وجع الحب (مكتملة )

رواية جديدة

-: احم ممكن بوسة

-: بوسة .. اما انك صحيح راجل بجح وقليل الادب ..

جه راجل من جوه وقال
-: في ايه يا ولية بتزعقى كده ليه ؟

-: الراجل قليل الادب بفتحله الباب لقيته بيقولى هاتى بوسه ..

-: نهارك طين .. بتقول لمراتى كده ده وبكل بجاحة .. اذا كان انا متجوزها بقالى احداشر سنه ومببوسهاش ..

-: يا استاذ اهدى بس انا مالى تبوسها ولا متبوسهاش وبعدين هى دى واحدة تتباس ولله عندك حق ...

-: اه يا قليل الادب يا سافل  ... اضربه يا ابراهيم متسبهوش ..

ابراهيم مسكه من هدومه واداله بوكس ..

-: استنى بس يا استاذ ابراهيم انا هبوس المدام ليه انا كنت جى اسال عن الانسة بوسة هى ساكنه هنا !!

مسمعش رد بس لقا الباب اتهبد في وشه ..

-: اااااه منك لله يا ابراهيم عوجتلى الفك .. اما اطلع الدور التانى يارب الاقيها ساكنه فيه واخلص ...

طلع الدور التانى وخبطت فتحتله ست عجوزة اوي ولما شافته قالتله
-: انت مين يا بنى وعاوز ايه ؟

-: انا كنت جى بسال عن الانسة بوسة ساكنه هنا !!

حطت ايدها على ودنها وبتقول
: مين عاوز مين !!

بصوت عالى : بوسة  عاوز بووووسة

-: يابنى انت اعمى النظر ده انا ست كبيرة اد ولدتك دا انا من يوم الحاج ما مات من تمنتاشر سنه وانا مردتش اتجوز وادخل راجل غريب على عيالى تقولى هاتى بوسة  .. اما جيل قليل الحيا صحيح ...

الباب اتقفل للمرة التانية
-: ده ايه الحظ المنيل بستين نيلة ده !! .. انا كان مالى ومال الشغلانة السودا دى اوووف ..في حد يسمى الاسم ده مالها عفاف ولا شيرين ولا سماح اسامى بنى ادمين مش قلة أدب ..

رواية جديدة هستنى رأيكم