قيود العادات والتقاليد

غيره

اليوم الثاني ....

العائله مشتمعه يتقهون ويسولفون ..

لاب خالد : يازين جمعتنا مو ناقص غير ابوي الله يرحمه
لاب عوض : الله يرحمه والله لايفرقنا

عند البنات ..
رنا : الله لايرحمه تخيلو عايش اللحين
ساره : شي الوحيد الحلو سواه علي قبل يموت انه ذبحه
عهود : اي كان ناوي يعيش اكثر منا
عنود تضحك : يلعن بليسكم
عهود : بنات اليوم ودي اسوي شي اكسر روتين
عنود : لا لاتكفين اسكتي بتودينا في داهيه
رنا : تذكرون اخر مره يوم هربنا وش صار ( بضحك)
عنود : لاتجيبن طاري ذا اليوم المشؤم
عهود : فكونا من الحزن عندي لكم خطه تجنن
ساره : قوليها طيب وفكينا
عهود : بقولكم بعدين ( تغمز )
رنا : تذبحني ثقتك في نفسك
عهود : كلتبن وشفيك منكده علي اليوم
رنا : كلي تراب لاهفك بالفنجال اللحين
عهود : نعم وش قلتي
( عهود مسكت شعر رنا وذي مسكت شعرها )
عهود : فكي شعري لادفن خشتك في القاع ( بضحك)
رنا : وخروها عني

البنات يتهاوشون ويضحكون وديم في عالم ثاني ....

طبعًا رشاش كان يناظرها وعرف انها حزينه وصادقه انها
ماكانت تقصد بس باقي مصمم على القرار انها قاتله ولده

ديم حطت عينها في عينه ناظرته من فوق لتحت بحقد
وهو عصب من نظراتها له ويبغى يغيضها

رشاش بصوت عالي : اسمعوني كلكم بغيت اقول واعطيكم
خبر اني بدور عروس وبتزوج

الكل حرفيًا انصدم من كلامه ومن برود ديم ...

ردت امه مستغربه : رشاش ولدي شقاعد تقول
رشاش : يمه بغيتك تدورين لي بنت ناس تخاف الله
ومتربيه زين ..

مهل وقحص عصبو من كلامه لديم اختهم ..
مهل : شتقصد اختي مو متربيه
رشاش : لا ونعم فيها بس من حقي اتزوج
قحص : لا مو من حقك تتزوج عليها بدون سبب ( معصب)
رشاش : سبب موجود وهي تعرف ايش سبب خلها تقولك

ديم ناظرت فيه برود وكلمت امه : ياخله لاتتعبين  نفسك انا
بخطب له وبزوجه بعد  وافتك من خشته بالمره 
رشاش : من قالك بتفتكين مني
ديم : ادري فيك لزقه وما تقدر تعيش حياتك بدوني
رشاش بعصبيه :  لا تتجاوزين حدود الكلام معي
ديم بصراخ : مو على كيفك انا مو لعبه عندك معك
حق أني غلطت بأجهاض الولد كنت خايفه منك
انت أصلًا واحد مجنون وما ابغى اكمل حياتي معك

رشاش بدا يفقد عقله : شوفي لو ماتسكتين وتحشمين
نفسك بتشوفين رشاش واحد ثاني

ديم تكلم قحص ومهل : تسمعون كيف يهددني تراه
يضربني كل يوم ويعاملني مثل. الخدامه يرضيكم
مهل : انا اللحين دخت مو فاهم شي
قحص : طيب اهدو وتكلمو.مع بعض يمكن تحلونها بينكم

رنا من بعيد قاطه : قحص ماتعرف غير ذي الكلمه قلتها
لي واللحين لديم شفيك انت تسلك لنا
قحص : اكرمينا بسكوتك
ديم تبكي : خلاص افهموني ابغى اتطلق منه مو غصب
رشاش : طلاق مانيب مطلق
قحص : ماعندنا بنات يتطلقون  ياديم
ديم : لعنه تلعنكم هازوجوه وحده من ذي ديره وفكوني
( راحت  للغرفتها وهي تبكي )