عذبتنى الحياة💔😔

{ الحلقة الحادية عشر 11 }

جلال: فرح يافرح وينك
فرح من المطبخ: هيا دقيقه بس جايه
جلال: ليا ساعه إنادي, بري جيبي تليفونك نبي نأخد رقم
فرح بصدمه: تليفون شني! قصدك متاع ماما؟
جلال ضحك بهزوه: بالك تحسابي روحك بتضحكي عليا على أساس ماعندكش تليفون, لا ماتعبيش عارف من أول يوم وساكتلك بس على خاطر بوي راهو واللهي نشد عليك حاجه نفرمك فرم فاهمه
فرح زفرت براحه: باهي رقم مني تبي؟
جلال نزل عيونه وكأنه متحشم: رقم أمال بنت خالتك
فرح كنت شاكه وبطلبه هذا أكدلي: والله مانقدر نعطيهولك من غير علمها, بس هما جايين بعدين خلي نسألها قبل ونقولك
جلال: أمتي جايين هما
فرح: خالتي قالت لماما بعد العصر
جلال: باهي خلاص أطلعي
بعد مرور إسبوعين, يوم الأربعاء الصبح إستقبلنا خبر وفاة عمي محمد راجل عمتي خيرية

علي:هيا خفو روحكم ولا تعالو مع جلال أني طالع شني تبوني نمشي أخر الناس
سعده:لالا أستناني نمشي معاك,توا فرح بعدين يلحقها جلال
فرح:خلاص يابابا برو أنتم وأني توا نلحق مع جلال ولا صالح,على الأقل ندير دورة على الحوش
سعده وهيا طالعه:فرح ماتنسيش باش تجيبيلي الدواء وحوايجي معاك,وكلمي خواتك قوليلهم باش يجو للجنازة أكيده يدفنو الظهر
فرح:باهي حاضر غير أطلعي بابا حسه ينادي
طلعت ماما وشفت الساعه قاعده س 7 مازال بكري ليش نخلع فيهم من توا,خشيت صليت وجهزت حوايجي وحاجات ماما
وليد نضت بكري اليوم بنمشي نشوف لندى النتيجه وبندير دورة على الجامعه,لأنه بديت نجهز لمشروع التخرج,بعتت رسالة لفرح تعودت نصبح عليها أول وحدة,وأخر من نسمع صوتها قبل مانرقد,بإختصار أدمنتها هالبنت يارب ماتحرمني منها
((حين أحببتك..أغلقت على قلبي أبواب الحياة..وأكتفيت بنبض عشقك..صباح الحب من حبيبك اللي دايم الدوم مشتاقلك))
فرح قريت رسالته وأبتسمت,وليد بالنسبه ليا الفرحه اللي ماحسيتهاش إلا معاه,السند اللي ساندني في ضعفي,القوة اللي مدني بيها حبه,بإختصار هو الحياة بكل مافيها
وليد قاعد مانضتش من سريري ورن تليفوني (فرحتي)أبتسمت زعما رسالتي نوضتها من النوم:ياصباح العسل ياحبي
فرح:صباح الورد,خيرك نايض بكري اليوم ياقلبي؟
وليد:بنمشي للجامعه,وبعدين بنشوف نتيجة ندى,وإنتي خيرك نايضه من توا إن شاء الله غير مش رسالتي نوضاتك
فرح:لا والله ياروحي مش منك,نايضه قبل ماتبعت الرسالة أصلا
وليد:باهي وفرحتي شني اللي منوضها بكري
فرح:راجل عمتي توفي الفجر,نوضتني ماما ومعاش جاني نوم
وليد:إنا لله وإنا إليه راجعون, ربي يتقبله برحمته إن شاءالله
فرح بحزن:أمين يارب,قاعد صغير وتعذب هلبا مسكين,ياناري أبصر شن صاير في علاء
وليد بغضب:شني ياروح أمك؟ يانارك صار!
فرح توترت عطيني قطعه في هاللسان توا شني يفوتها:حبي والله ماقصدي حاجه,غير هو من لما صغير نعرفوه متعلق ببوه هلبا
وليد بغضب:قصدك ولا مش قصدك مايهمنيش,ممنوع تذكري أسم راجل غيري,ممنوع يخطر على بالك ولا لحظه فاهمه
فرح:خلاص ياروحي مش مستاهل الموضوع تعصب على شأنه,والله مايعنيلي حاجه مافيش غيرك يهمني
وليد تنهد:صبح يافرحتي صبح كان جوي حلو الزفت
فرح بحزن:يعني أنا اللي عكرتلك جوك, تمام أسفه ياريتني ماأتصلت بكل
وليد:مش هكي يافرح بس مانتحملش نعرف أنك تفكري في غيري ولا في حد ثاني في بالك,أفهميني ياروحي
فرح:والله مافي غيرك في بالي ولاحد شاغل تفكيري غيرك,ياريته لساني إنقطع قبل مانتكلم
وليد بعصبيه:بعيد السوء من سمحلك تدعي على روحي أنتي,أخر مره نسمعك منك كلام زي توا فاهمه
فرح بدلع:فاهمه حاضر,باهي خلاص سامحتني ياروحي
وليد بإبتسامه:ليش نقدر نزعل منك يافرحتي أنتي,أني بس نغار عليك حتي من الهواء ياروحي
فرح بإبتسامه:ربي يخليك ليا ومايحرمني منك,باهي ممكن تشوفلي نتيجتي معاك راح نلهو في العزي ومافيش حد راح يفضي يشوفهالي
وليد:حاضر ياقلبي من عيوني أنتي تأمري أمر
فرح:تسلملي يارب,باهي خلاص مانعطلكش أكثر
وليد:لا عطليني كيف ماتبي كلي ليك يانبض قلبي أنتي
فرح:خلاص مره ثانيه,ماهو توا نبيك تشوفلي نتيجتي,نبي مصلحه ياحبي ههههههه
وليد حط إيده على قلبه:اااااخ ياقلبي,ياربي صبرني,بروحي هابل عليك ياعمري ماتزيدنيش باللهي
فرح تحشمت:خلاص سكتت,يلا في أمان الله سلام ياحبي
وليد:ربي مايحرمني منك ياعمري سلام
وليد قاعد ماتحركتش من مكاني لما سمعت صوت إشعار الواتس, فتحته وتوسعت إبتسامتي:ياعمري ربي يحفظك ليا أني من غيرك ولا شي والله
للحظه خطر على بالى اللي صار الإسبوع اللي فات,حسيت روحي أنذل شخص على وجه الأرض:ياربي ساعدني والله اللي صار غصبا عني، أنت عارف بنيتي، يارب خلصني من هالموضوع باأسرع مايمكن يارب