البارت الثالث
حامد،،،، كاعد بالمحل اشتغل واجه ابن اخوي يركض
عمي الحك عميييي وياخذ النفس بالكوه
حامد،،، ولك احجي شبيك
عمي عمتي ورده تعاركت وكعت من الدرج ونقلوها للمستشفى
حامد،،، من سمعت ضليت اركض بالسوك وابجي واكول لا ورده لاتعوفيني
وصلت للمستشفى لان صاير عدها نزيف قوي.
ضليت افتر الوب وادعي يارب دخيلك كلشي،ولاورده اموت اموت والله
وره نص ساعه طلعت الممرضه كالت
الطفله كدرنه ننقذها بسس امها لا
حامد،، جان شعور صعب ماكدر اوصفه حسيت صاعقه وكعت على راسي رجليه اريد اسيطر عليهن بعد ماكدر والطنين بأذني وضليت مجمد مكاني ومامستوعب الخبر امي تبجي يمي وابوي واني واكف على وكفتي
حسيت الدنيا كامت تفتر بيه وكعت
شفت ورده جانت مثل الملاك اجتني لزمه ناصر وبأيدها طفله انطتهم اليه وابتسمتلي وراحت واني امشي وراها وابجي واصيح ورده لاتعوفيني،،
ابوي كام يضرب على وجهي
ابو حامد،، بويه اصحه كول يالله
حامد،،، كعدت لكيت ابوي فوك راسي يبجي ومشكلين اليه مغذي وراسي يوجعني حيل حتى ماكدر افتح عيوني
كملنه اجرائات المستشفى وضلو يحققون شنو سبب الوكعه اهلي كالو زلكت وكعدت بس مستحيل واكعه الي اذكره كالو تعاركت
رجعنه للبيت وامي شايله الطفله صعدت لغرفتي ونمت جريت ثوب ورده وحضنته وابجي اجاني ناصر
نام بحضن ومخلي ايده الصغيره على خدي
ناصر،، بابا شفت اختي صغيره حيل وبستها
امي وين ??
حامد،،، ضميت الحسره بكلبي، ، شويه وتجي بعدهي مريضه بالمستشفى
دفنه وخلصنه الفاتحه 3 ايام
وسماهر بعدهي بيت اهلها وتكول امي عدها الالم والاده
رجعت للبيت وفض العزا وراحت الناس
رحت اشوف بنتي سموها فاطمه حاضنه وابوس بيها وناصر يتلمس بوجهه
انطيتهم لامي وصعدت انام
اول مافتحت الغرفه تذكرت ورده من تتلكاني
لو من اجي تعبان انام بحضنها وتمسح على راسي
حضنت المخده الي تنام عليها وغفيت
،،،خليتني بديــرة غـــرب
مالــــوم والمدمــع يكت
يالرسمك بعيني انطبع
راحت عيوني وما رحت،،
_لـ عريان السيد خلف_
رجعت سماهر هي وبتها قبلها اهلي راحو قبل يشوفون سماهر ويسمون الطفله
حامد،،، اني كاعد بالغرفه وسماهر صعدت اليه اني مدنك راسي وهي واكفه بالباب
سماهر،،، البقيه بحياتك
أنت تقرأ
حور عينيها
Romanceورده،،، يمه بس فهميني شمسويه ام ورده،،، ماتعرفين يالحيله تتختلين ويه الرجال وسوين نفسج ماتعرفين ورده،، من سمعت هالحجايه نفضت روحي وكمت عزاااا يارجال يمه شجاي تحجين ?
