قيود العادات والتقاليد

ياليتني لم أهرب

جا وقت نوم وكلن راح لخيمته ...

البنات في خيمه وحده ناظرت عهود في العنود
عهود : بنات اسمعوني زين
رنا : سمي
عهود : انا بكره بعد ماينامون بهرب وبعيش حياتي بعيد عن القيود

ولا وحده فيهم تكلمت من صدمه ..

عهود : بتجون معي ولا لا ؟
عنود : انا بروح معها يابنات
ديم : انتو جنيتو بيلاقونكم ويذبحونكم
عهود : يذبحوني ولا اعيش كأني بهيمه
رنا : صراحه معها حق انا بروح معك
ديم : لا لا انا خايفه مستحيل اهرب
أقنعوها البنات وافقت ،،،،

صباح 🌤

العيال صحيو كلهم متحمسين للقنص
مصلح : افف قلتلكم لاتجيبونهم معنا باقي نايمين
علي : بيصحون اللحين

عمر صحاهم من نوم قامو البنات وهم متوترين
غسلو ولبسو عباياتهم  ..

وصلو لمكان القنص طول طريق والبنات
مافتحو فمهم بس مفهين وباردين

طبعًا رشاش مايخفى عليه شي دقيق الملاحظه
وحافظ ديم غيب ويعرف ان في خاطرها شي

كانت ديم سرحانه قرب منها رشاش ،
رشاش : عسى ماشر وشفيك
ديم : ها مافيني شي
رشاش : ألي يشوفك مو كأنك طلبتيني اطلعك
ديم : لاتكبر الموضوع  ( بنفيخ )
رشاش : الزمي حدك  ( بحده)
ديم : انا اسفه ماكنت اقصد ازعلك
رشاش : حصل خير ( راح )

العيال منسجمين يقنصون  اما البنات جالسين .،

رنا : يارب نهرب بدون مايمسكونا
ديم : اسكتي لاتوتريني
عنود : هدو ترا الخوف بيكشفكم
ساره : انتو عادي لو تنمسكون لاكن انا عندي اخوان
عزرائيل ارحم منهم  رشاش ومصلح
عهود :  حبيبتي ياساره احنا معاك

رشاش كان يراقب البنات بعيونه وكانو متحمسين
وكأنهم يخططون لشي ولع زقارته ومو مطمن  .،

رنا شافت شي يتحرك قربت منه طلع ارنب
فرحت مره واخذته ودته للبنات .،

رنا : شوفو وش لقيت
عنود  : يجنن بس اخاف وخريه شوي
لعبو البنات  مع الارنب  .،

عند مصلح والعيال .،
مصلح : ولا فيه ارنب نصيده وشذا الحظ
قحص : والله ماش اليوم مافيه نصيب ( يضحك)
سلطان : خلونا نرجع احسن.

رجعو كلهم وشاف مصلح ارنب في حضن رنا
مصلح : من فين جبتيه ( مصدوم)
رنا : كان يمشي واخذته
سلطان : رنا خلينا نشويه وناكله
رنا : لا مستحيل اعطيكم حرام
سلطان : عطيني يارنا ميتين من الجوع
رنا : والله ماتشله ( فكت لارنب وهرب )

ناظر مصلح وسلطان في بعض من القهر .،
سلطان : والله انها اخر مره تطلعون
مصلح : يقهرون صدق
علي يضحك : ربي رحم لارنب

سمرو وتعشو وجا وقت نوم دخلو الخيام .،

عهود : هذا الوقت المناسب يله مشينا
ديم  : يارب ينامون نومه عميقه
رنا : انا بفصخ عبايتي اخاف تطيحني
عهود : كلنا بنفصخها يله يبنات
طلعت راسها تبغى تشوف اذا فيه احد
مالقيت احد اشرت للبنات عشان يركضون  وركضو .،

عند رشاش كان يتمشى بعيد عن الخيام
علي لحق رشاش وتنحنح  انتبه له رشاش
وناظر فيه مستغرب وجوده .،
رشاش : وش مصحيك
علي :  ماني اعرف طعم نوم
رشاش : وشفيك
علي : كلما رقدت اشوف ابوي في منامي
رشاش : الله يرحمه هذا قدره
علي : لا هذا فعايل جدي  واحد ماعنده قلب
اشتد الجدال بين رشاش وعلي وكان شوي ويتضاربون
لاكن رشاش شاف البنات يهربون وكانو بعيد
وخر عن علي وصارخ على البنات يوقفون

البنات وهم يركضون وفرحانين انهم بعدو عن الخيام
سمعو صوت رشاش يناديهم انفجعو
ساره : رشاش ورانا  يابنات (  تبكي بصراخ)
عهود : ادعسي لاتوقفين ( بصراخ)

رشاش  ركض وراهم اما علي راح يصحي العيال
عشان يلحقونهم قامو وركبو المواتر ولحقوهم

اما رشاش كان يطلق نار في سما عشان يخوفهم
ويوقفون ويهددهم بس مافيه فايده

عنود : بنات احنا في صحرا مالها نهايه
ديم : رشاش باقي ورانا ( تبكي )
سمعو البنات سيارات العيال جتهم  ووقفت قدامهم
ساره من الخوف طاحت على لارض

صارو العيال محاوطينهم  على شكل دائره والبنات
في نص  .،

ساره : كله منك ياعهود ( تبكي من الخوف )
ديم  : بنات شنسوي
عهود : لعنه لعنه ( بقهر )

رشاش : والله لاربيك يبنت الكلب
اخذ ساره. من شعرها ضربها
مصلح : وين عباتك ( بصراخ)

والبنات الباقين ماقصرو فيهم  تفككو البنات
من العنف وضرب ركبوهم المواتر وحركو للبيت .،

من سوء الحظ الجد  رجع البيت ماكمل سفريته .،

دخلو العيال وهم معصبين  ويدخلون البنات ويدفونهم
قام الجد وهو مصدوم من المنظر البنات بدون عبايات
وأصلًا كان معصب ليش طالعين من البيت  .،

الجد جدلان : وش انا قاعد اشوف ( بعصبيه)
رشاش: هد وانا بشرحلك كل شي

اما البنات اول ماشافو جدهم عرفو انها نهايتهم
ناظرو في بعض وبكو بحرقه وخوف .،

قال رشاش كل شي صار للجد وعصب منهم قام
وعطى عهود كف بقوه .،
جدلان: انتي راس المصيبه كل ذا يطلع منك ( بعصبيه)
عهود : تكفى ياجد البنات مالهم دخل (تبكي)
جدلان : انقلعو نامو اللحين بكره بنتفاهم

قامو البنات ينامون من تعب .،

جلسو العيال كلهم  يناظرون وش بيقول
جدلان : انا اخذت قرار لازم ازوجكم  وكل واحد
فيكم ياخذ وحده منهم بسرعه ( بصراخ)