اختي وره كم شهر حبلت بال 92 شرف ابني وليد

دخلنه سنة 93 سميه جانت حامل
واسد كبر صار عمره سنتين هو الي محلي البيت ومخلي اله روح
اول مايدخل رعد للبيت أسد يركض عليه ومجلب بحضنه مايعوفه بيوم اجه يبجي لرعد
ضل شايله ويهدي بيه ومن سئله شنو بيه يكله عنون بحضن امي جان وليد بحضن سميه وهو من يشوفه يتخبل يضل يملخ بيه جان اسد يغار هواي ومدلل هواي

زينب،،، جنت بايته يم اهلي لان سجاد راح لبغداد رحت للمطبخ اجيب اكل لوليد سويتله لفه وصعدت للغرفه
اريد اطب للغرفه شفت ناصر طالع وايده على صدره بالكوه ياخذ نفسه وجهه صاير احمر
رحت اركض اله
نااااصر ناااااصر شبيك
ناصر،،، اخ،،اخ اختنكت ه ه هوى ماكو ماكدر اا اتنفس
زينب،،، شلت ابني واركض رحت لرعد فلشت الباب هو طلع مخترع
رعد،،، هااا خير يمعوده شكو
زينب،،، ناصر الحك تخربط
رعد،،، شنوووو
طبيت جوه اركض البس بتشيرتي
طلعت لكيت ناصر واكع وجهه محتقن
اكعد بيه مايكعد شلته واركض خليت بالسياره واسوق بسرعه
ناااصر ضل وياااي ناااصر تسمعني
ناااصر جان بلكوه ياخذ نفس
اخير شي كال

ناصر،،، رر رررعد ولدي امانه بركبتك.
رعد،،، لاتكول هيج هسه نوصل للمستشفى وينطونك علاج بس خليك وياااي نااااصر ناااااصر احجي وياي
ماكو صوت من ناصر اسوق بيد والايد الثاني اصحي بيه
وصلنه للمستشفى شلته واوكض بيه وهو فاقد
دخلوه سوله انعاش ربع ساعه وطلعو
الدكتور،،، البقيه بحياتك ماكدرنه نقذنه جان كلبه واكف
رعد،،، شنو شنو مات وخراااا دفعته وطبيت لجوه حضنته لناصر وابجي واصرخ واصيح لااخويه لاتعوفني لااااا كوم خيه كوم ولدك بعدهم ماشبعو منك كووووم
الناس جانت تجر وتهدي بيه واني فاقد الطم وابجي
تندمت على كل دقيقه عصبت وصيحت بيها عليه
طلعوني من الغرفه انتجيت على الحايط وضليت ابجي مامستوعب الي صار

زينب،،،وره ماناصر اختنك ورعد اخذه للمستشفى نزلت لابوي اركض كعد مثل عادته اخذت سبحته ويستغر جانت ردت فعل ابوي بارده كأنو متوقع الي راح يصير
ضلينه منتضرين على نار اني ابجي وسميه هم وابوي بس يستغفر
شويه ودخل رعد تراكضنه عليه
هاااا شصار وياي
رعد،،،، رااااااح ناااااصر راااااح بسببب هالحقيره
ضليت افلش بالغراض واصيح اااااخ لو الزم الا اشرب من دمهاااا ااااااخ لو الزمها
زينب،،، رعد فقد اعصابه وضل يكسر وسميه بس تبجي وصيح وابوي على نفس كعدته
ضلت الناس تجي تعزي دفنوه وخلصنه الفاتحه

رعد،،، مر اسبوع على موتت ناصر والبيت كمت اكره طبته جاي اشوفه بكل زاويه صوته مايفارك اذني
سميه راحت لاهلها تكمل العده واني ماكطعت عنها كل شهر اروح اودي فلوس وغراض للاطفال
كملت عده سميه ورحت اجيبها واعترض ابوها
ابو سميه،،، ابني بنتي مات رجلها بعد شعدها راجعه ارمله وحده صعبه
رعد،،، تنهدت ماعرف شكله حقه بالي يحجيه
عمي اكدر احجي وياها
ابو سميه،،، هسه اصيحلها
سميه،،، سلام عليكم
رعد، ،، وعليكم السلام هلا خويه شلونج
سميه،،، على الله
رعد،،، ردت احجي وياج بموضوع
اني اريد اعقد عليج
سميه،،، شنوووو لا ااابد ماصاير
رعد،،، خليني اكمل زواج على ورق بس اضلين انتي مثل اختي علمود نخلص من حجي العالم وجهال ناصر يربون يمنه لان ناصر وصاني عليهم وأمنهم بعد ماكدر اعوفهم
دنكت كامت تبجي
سميه،،، اووووف ياناصر وين عفتنه ورحت.
رعد،،،، لاشيلين هم خويه اني يمكم ماعوفكم
بليل نجي اني وابوي نحاجي ابوج وره دورة السنه نعقد
هزت راسها موافقه

سنة 2006
فاطمه،،، وره ولادة بنتي سمر بسنتين كدر حسن يتواصل ويه اهله وينطيهم عنونه

صارت حرب الاهليه العراقيه ( الطائفيه)
رجعو اهله لكربلا خايفين كدر حسن يستأجر الهم بيت