الفرحه على وجوه الكل لايصفها الكلام، إختلاط الفرح بالفرحه❤
تهاني تصفر: تي وين يابنت الجمال هذا كله غطيتي علينا الزفت
أمال بصدمه: ياكلبه ياحيوانه من وين الحاجات هاذي، شفتوها يابنات قالت ماخديت شي وهيا طارحه هالطرحه تقول علاها عروس
علا: ماشاءالله عليك يافرح، أنتي من قبل حلوة، وزاد وجهك نور بعد خبر سالم
أمينه: خزيييييي يافرح قوليلي على المحل اللي خديتي منه والله ندور لين نعيا ومانحصلهمش هالحاجات الحلوه
فرح تنهدت بملل: تميتو ولامازال، مش أني اللي خديتهم، هديه ياهمي هديه، وغمزت لأمينه
أمينه فتحت فمها: هييييييييي قصدك من....وتبكشت أمينه لما فنصت فاها
فرح خفت أمينه تفضحني قدام مروه بنت خالى وعلا بنت عمتي: تعالي ياأمينه نبيك في حاجه بسرعه
مروه: خزيي غير قوليلنا من مني الهديه وإلا من معجب خاص
فدوى شبحت لمروه بنظرة تقتل: من صاحبتها اللي جت أمبكري
مروه بعدم تصديق: أهاا شفتها أمبكري وهيا خاشه بالكيسات تقول جايبه السوق كله، مش عارفه شني خلطك عليها بنت زي هذي يافرح
علا: أيه حقا هيا نفسها بنت خليفه ال........
فرح بملل: أي هيا ياعلا خيركم مش مصدقين ومكبرين الموضوع بنت عاديه راهو زينا زيها
مروه: تي أي عاديه ماشفتيش منظرها العز يقطر من وجها تقطير وإلا هذاك التليفون يجلط
أمال: تي ياسرك من الحسد هيا نوضي أنتي وياها، خلي إنديرو شوط مقوم
زينب خاشه من برا تعيط: تي وينكم يابنات، عمتي تدور فيك يافرح وأنتي تضربي في اللقني، أني إعييت راهو كل شي على رأسي أطلعي شدي عرس أختك شويه
فرح فتحت فمي بصدمه اللي يسمعها يقول حق: خزي هالتافه شن دارت هيا
أمال تسحن على زينب: لو تطلقوني علاها هالفاجره هذي نريشلها شعرها هاللي دافعه فيه دم كبد ولد خالتي وياريته طالع على وجهها😅
قعدو البنات كلهم يضحكو
أمينه: تي خلاص هيا نوضو وجيبو الداربيك الخيمه معبيه خلي نديرو شوط مليح
فرح لما طلعو البنات شديت أمينه: أني بندير مكالمه شويه ونجيكم باهي
أمينه: باهي بسرعه ماتعطليش
عند وليد روحت بندى ومشيت لخالد مقعمزين في القهوه رن تليفوني ( فرحتي ) كنت متردد نفتح الخط قلبي يقولي رد مستاحش صوتها وضحكتها
وعقلي يقولي لا مش زي ماتبي هيا أمتي ماتبيك تتصل وأمتي ماتبيش تسكر تليفونها، اللي داراته الأيام اللي فاتوا ماليشي مبرر أصلا مافيش سبب يستاهل أنها تحرمني منها وتتجاهلني بالشكل هذا
قعدت نشبح للتليفون لين فصلت المكالمه، تنهدت بحزن
خالد: خيرك مارديت
وليد: لو نرد راح نتعاركو وأن سكتت لما رجع التليفون رن من جديد ( فرحتي ) قلبي ينبض بقوه ومش عارف كيف قادر نتحمل ومانردش عليها
خالد بملل: تي رد وفكنا من الصداع
وليد: وأنت شني اللي واجعك في الموضوع
خالد: واجعني حالك ياعيل، بلاش جو الثقل عارفينك بتموت وتكلمها رد وفكنا
سكتت لما وصلت رساله فتحتها وإنفتح فمي معاها
خالد: تي خيرك شني فيه، سكر فمك بلا عار
فرح إتصلت مره وإثنين ماباش يرد كنت فعلا حابه نعتذر منه ونشكره على موضوع سالم، واضح أنه زعلان هلبا أول مره مايردش عليا،عارفه روحي غالطه ومش عارفه كيف بنرضيه، قررت نبعتله رسالة ونضغط على الوتر الحساس متاعه شويه
أنت تقرأ
عذبتنى الحياة💔😔
Ficción Generalبنت عانت هلبا بسبب الحب وبسبب الناس اللى حولها هل راح تبتسم لها الحياة مره لماذا أنا !!!!! أيتها هالحياة؟؟؟؟
