قيود العادات والتقاليد

لقد نجوت

نكممل ....

كانت عهود نايمه في غرفتها بعد مارموها وديم جنبها
تحاول تصحيها قبل يجي مصلح وتصير مصيبه

صحصحت عهود ديم فرحت  وساعدة عهود وغيرت
ملابسها ورتبت شكلها
عهود تبكي : تكفين احميني من مصلح
ديم ضمتها : بحميك ولا يهمك انتي ارتاحي

فتح مصلح الباب بقوه خافت ديم من شكله
ديم بخوف : بسم الله  مصلح اركد اركد
مصلح بصراخ : ديم اطلعي برا الغرفه
ديم : اطلع عشان تضربها ها والله مانيب طالعه
مصلح بعصبيه : اطلعي لاكوفنك هنا
ديم بصراخ : لا مانيب طالعه خلاص لاعاد تضربها
اسمع منها اول وافهم
مصلح بصوت عالي : رشاش يارشاش تعال خذ زوجتك
من قدام وجهي
دخل رشاش : خير سلامات قاطه وجهك بينهم
ديم بعصبيه : يبغاني اطلع من الغرفه عشان يضربها
وانا مابسمح له
رشاش : ديم اطلعي بسرعه تعالي
ديم : لا يارخمه انت واخوك ذا القصير معاد بخاف منكم
رشاش بعصبيه  : انا رخمه
ناظر رشاش وعيونه تطلع شرار سحبها بقوه وهي
تقاومه بس قوتها ولاشي قدامه

اما مصلح سكر الباب بالمفتاح وعهود ميته من الخوف
قرب منها : قولي وين كنتي في ذا الوقت
عهود تبكي : تكفى لاتضربني
مصلح بصراخ : فين كنتي بسرعه
عهود : رحت عند العنود وكنت بجيبها معي بس ماقدرت
مصلح : كيف صار كذا  ومن وين عرفتي مكانها
عهود قالت سالفه كامله ومصلح هجم عليها ضرب
وهو يصرخ عليها اغمى عليها من ضرب وهو ماوقف

عند ديم سمعت صراخ عهود تبغى تروح بس رشاش
مسكها وقال : على وين
ديم تبكي : مصلح يضربها اسمع صوتها
رشاش : لا مافيها شي بس يربيها عادي
ديم : تدري انك تقرف واحس اني متزوجه شيطان مو
من بني أدم
رشاش يدخن ومو مهتم لها : لاتطلعين من الغرفه بيصير
فيك مثلها
ديم طلعت من الغرفه لان معاد سمعت صوت عهود خافت
عليها رشاش كبر عقله وما لحقها وهو أصلًا
خايف على عهود من مصلح

ديم تدق باب غرفة مصلح وتصرخ : افتح مصلح افتح
فتح مصلح  وطلع من البيت
دخلت ديم وشافت عهود على لارض وهي كلها كدمات
شلتها وحطتها على سرير واهتمت فيها
ديم تبكي : اسفه ماقدرت اوفي بكلامي

................... اليوم ثاني

لام نوره معصبه : والله لاربيه ذا الورع
لام خيريه : بسم لله على عقلك يانوره من تكلمين
لام نوره : مهل تخيلي اغراضه ما حصلتها وله اسبوع
مختفي
لام خيريه تضحك : تلاقينه مع سرابيت
لام نوره : والله لأحرمه ذي الحركات

ساره قعدت معهم وهي لايعه كبدها من ريحية البخور
ساره بقرف : يمه لاعاد تبخرين بذا البخور اففف
لام نوره : لايكونك حامل يالغشيمه
دخل عمر : صدق يمه ساره حامل
ساره بأرتباك : لا مانيب حامل على كيفكم هو
لام نوره : انتي تحبين ريحة البخور ليش قلبتي عليها
ساره : يمه الله يهداك مافيني شي ولانيب حامل فكينا
عمر بأستغراب : وشفيك معصبه عادي واذا طلعتي حامل
ساره تضحك بتسليك : لا مو معصبه بس كذا مااحب